Love You So Much

Love You So Much (Part - 48)

အပိုင်း (၄၈)
.
.
.
မင်္ဂလာပွဲအပြီး ညနေခင်းလေးမှာတော့ Chanyeol ရဲ့ ခြံထဲမှာတင် ညစာစားပွဲလေး လုပ်ဖြစ်ကြသည်။ သူငယ်ချင်းတွေနဲ့ ရင်းနှီးတဲ့လုပ်ဖော်ကိုင်ဖက်တွေလောက်ပဲဖိတ်ထားသည်မို့ ပွဲကအနေတော်လောက်ပဲ စီစဉ်ထားသည်။ ဒါ့အပြင် stageလေးတစ်ခုလည်း စီစဉ်ပေးထားပြီး ဝါသနာပါသူ သီချင်းတက်ဆိုနိုင်သည်။

*တင် တင် တင်

စကားပြောနေတဲ့လူအုပ်ကြီးတစ်ခုလုံး ရုတ်တရက်ကြားလိုက်ရတဲ့ Chanyeol ရဲ့ ဝိုင်ခွက်ကို ဇွန်းနဲ့ခေါက်လိုက်တဲ့အသံကြောင့် စင်မြင့်ပေါ်သို့ အာရုံစိုက်မိသွားကြသည်။

"Park Baekhyun shii စင်ပေါ်ကို ခနတက်လာပေးပါဦး ခင်ဗျာ့"

Chanyeol အသံကြားကြားချင်း Baekhyun လည်း သူငယ်ချင်းတွေနဲ့ စကားပြောနေတာကို ခနရပ်ထားပြီး စင်ပေါ်သို့ အူကြောင်ကြောင်လေးတက်သွားလိုက်သည်။

"Baekhyunnie သိလား ကိုယ်တို့ မနက်က လက်စွပ်မဖလှယ်ရသေးဘူးလေ"

Baekhyun လည်း သူ့လက်ကိုကြည့်မိမှ သတိရသွားသည်။ မနက်က မင်္ဂလာဆောင်မှာ တအားစိတ်လှုပ်ရှားနေလို့
ဘယ်လိုပြီးသွားမှန်းတောင်မသိခဲ့ဘူး။

Chanyeol ဒူးတစ်‌ဖက်ထောက်ချရင်း အိတ်ကပ်လေးထဲက ဗူးလေးတစ်ဗူးကို အဖုံးဖွင့်ပြီး Baekhyun ရှေ့ကို ထုတ်ပြလိုက်သည်။

"ဦး...ဒါက..."

"ကိုယ် ပြန်ပြင်ပေးထားတာ သဘောတွေ့ရဲ့လား"

"သဘောတွေ့တာထက်ကို ပိုပါတယ်ဦးရယ်"

***********
Flask back start>>>

Chanyeol ဘူချွန်းကို စရောက်ကာစက Baekhyun နဲ့အတူ ဆောက်လက်စ အဆောက်အဦထဲသွားကြည့်ရင်း Baekhyun ကျပျောက်ခဲ့သည့် Baekhyun အမေဖြစ်သူ၏လက်စွပ်လေးကို နောက်တစ်ရက်တွင် ပြန်သွားရှာပေးခဲ့သည်။ ဒါပေမယ့် ပစ္စည်းတစ်ချို့နှင့် ထိမိရင်း ပျက်စီးသွားသည့် လက်စွပ်လေးကို သူကိုင်တိုင်ပြန်ပြင်ပြီးမှ ပိုင်ရှင်လက်ထဲ ပြန်ပေးမည်အလုပ် ထိုပိုင်ရှင်လေးကပဲ သူ့နှလုံးသားလေးကို ယူသွားခဲ့တော့သည်။ ထိုသို့ဖြင့် ဒီနေ့အတွက် ရည်ရွယ်ထားရင်း လက်စွပ်လေးကိုအမြတ်တနိုးသိမ်းဆည်းထားခဲ့သည်။ မင်္ဂလာမဆောင်ခင်တစ်ရက်အလိုက ယောက္ခမဖြစ်သူ ဥက္ကဌ Byun ကလည်း သူ၏ဆုံးပါးသွားသောဇနီးဖြစ်သူနှင့် အတူ၀တ်ဆင်ခဲ့သည့် လက်စွပ်လေးအား Chanyeol ဆီလာရောက်အပ်နှံပေးခဲ့သည်။