ديجور الهوى/ كاملة

الفصل الأربعون

تنوية هام:
لو الفصل نزل الحد يبقى الفصل التاني يوم الاربع..
لو الفصل نزل الاتنين يبقى الفصل التاني يوم الخميس..
إلا لو في ظرف..

تنوية هام تاني:
مش معقول يا جماعة كل فصل اتكلم واقول اتفاعلوا التفاعل من ٩٧٠ واصل ل ٧٠٠!!!!
رغم أن نسبة المشاهدة كويسة...
فياريت تفاعل كويس...
على الفصول اللي فاتت والفصل ده...

اسيبكم مع الفصل وقراءة ممتعة..

_____________

الفصل الأربعون من #ديجور_الهوى
بقلم #fatma_taha_sultan

______________

اذكروا الله.
دعواتكم لأهلكم في فلسطين والسودان.

______________

-شريف الحقني..

تحدث شريف بنبرة منفعلة:

-أنتِ فين؟!!! وهببتي ايه من ورايا..

جاءه الرد صادمًا:

-أنا قتلته، قتلت عبدة.

حاول شريف ان يستوعب كلماتها وهو يتحدث بعدم فهم:
-أنتِ بتقولي ايه قتلتي مين؟!.

جاءه صوتها يرتجف وهي تهذي بشكل مُريب:

-قتلت عبدة، قتلته، قتلته وايديا عليها دمه....

تمتم شريف بتوتر وقلق وهو ينهض من مكانه:

- شمس أنتِ فين؟!!.

كانت تجيب عليه في انهيار:

-أنا في البيت، ماما طلبت الإسعاف ليه بس هو مات، أنا عارفة أنه مات وهروح في داهية...

هتف شريف وهو يضع يده على مؤخرة رأسه بقلق كبير ينتابه:

-اهدي وابعتيلي العنوان بتاعكم، ابعتي العنوان او لوكيشن اي حاجة اعرف اوصلك...

تحدثت شمس بارتجاف:

-حاضر..

أغلق المكالمة مما جعل هلال يسأله بقلق:

-في ايه يا شريف؟!.

تمتم شريف بسرعة:

-انا لازم امشي اروح لشمس.

نهض هلال هو الاخر ممسكًا أياه من معصمة قائلا بنبرة منفعلة:

-تروح فين أنتَ اتجننت يا شريف ومبقاش عندك دماغ تفكر أنتَ ناقص مصايب؟!

قال شريف وهو يضغط على حروفه موضحًا الأمر:

-شمس في مصيبة ولازم اروح ليها يا هلال.

هدر هلال بعنف كبير:

-وأنتَ مش ناقصك مصايب، خليها تحل مشاكلها لوحدها أنتَ اللي فيك المفروض يكفيك متدورش على مصايب جديدة تدخلها حياتك، البت دي جننتك بجد، بتقولك قتلت واحد وأنتَ رايح لها؟!...