Love You So Much

Love You So Much (part-15)

အပိုင်း(၁၅)
.
.
.
ပွဲနေ့ရောက်လာတယ်။ ပရိသတ်တွေအကုန်လုံးကလည်း အိုင်ဒေါတွေကိုတွေ့ချင်စောနဲ့ ပွဲမစခင်စောရောက်လာကြပြီး ဓါတ်ပုံရိုက်ကြ မုန့်လျှောက်စားကြနဲ့ ဆူညံနေခဲ့တာ။ မကြာပါဘူး ပွဲစတော့မယ်ဆိုတော့ အကုန်လုံး ကိုယ့်နေရာကို အသီးသီးယူကြတယ်။ ကျွန်တော်ရယ် Kyungsoo, Luhan, Xiumin samနဲ့ Chenတို့ကလည်း ဦးပေးထားတဲ့ လက်မှတ်က ခုံနေရာကိုရှာပြီး၀င်ထိုင်ကြတာပေါ့။

ဦးကိုကျေးဇူးတင်ရမယ်။ ကျွန်တော်တို့ ထိုင်တဲ့အတန်းက Vipတန်းဖြစ်နေတဲ့အပြင် အဆိုတော်တွေကမယ့်နေရာက်ု သေသေချာချာမြင်ရတယ်။ မကြာဘူးအစီအစဥ‌်ကြေငြာသူက စင်ပေါ်တက်လာပြီး ဖျော်‌ေဖြပွဲစကြောင်းကိုပြောတော့ လူတွေအကုန်လုံးကအော်ပြီး အားပေးလိုက်ကြတာဆိုတာ ပွဲခန်းမအပြင်ကနေတောင်ကြားရမယ်ထင်တယ်။ အဲ့တာထက်အဆိုးဆုံးက ဖန်ဘွိုင်းဖြစ်ကြသူ Kyungsoo နဲ့ Luhan တို့က ကျွန်တော့ ဘေးတစ်ဖက်စီမှာထိုင်နေကြတော့ သူတို့တစ်ခါအော်ရင် ကျွန်တော့်နားကိုတစ်ခါပိတ်ရတယ်။

လက်ထဲမှာလည်း EXO logo ပုံစံအလင်းချောင်းလိုလိုဘာလိုလိုနဲ့ဟာတွေနဲ့ Banner တွေနဲ့ ကိုင်ထား‌တာတွေက ရှုပ်နေတာပဲ နှဖူးမှာလည်း အ၀တ်စမှာအိုင်ဒေါနာမည်တွေရေးပြီး ပတ်ထားသေးတယ်။ ကျွန်တော့်လက်ထဲမှာ ဘာမှမရှိတာကို မြင်သွားတဲ့ Kyungsoo က သူ့လက်ထဲက အလင်းချောင်းတစ်ခုကိုလာထည့်ပေးတယ်။

ဒီလောက်များတဲ့လူတွေကြားမှာ တွေ့ကြမယ်ဆိုတဲ့ ဦးကဘယ်မှာများပါလိမ့်။ ပွဲက‌စတော့မှာ သူတို့ကခုချိန်ထိမလာသေးဘူး။ ကျွန်တော်လည်း အနားကပ်ပြီး Kyungsoo ကိုမေးလိုက်တယ်။

"ဦးတို့လည်း မလာသေးဘူး ငါဖုန်းဆက်ကြည့်လိုက်ရမလား"

"အမယ်လေး တော်တော်တွေ့ချင်နေတာများ"

"မဟုတ်ပါဘူး ပွဲစတော့မှာ သူတို့မမှီမှာစိုးလို့"

"ရောက်နေပြီတဲ့ ခနစောင့်ခိုင်းထားတယ် ခုကဟိုတစ်ယောက်ငါ့ကိုမက်ဆေ့ပို့ထားတယ်"

"Jongin hyung လား"

"အင်း"

"ဒါနဲ့ ငါကြားတာ ဒီတစ်ခါက လူအစုံဖျော်ဖြေမှာဆို?"