မြူအုပ် || ဘာသာပြန်

အခန်း - ( ၉ )【 U 】

『 သူပရော်ဖက်ရှင်နယ်ကစားဖို့အလားအလာရှိလား ?』

__________________________________

လွန်ခဲ့သည့် နှစ်နှစ်အချိန်ကာလ။

ယွီဆွေ့သည်ကျန်ရှိနေသေးသည့်လီမွန်တီးအားစားပွဲထက်တင်လိုက်ပြီး ၊ အိပ်ယာထက်၌လည်းသက်တောင့်သက်သာရှိစွာလဲလိုက်၏။
FS အသင်း၏ရှန်ဟိုင်းရှိဌာနချုပ်တွင် ခေါင်းဆောင်အခန်းသည်အလွန်တရာမှတိတ်ဆိတ်နေလျက်ရှိသည်။

နေရောင်ခြည်မှာလည်းထိန်လင်းဖြာကျနေကာအခန်းတွင်းပြတင်းပေါက်မှာလည်းမပိတ်ထား ၊ လိုက်ကာများမှာလည်းလေပြေညှင်းနှင့်အတူယိမ်းယိုင်နေလျက်စားပွဲပေါ်သို့လီမွန်တီးအားရွှေ့လိုက်ပြီးနောက်ယွီဆွေ့သည်စားပွဲဘေးရှိအိပ်ယာထက်တွင်တဖြည်းဖြည်းနှင့်အိပ်ပျော်သွားတော့၏။

အိပ်ယာနားဘေးထက်ရှိဖုန်းမှာဆက်တိုက်တုန်ခါနေပြီး ၊ ယင်းမှာတစ်ခါမြည်လာတိုင်းတုန်ခါသောကြောင့်အိပ်ယာအစွန်းသို့အနည်းငယ်စီရွေ့ရွေ့သွားကာအဆုံးတွင်ကြမ်းပြင်ထက်သို့လျှောကျသွားတော့သည်။
ယွီဆွေ့မှာမျက်လုံးအား​အနည်းငယ်ဖွင့်ဟလာပြီး ၊ အိပ်ယာအောက်သို့ခေါင်းငုံ့ကြည့်ပြီးနောက်ပြန်လှည့်ကာပြန်အိပ်လိုက်တော့၏။

တစ်နာရီကြာပြီးသည့်အချိန်တွင်ကား ၊ ယွီဆွေ့သည်အိပ်ပျော်နေရာမှနိုးလာပြီး ထလိုက်ကာအိပ်ယာအောက်ရှိဖုန်းအားကောက်ယူ၍အိပ်ယာထက်သို့ပြန်တင်လိုက်သည်။
ထို့နောက်မျက်နှာသစ်ကာ ပြတင်းပေါက်နားထိုင်ပြီးဆေးလိပ်မီးညှိလိုက်လျက် ၊ ထို့နောက်ဖုန်းယူပြီးကြည့်ကြည့်လိုက်၏။

Wechat ထက်တွင်အရေးမပါလှသည့်စာများ ၊ အရေးပါလှသည့်စာများနှင့်စုပြုံတက်နေလျက်။
ယွီဆွေ့သည်ယင်းစာများအားတစ်ခုချင်းစီဝင်ဖတ်ကြည့်ကာလိုအပ်သည့်စာများသာစာပြန်လိုက်ပြီး ၊ သူ့အားအနည်းငယ်အံ့အားသင့်သွားစေသည်မှာခယ့်ဟောက်ထံမှဖုန်းကောလ်များစွာဝင်ထားခြင်းပင်။
ခယ့်ဟောက်သည်ယွီဆွေ့၏အတန်းဖော် ၊ ငယ်သူငယ်ချင်းတစ်ဦးဖြစ်သည်။