ديجور الهوى/ كاملة

الفصل الثاني

عاملين ايه وحشتوني🩷

ان شاء الله هنثبت المواعيد حد وأربع..

ياريت اشوف منكم حماس وتفاعل زي الفصل اللي فات 🥹🩷

__________

الفصل الثاني من #ديجور_الهوى
بقلم #fatma_taha_sultan

___________

اذكروا الله

__________

‏أزداد يقينًا في كل يوم بأن كمال المحبّة لا يكون بإعجابك بالمحامد فحسب؛ فهذا شأن كل عاقل يستحسن الحَسن، وإنما يكون بانكشاف العيوب، وقبولك بحزمة الأضداد عن طيب نفس؛ لإيمانك بسواء الجوهر وأصالة المعدن.
— دلال العمودي

- لقد تساوى كلُّ شيءٍ في نظري و أصبحت لا أهتمُّ بشيء، هل هناك أسوأُ مما أنا فيه.

-‏ تولستوي 📚.

نحنُ اللّذانِ لا تجمعُنا صورةٌ ولا طريق.
- سوزان عليوان

_____________

في صباح يوم جديد...

قامت بشراء هاتف جديد، أقل إمكانيات استطاعت أن تجدها فهي لا تريده أن يظهر أمام أحد هذا هاتف للمكالمات التي تريد اخفاءها كذلك ستقوم بإخفاء الهاتف.

لم تكتفي بذلك بل قامت بشراء خط جديد أيضًا ووضعته في الهاتف، ثم جلست في أحد المطاعم وطلبت أحدى الوجبات ومشروب لها حتى تستطيع تناول الطعام في راحة فهي تكره حقًا تناول الطعام في هذا المنزل حتى ولو هي التي قامت بشرائه...

وصل الطعام فقامت بشكر النادل وقبل أن تشرع في تناول الطعام قامت بالإتصال بمراد، البالغ من العمر واحد وعشرون عامًا؛ والدته قريبة لها من بعيد أحيانًا لا تستطيع وصف صلة القرابة ولكن كل ما تعرفه بأنه هو ووالدته هناك صلة قرابة بينهما..

أجاب عليها مراد بعد ثواني معدودة لتصرخ فردوس في وجهه بمجرد أن سمعت صوته يقول "ألو" حتى أنها جذبت أنظار من يجلسون معها في المقهى:

-جرا أيه يا مراد فينك؟! وفين الراجل اللي اسمه جابر ده اللي قعدت تفخم فيه وقولت هيعرف هو كان بيتكلم على تحويل فلوس لمين ولا سمعت صوتك ولا صوته.

جاءها صوته الهادئ:

-ما تهدي شوية يا فردوس وبعدين أنا مشغول في الجامعة والراجل نفضلي وقالي مش هيقدر يعرف هو حول فلوس لمين، بصراحة بقا شكله عايز فلوس أو حاسس انه عايز ينصب علينا وممكن يروح يقول لجوزك اصلا.

أبتلعت فردوس ريقها بانفعال تحاول كتمه:

-مراد شوفه لو عايز فلوس أنا هديله اللي هو عايزه بس يجيب أي معلومة مدام شغال في البنك هيعرف وكمان هو وجده حساباتهم فيه، في حاجة بتحصل وأنا قلبي بيقولي أن الفلوس دي بيحولها لشريف المشكلة اني معرفتش اسمع أكتر من كده.