Love You So Much

Love You So Much (part-9)

အပိုင်း(၉)
.
.
.
ဆိုးလ်ကိုရောက်တော့ Baekhyun နဲ့ Kyungsoo တို့နှစ်ယောက် ကျောင်းတက်ဖို့ပြင်ရတယ်။ မနက်စောစောထပြီးကျောင်းသွားရမှာမို့ ညကတည်းက စာအုပ်တွေထည့်စရာရှိတာထည့်ထားရသည်။

"Baekhyun စာအုပ်တွေမကျန်စေနဲ့နော်။ မနက်နှိုးစက်ပေးထားဦး အိပ်ပျော်မသွားနဲ့ ငါသွားအိပ်နှင့်ပြီ"

"အေးပါကွာ Goodnight "

"Goodnight "

Kyungsoo ကတော့ သမ်းရင်း သူ့အခန်းထဲကို၀င်သွားသည်။ Baekhyun ကတော့ လုပ်စရာရှိတာလုပ်ရင်း ဘာရယ်မဟုတ် Chanyeol အကြောင်းကိုတွေးမိသွားသည်။

*အိမ်ငှားပေးမယ်ဆို တခြားနေရာငှားလို့ရရဲ့သားနဲ့ ဘာလို့ ဒီနေရာကိုငှားပါလိမ့်။ ပြီးတော့ သူနဲ့ နီးနီးကပ်ကပ်ကြီး*

အဖေဖြစ်သူပြောပုံအရဆို Chanyeol အိမ်က Baekhyun အိမ်နဲ့ တစ်လမ်းကျော်ပဲကွာတယ်တဲ့လေ။
Baekhyun တစ်ယောက်ပစ္စည်းတွေထည့်ပြီးသွားတော့ ခြေလက်ဆေးပြီး အိပ်ယာ၀င်ခဲ့သည်။

သေချာပါတယ် လူကြီးနဲ့တွေ့ပြီး သူ့အိမ်မက်တွေက လှပနေခဲ့သည်ဆိုတာ...

************

"Chanyeol မင်း ဟိုကလေးနဲ့နီးအောင် တမင်အဲ့အိမ်ကို ငှားပေးလိုက်တာမလား"

"မဟုတ်ဘူး ရှာဖို့အချိန်မရလို့ တွေ့တဲ့နေရာ‌ငှားပေးလိုက်တာ ဒါနဲ့ မင်းကရော ဓီညကျမှ ဘာလို့ ငါ့အိမ်ကိုလာအိပ်တာလဲ။ မဟုတ်မှလွဲရော မင်းဟိုမျက်လုံးပြူးပြူးနဲ့ကောင်လေးက ဒီနားမှာဆိုလို့များ..."

"ပေါက်ကရ။ မဟုတ်ပါဘူး ငါကဒီတိုင်း ပျင်း ပျင်းလို့လာတာ"

"လိမ်‌မနေနဲ့ ကားဂိတ်မှာ မင်းမျက်လုံးကြီးကျွတ်ထွက်မတတ်ငေးနေလိုက်တာများ မြင်မကောင်းဘူး"

"ဪ ဒီ*** မဟုတ်ပါဘူးဆိုနေ ကဲကွာ"

"ဟားဟားဟားဟားဟား"

Jonginက နီးစပ်ရာ ဘီယာဘူးခွံနှင့်ကောက်ပေါက်သည်
Chanyeol ကလည်း Jonginရဲ့ အပြုအမူကို အူတက်နေခဲ့သည်။

ထိုအိမ်လေးတွင်လည်း ကောင်လေးနှစ်ယောက်ရဲ့ သတ်ပုတ်သံတွေ ရယ်သံတွေပြည့်နေခဲ့သည်။
Kaiကပျင်းရင် တစ်ခါတစ်လေ Chanyeol အိမ်မှာလာအိပ်သည်။ ကျန်တဲ့ သူငယ်ချင်းတွေဖြစ်ကြတဲ့ Tao, Kris, Junmyeon,Yixing နဲ့ Sehunတို့လည်း ထိုအတိုင်းသာဖြစ်သည်။
လူမရှိသော Chanyeol အိမ်သည် ထိုကောင်လေးများအတွက်တော့ အပန်းဖြေအိမ်လိုတောင်ဖြစ်နေသည်။ တစ်ခါတစ်လေ Chanyeol မှာ သူတို့ဖွခဲ့လို့ ဒေါသထွက်ရ သူတို့မရှိရင်လည်း ပျင်းရ သူတို့ရှိရင်လည်း စကြနောက်ကြ အလုပ်ကိစ္စဆွေးနွေးကြနှင့်သာ ဘ၀ကိုနေထိုင်လာခဲ့သည်။