ديجور الهوى/ كاملة

تنويه هام

معرفش ليه أنتم تاعبين قلبي😂😂😂..

لازم انزل التنوية علشان الرد في الكومنتات عليكم مش كفاية.

مفيش مط اطلاقًا في الاحداث.....
مفيش مشهد مبيتقالش فيه حاجة بترتب على الفصول الجاية كل مشهد في كلمة بيتكمل عليها مشاهد تانية واظن اني كاتبة في نهاية البارت ان الفصول الجاية هتكون اروق شوية الشخصيات كتيرة جدا و معقدة يا جماعة اكيد مش الموضوع هيتحل في فصلين تلاتة.

طبيعي في رواية للجانب النفسي، وكل واحد تقريبا شبه عنده عقدة او حاجة معينة، مينفعش اجي اقولكم مرة واحدة بعد فصلين تلاتة يا جماعة كمال وفردوس اتصالحوا..
او كمال وفردوس اطلقوا..
او داغر اتخطى عقدته..
او افنان اتعافت من اللي حصلها..
لو كان ده سهل يتعمل كان اتعمل قبل السبع سنين ما يعدوا كانت الأمور اتحلت ومبدأناش انه عدى أكتر من سبع سنين والوضع زي ما هو!!!!!!

ده ان دل على شيء ان الوضع عندهم معقد والتخطي صعب......

احنا بناقش قصص حب مش وردية شوية اسم الرواية ديجور الهوى..

"ظلام الحب".

بناقش قصص حب من ناحية سوداوية شوية، وفي تغيير جذري هيحصل للابطال مينفعش ابدا يتعمل في الفصول اللي فاتت قبل ما تفهموا طبيعة الشخصيات..

خلوا بالكم احنا من بداية الرواية معداش فترات زمنية كبيرة زي ما هيحصل بكده كده مبنعديش شهور ومبنعديش سنين..

تقريبا احنا كل الفصول دي بنتكلم في ايام ورا بعضها...
لان لازم تفهموا الموضوع بدأ منين وهيكمل ازاي، او في المستقبل هيحصل ايه....

وخلوا بالكم احنا معدناش ٣٠ بارت، والاشخاص كتير جدًا لازم تتغطى كلها من كل الجوانب...

والله مرة تانية الرواية بتناقش جوانب نفسية...

نفسية فردوس وعقدها دي لوحدها لسه ليها مراحل وحكايات لسه هتحصل....

مش محتاجة اقولكم المشهد اللي بالنسبالك ممكن يمر بطريقة عابرة في كلمة بتتقال فيه هي بيترتب عليها احداث كتير انتم لسه مش شايفينها...

عايزين شوية تريث...
ولو في حد شايف ان الرواية مملة للدرجة هي اذواق لان مهما شرحت مش هتفهموا...

فلو حد شايف انها مملة بعد كلامي يسيبها....

___________

افتكروا النبذة اللي نزلت اول الرواية والمقدمة..

النبذة:

لو كنت جلادًا على قلوب البشر وأفعالهم تأكد أن الأمر لن يُحتمل ولو كنت قديسًا بلا أخطاء تأكد أن المكان لن يُناسبك..
هنا نحتاج شخص قلبه لين حتى يغفر وكبير جدًا حتى يتحمل هذا الكم من الإفراط في المحبة...
ولو كُنت غير ذلك تأكد أنك لن تفهم أبطال ديجور الهوى فـ هم مثل الخطوط المستقيمة قد تسير في نفس الاتجاة ولكن لا تستطيع الالتقاء لكن تذكر أنه ليس مستحيلًا..

#ديجور_الهوى
_________

واخيرا في انتظاركم الاسبوع الجاي باحداث جديدة وفصول أروق شوية🩷🩷....