မြူအုပ် || ဘာသာပြန်

အခန်း - ( ၄၈ )【 U 】

『 မင်းတွေးကြည့်ဖူးလား ၊ တကယ်လို့ငါတို့ရှုံးသွားခဲ့ရင်ရလဒ်အနေနဲ့ငါတို့ပြိုင်ပွဲလိဂ်တစ်ခုလုံးလှောင်ပြောင်ခံရလိမ့်မယ်လို့ ？ 』

_________________________________

ရှစ်လော့သည် NSN မှရှန့်ကျန့်အသင်းကိုရှုံးနိမ့်မည့်ရလဒ်ကိုမျှော်လင့်ထားပြီးသားပင်။
ယခုနှစ် NSN သည်အားကောင်းသော Sniper ကိုခေါ်ယူလိုက်သည်မှာမှန်သော်ငြား Sanit ၏ Sniper သည်လည်းအားနည်းညံ့ဖျင်းသည့်သူမဟုတ်ချေ။

နှိုင်းယှဉ်ကြည့်လျှင် NSN သည် Saint ထက်ပိုသာသည့်ရလဒ်ဟူ၍မရှိပေ။
ယမန်နှစ်ကပြည်တွင်းဌာနခွဲ၏ချန်ပီယံဆုရရှိခဲ့သည့် Saint ပင်လျှင် 2-0 ဖြင့်ရှုံးနိမ့်ခဲ့ရာ NSN သည်လည်းရှန့်ကျန့်အသင်းကိုရှုံးနိမ့်သည်မှာသာမန်ဖြစ်ရပ်သာ။

ဝါ့ဝါ့သည် Angel Sword ထက်ပိုအားမပြင်းဟူသည့်အချက်ဆိုလျှင်ထည့်ပြောနေရန်ပင်မလိုအပ်ပေ။ ထို့နောက်ရှစ်လော့သည်ဝါ့ဝါ့ကိုစာပြန်လိုက်၏။

【 Evil 】 ：[ ဘယ်နှစ်ကြိမ်လောက်မင်းသံသရာလည်*လိုက်လဲ ？]
[ * : သေသွားလိုက် ၊ ပြန်ရှင်လာလိုက်။ ]

【 Awa 】 ：[ *တစ်ကိုယ်လုံးတုန်ယင်လျက်* ...... ဒုတိယပွဲစဉ်မှာကျွန်တော်၂၁ခါတောင်သေခဲ့တာ！]

【 Evil 】 ：[ အဆင်ပြေပါသေးတယ် ၊ ငါ့စံချိန်ကိုတောင်မချိုးနိုင်သေးဘူး။ ]

【 Awa 】 ：[ အားးးးးးးးး မုန်းလိုက်တာ！ဘာလို့ကျွန်တော်လုပ်ကြံသတ်ဖြတ်သူ Medic မဟုတ်နေရတာလဲလို့！]

【 Awa 】 ：[ တကယ်လို့ကျွန်တော်ယွီရှန်းလိုဆိုရင်တောင်အနည်းဆုံးတစ်ယောက်နှစ်ယောက်လောက်တော့သတ်နိုင်လိုက်ဦးမှာ ၊ အခုလိုတစ်ချိန်လုံးတော့သူများဆီကအဖိနှိပ်မခံရတော့ဘူးပေါ့！]

ရှစ်လော့စာပြန်လိုက်သည် :

【 Evil 】 ：[ Whisper ဆီကသင်စရာမလိုပါဘူး ၊ မင်းနဲ့လည်းမလိုက်ဘူး။ မင်းရဲ့အကူပုံစံကစားနည်းကလည်းတော်တော်ကောင်းနေပါပြီ ၊ တခြားသူတွေထက်မှမညံ့ဘဲ။ ]

【 Awa 】：[ အကူပုံစံနဲ့ကလူမသတ်နိုင်ဘူးလို့！！！]

【 Awa 】 ：[ ရှစ်ကော ၊ သူတို့တွေကစားတာဘယ်လောက်တောင်ညစ်ပတ်လိုက်သလဲဆိုတာသိရဲ့လား ？！]