『 Evil သာကင်မရာဖွင့်မယ်ဆို.... ကျွန်တော်လည်းဝင်နှုတ်ဆက်စကားဆိုဦးမယ်။ 』
__________________________________
" တစ်သန်း.... "
Puppy သည်အသက်ပင်ဝအောင်မရှုနိုင်ဖြစ်သွားရကာ ၊ တူကိုကီးဘုတ်ထက်တင်လျက်ချောင်းဆိုးလာတော့သည်။
" ငါ့နှုတ်ခမ်းတွေတောင်ဆယ်ကြိမ်ဆယ်ခါလောက်ပွင့်ဟသွားမိတယ်... "
Puppy မှာစိတ်တည်ငြိမ်စေရန်တခဏမျှအချိန်ယူလိုက်ရပြီးနောက်မှရေရွတ်လာ၏။
" ငါရုတ်တရက်ကြီးအရမ်းတောင်သိချင်သွားရပြီ ၊ မင်းကိုယွီဆွေ့ IAC ခေါ်လာပြီးအလုပ်ခန့်တုန်းကစာချုပ်ကြေးဘယ်လောက်တောင်ပေးထားလို့မင်းဒီလောက်တောင်သုံးနေနိုင်ရသလဲလို့... "
" Free နဲ့စာချုပ်မချုပ်ခင်တည်းကကျွန်တော်ပရော်ဖက်ရှင်နယ်နှစ်နှစ်ကစားပြီးသား ၊ ဒီလောက်ကတော့တတ်နိုင်သေးတယ်။ "
ရှစ်လော့သည် Puppy အားကြည့်ကာစိတ်မရှည်စွာဖြင့် -
" ဘာတွေငိုင်နေတာလဲ ၊ ကြေညာလေ！"
" ဪ ၊ အေးအေးအေး။ "
Puppy မှာလည်ချောင်ရှင်းလိုက်ပြီးထုတ်လွှင့်ခန်းအတွင်းရှိပရိတ်သတ်များထံနှုတ်ဆက်လိုက်ကာ -
" ဒီထက်ပိုမြင့်တဲ့ဈေးပေးမယ့်သူမရှိတော့ဘူးမလား ？တစ်သန်း ၊ ပထမအကြိမ်။ တစ်သန်း ၊ ဒုတိယအကြိမ်။ တစ်သန်း ၊ တတိယအကြိမ်။ ok。"
Puppy သည်မောက်စ်ကိုခေါက်ပြီးကြေညာလိုက်၏။
" လေလံအဆုံးသတ်ပါပြီ ၊ Whisper ရဲ့လေ့ကျင့်ဖော်ပထမဆုံးအကြိမ်ကိုသခင်လေးရှစ်ဆီရောင်းချလိုက်ပါပြီ။ "
【တစ်သိန်းပေးမယ်လေမရနိုင်ဘူးလားလို့ ？！ငါတကယ်ပိုက်ဆံပေးချင်တာပါဆို！】
【666666......】
【တစ်ညတာဝယ်ယူမှုမှာရယ်သေ ၊ ရှစ်ဇိုင်မင်းကိုယ်မင်းအင်တာနက်ကဖေးမှာလို့ထင်နေသေးတာလား ？】
【ဟားဟားဟားဟားပရိတ်သတ်ဟောင်းတွေအကုန်သိတယ် ၊ ရှစ်ဇိုင်ကနာမည်ကြီးရှလကာရည်အိုးကြီး။】
ŞİMDİ OKUDUĞUN
မြူအုပ် || ဘာသာပြန်
Romantizm「 ကိုယ်မင်းအတွက်ကြောင့်ပါပဲ ၊ နှလုံးအိမ်ထက်ကဖုန်မှုန့်မြူစိုင်တို့ကိုလည်းသန့်စင်ပေးနိုင်ပါသေးရဲ့။ 」 မူရင်းစာရေးသူ : မန့်မန့်ဟယ့်ချီသော်။ စုစုပေါင်းအပိုင်း : ၁၃၂ပိုင်းနှင့်အချပ်ပို ၄ ပိုင်း။ ယွီဆွေ့ x ရှစ်လော့။
