မြူအုပ် || ဘာသာပြန်

အခန်း - ( ၁၇ )【 U 】

『 မင်းနဲ့အတူအောင်မြင်မှုကိုခံစားခဲ့ကြပြီး ၊ မင်းနဲ့အတူထောင်နဲ့ချီလူထုဆီကပုတ်ခတ်ခံခဲ့ကြရ။
မင်းလုပ်ရပ်အပေါ်မနှစ်မမြို့ဖြစ်ခဲ့ကြရပြီး ၊ မင်းအပေါ်မှာလည်းနှစ်နှစ်ကာကာချစ်မိခဲ့ကြ။ 』

__________________________________

ရက်အနည်းငယ်ကြာပြီးနောက် ၊ အကြောင်းတစ်စုံတစ်ရာမရှိပါဘဲနှင့် FS ၏ Sniper ဟောင်း Puppy မှာလည်းတရုတ်သို့ပြန်လည်ရောက်ရှိလာ၏။
Puppy ၏ကျော်ကြားမှုမှာယွီဆွေ့နှင့်ချန်းဟော်ထက်မမြင့်မားခဲ့ဖူးရာ ၊ တိတ်တဆိတ်နှင့်သာပြန်လာပြီးမည်သည့်အကြောင်းတရားမျှလည်းမသယ်ဆောင်ခဲ့လာပေတည့်အချို့အနည်းငယ်သောပရိတ်သတ်များမှာပုံမှန်မဟုတ်သည့်တစ်စုံတစ်ခုအားခံစားမိသွားကြတော့သည်။

မူလ FS ကလူတွေတရုတ်ကိုပြန်လာနေကြတာကြီးကအရမ်းကိုတစ်ချိန်တည်းဖြစ်လွန်းနေတယ်မဟုတ်လား ？
ထပ်ဆောင်းအနေနှင့်ဆိုရပါက NSN သို့ဝင်ခဲ့သည်ဟုကောလဟာလရှိခဲ့သည့်ယွီဆွေ့မှာလည်း NSN တရားဝင်ဝက်ဘ်ဆိုဒ်မှ အဖွဲ့ဝင်အသစ်အဖြစ်တရားဝင်ကြေညာချက်နှင့်အတူထွက်ရှိမလာဘဲ ၊ သူသည်လွတ်လပ်နေသူတစ်ယောက်အသွင်ပင်ရှိနေလျက်။

ဆိုရလျှင် အစမှအဆုံးအထိယွီဆွေ့သည်ဝါ့ဝါ့အားအချို့ပွဲများတွင် အစမ်းလေ့ကျင့်ပေးသူသာလုပ်ပေးခဲ့ရုံမျှရှိခဲ့ပြီး ၊ သူသည်တစ်စုံတစ်ခုအားစောင့်ဆိုင်းနေဟန်ပင် အမြဲခံစားနေခဲ့ရ၏။
မည်သည်ကို စောင့်နေခြင်းဖြစ်ပါမည်နည်း ？

ပရိတ်သတ်များမှာ သေးငယ်လှသည့်ဆွေးနွေးမှုခေါင်းစဉ်အောက်သို့ရောက်ရှိသွားကြပြီး ၊ ပရိတ်သတ်များမှာ ရဲတင်းသည့်ခန့်မှန်းချက်များထွက်ရှိလာရတော့သည်။
Whisper ကသူ့အသင်းသူထောင်တော့မှာများလား ？

ထိုပရိတ်သတ်၏ခန့်မှန်းချက်မှာ Weibo ထက်တွင်ပေါ်ထွက်လာပြီး ၊ တစ်စုံတစ်ယောက်သည်ယင်းအား screenshot ရိုက်ကာ E-sports ဖိုရမ်ထက်၌တင်လိုက်ရာစည်ပိုင်းအားဖောက်ခွဲ၍ အထပ်ထပ်အခါခါ လောင်ကျွမ်းစေသည့်အလားဖြစ်သွားတော့၏။
ယွီဆွေ့သည်ဖိုရမ်ထက်ရှိမုန်းတီးသူများအားစုစည်းသွားစေရန်လုံလောက်ထိုက်တန်လှသူဖြစ်သည့်အပြင် ၊ သူသည်သန်းဆယ်ချီပြဿနာများလည်းတပြိုင်နက်ဖြစ်ပေါ်စေနိုင်သူဖြစ်ပေသည်။