الفصل الثاني عشر من #ديجور_الهوى
بقلم #fatma_taha_sultan
____________
اذكروا الله.
دعواتكم لأهلكم في فلسطين🩷
___________
فليمرض الفؤاد شوقًا أنا خليد الكبرياء .
#مقتبسة
رأيتُ في عينيك شوقاً غريبًا تجاهي، شوقًا لم أراه عندما كُنت بجانبك، ولك اليوم رأيتُ نظرات الندمِ وكأنك خَسرِتَ شيئاً غالياً عليك ولن يعود، رأيت حسرةً في كلامك ،برُغم وجود الكثير من الكبرياء لديك, لرُبما الآن أحسست بقيمتي وقيمة إهتمامي وكلامي
الغريب أحيانًا.
#مقتبسة
انا مُتناقِض اُحاوِل نسيَانك واكتبُ عنكَ...
#مقتبسة
_____________
في أحد المطاعم.
كان هلال يجلس قبالة ثائر يتناول الطعام معه، لا يتقابلا كثيرًا ولكن من وقت لأخر كلاهما يقررا أن عليهما اللقاء.
أخذ ثائر (شريف) يخبره بكل ما حدث، وإتيان داغر وكل شيء تقريبًا حدث معه الفترة الماضية حتى قصته مع شمس لا يدري لما بمجرد جلوسه مع هلال يفصح له عن كل شيء، لا يتبقى بداخله أي شيء يستطع أخفاءه حتى لو لا يستطيع أن يفعل ذلك مع شخص أخر....
هتف هلال باعتراض شديد بعد أن توقف عن تناول الطعام:
-صراحة أنا من الأول معترض علي جوازاتك اللي ملهاش أي داعي دي وكنت كل ما أكلمك تقلب وشك ليا..
قاطعه شريف بنبرة واضحة:
-أنتَ كان معاك حق لو اتمتعت بكل حاجة في الدنيا النهاردة هفضل خايف من بكرا ومستنيه، وأنا فعلا قررت أبطل اكدب على حد أو أربط حد بيا بعد كده.
سأله هلال باستغراب وتهكم في الوقت نفسه:
-ده علشان هي طلعت رقاصة ولا علشان أنتَ اقتنعت بجد؟! صراحة أنا مكنتش عجباني علاقتك بيها من الأول بس برضو مش فاهم لو هي رقاصة قاعدة في منطقة زي دي ليه؟! وبتشتغل شغل تاني ليه؟!!! أنا مش فاهم حاجة...
أبتلع ريقه ثم أسترسل حديثه بسخرية:
-وبعدين أنا مش فاهم هي بطفشك يعني؟!! يعني ازاي تقولها في وشك وبرضو من الاول طريقة شغلها حاجة وهي حاجة ده شيء مُريب أكتر من حياتك أنتَ.
تمتم شريف بضيقٍ وهو يحاول التفكير معه بصوت مسموع فهو مخزن أسراره نصفه الآخر، لو لم يحكي إلى هلال لمن سوف يتحدث؟!.
-لو كانت عايزة تطفشني مثلا وبتقول حاجة مش حقيقية ليه لغايت دلوقتي بتحاول تكلمني؟!.
أنهى حديثه ثم غمغم بنبرة جادة:
-أنا بقول نقفل الموضوع ده أحسن، الله أعلم حكايتها ايه، أنا مش ناوي أربط حد تاني بيا وبفكر أسلم نفسي لو موضوع أفنان أتحل أصلا اللي خلاني مسلمش نفسي زمان اني عرفت موضوع حملها.
أنت تقرأ
ديجور الهوى/ كاملة
Romanceلو كنت جلادًا على قلوب البشر وأفعالهم تأكد أن الأمر لن يُحتمل ولو كنت قديسًا بلا أخطاء تأكد أن المكان لن يُناسبك.. هنا نحتاج شخص قلبه لين حتى يغفر وكبير جدًا حتى يتحمل هذا الكم من الإفراط في المحبة... ولو كُنت غير ذلك تأكد أنك لن تفهم أبطال ديجور ال...
