မြူအုပ် || ဘာသာပြန်

အခန်း - ( ၄၄ )【 U 】

『 ငါ Screenshot ရိုက်ပြီး Evil ကိုသွားပြမှာမင်းမကြောက်ဘူးလား ？』

_______________________________

ရှစ်လော့သည်ထိုရင်းနှီးနေသောခေတ်ရေစီးကြောင်းနှင့်မကိုက်သည့်စာကိုကြည့်ရင်းနှုတ်ခမ်းစွန်းတို့ကော့တက်သွားရပြီးလည်ချောင်းမှာရုတ်ချည်းဆို့နင့်သွားရလေ၏။
သူတို့နှစ်ဦးသားစတင်တွေ့ဆုံကြစဉ်ကယွီဆွေ့သည်ရှစ်လော့မှာ Bury Love မိသားစုဝင်တစ်ဦးဖြစ်သည်ဟုရှင်းပြရခက်စွာပင်ယုံကြည်နေလျက်ရှိရာ ၊ သူနှင့်ခေါင်းစဉ်အများအပြားဆိုနိုင်ရန်ယွီဆွေ့သည်ထိုဂြိုဟ်သားစကားဖြင့်နေ့စဉ်ပြောဆိုခဲ့လေသည်။

ထိုအချိန်ကရှစ်လော့သည်ထိုသူကိုခေတ်ရေစီးကြောင်းနှင့်မကိုက်သည့်ရူးနှမ်းနှမ်းကလေးငယ်တစ်ဦးဟုသာထင်မှတ်ထားကာအကွာအဝေးခြား၍နေရန်ရည်မှန်းထားသော်လည်းမနေဖြစ်ခဲ့ချေ။
ထို့နောက်ထိုခေတ်ရေစီးကြောင်းနှင့်မကိုက်သူကလေးငယ်ဆိုသူသည်လိဂ်ထဲမှနံပါတ်တစ် Medic ဖြစ်နေခဲ့၏။

ထိုသူသည်သူ့ကိုမှောင်ခိုအင်တာနက်ကဖေးမှလည်းခေါ်ထုတ်လာပေးခဲ့ပြီးပရော်ဖက်ရှင်နယ်အသိုင်းအဝိုင်းသို့ဝင်စေခဲ့သည်။

သူသည် ‘ ယန်ကော်ကိုကြည့်မိသည့်အကြည့်တစ်ချက်ကြောင့်တစ်ဘဝစာနစ်နာ ’* ဟူသည်ကိုသာကြားဖူး၏။ သူကျတော့ဘယ်လိုလဲ ？‘ Bury Love ကိုကြည့်မိသည့်အကြည့်တစ်ချက်ကြောင့်တစ်ဘဝစာနစ်နာ ’ လား ？
[ * : The Return of the Condor Heroes ဝတ္ထုထဲကဇာတ်လိုက်ယန်ကော်ကိုမြင်မြင်ချင်းအကြည့်တစ်ချက်မှာတင်မိန်းမငယ်လေးအများအပြားကကချစ်မိသွားကြပေမဲ့ ၊ ယန်ကော်ချစ်တဲ့သူကတစ်ယောက်တည်းသာမို့လို့သူ့ကိုချစ်မိကြတဲ့မိန်းကလေးတွေရဲ့ဘဝကအချိန်ကုန်နစ်နာရကြောင်းကိုဆိုလိုတာပါ။ ]

ရှစ်လော့သည်ဖုန်းမျက်နှာပြင်ကိုကြည့်လျက်စာပြန်ရန်ပြင်လိုက်ချိန်တွင် Wechat မှအသင်းစကားပြောခန်း မှစာအသစ်တက်လာခဲ့သည်။

【 Puppy 】 ：[ လက်မြှောက် ၊ သတင်းပို့ပါတယ်။ လေ့ကျင့်ရေးအချိန်အတွင်းမှာတစ်စုံတစ်ယောက်သော Striker ဟာနာရီဝက်မျှဆေးလိပ်သောက်ထွက်သွားပါတယ်။ ]