Love You So Much

Love You So Much (part-24)

အပိုင်း(၂၄)
.
.
.
နောက်နေ့မနက်ရောက်တော့ လူအားလုံးက ပင်လယ်ထဲမှာကစားတဲ့သူကကစား၊ ဓါတ်ပုံလျှောက်ရိုက်တဲ့သူတွေကရိုက်၊ ဒီတိုင်း ပင်လယ်ရဲ့အလှအပကိုခံစားတဲ့သူကခံစား။ သို့သော် ထိုသူတွေနဲ့ အနည်းငယ်ကွဲထွက်နေသည့်သူများမှာ ကုမ္ပဏီအကြီးပိုင်းလူကြီးတချို့နှင့် Baekhyunတို့ လူငယ်တစ်စုသာ..

ပျော်ရွှင်နေကြသည့်၀န်ထမ်းများကိုကြည့်ရင်း အေးအေးဆေးဆေးအနားယူကြသည့်သူများမှာ Chanyeolတို့ ဆယ့်နှစ်ယောက်နှင့် သူတို့ရဲ့ လက်ထောက် Markတို့ဖြစ်ကြသည်။

Markမှာ ပျင်းလာသဖြင့် ဂိမ်းကစားရန် Chanyeolကိုပြောပြမိတော့ Chanyeolမှာ တီးတိုးတိုင်ပင်ကာ ဂိမ်းကစားရန်ပြင်ကြသည်။

ပထမဆုံး လူစုပြီး မဲနှိုက်ကာ အဖွဲ့ခွဲကြတော့ Chanyeol, Kai, Kyungsoo, Luhan, Sehun, Layတို့ကတစ်ဖွဲ့၊ Baekhyun, Suho, Tao, Kris, Chen, Xiumin တို့ကတစ်ဖွဲ့ဖြစ်ကြသည်။

အဖွဲ့နာမည်ကို အဖွဲ့ရဲ့ ခေါင်းဆောင်များဖြစ်ကြသည့် Chanyeol နှင့် Suhoတို့ကရွေစခြယ်ကြသည်။ အဆင်သင့်ဖြစ်တဲ့အချိန် Markမှ အဖွဲ့နာမည်အော်ခိုင်းရာ Suhoကတော့ ရိုးရိုးတန်းတန်း

"We Are One!!!"

ထိုအခါ Chanyeol မှ

"အဖွဲ့နာမည်ကလည်း မစွံလိုက်တာဗျာ"

"ပြောစမ်းပါဦး မင်းအဖွဲ့နာမည်"

Suhoကမခံချင်စိတ်ဖြင့် ပြန်မေးကြည့်ရာ Chanyeol မှာ မျက်ခုံးတစ်ဖက်ပင့်ပြကာ လည်ချောင်းရှင်းရင်း ထအော်လိုက်သည်။

"Baekhyun~naa Saranghae!!!"

ထိအခါမှ လူအားလုံး တအံ့တအားဖြစ်ကာ ချောင်းဆိုးသည့်သူက‌ဆိုး၊ မျက်နှာမဲ့သည့်သူကမဲ့။ Kaiကတော့

"အဲ့လိုဖြစ်မယ်မှန်းသိရင် ငါအစကတည်းကဒီမဲလိပ်ကိုမရွေးခဲ့ဘူး"

သူ့နည်းတူစွာ Kyungsoo ကလည်း

"ဒီမှာ ကျွန်တော် အသင်းပြောင်းလို့ရလားဗျ"

ကျန်တဲ့သူတွေကတော့ ပိုကိုပိုတယ်ဆိုပြီး မျက်စောင်းတခဲခဲနဲ့ဖြစ်နေကြသည်။ သို့သော် ဘာသံမှမထွက်နိုင်ပဲ ခေါင်းငုံ့ကာ မျက်နှာကြီးရဲပြီး ရှက်နေသည်မှာ Byun Baekhyun ပင်ဖြစ်သည်။ မနေ့ညက အဖြေရပြီးနောက်ပိုင်း Chanyeol မှာ အူမြူးကာ အကုန်လုံးကိုနှိုးပြီး သူတို့တွဲနေပြီဖြစ်ကြောင်းကိုပြောပြချိန်ကတည်းက Baekhyun မှာ ရှက်လို့ ဘယ်သူနဲ့မှမျက်နှာချင်းမဆိုင်ရဲပေ။