ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-2 ]

[၁၉၆] မိစ္ဆာနတ်ဘုရား၏ရည်းစားဟောင်း။

Arc(9) မိစ္ဆာနတ်ဘုရား၏ရည်းစားဟောင်း(၁၁)။

လင်ခုံးလုမှာအနမ်းခံလိုက်ရလို့မသက်မသာဖြစ်သွားကာ ညည်းညူပြီးအလိုလိုငြင်းလိုက်မိသည်။

သို့သော်ရွှီယန့်အနောက်မှာနွယ်ပင်များတိတ်တိတ်လေးပေါ်လာပြီး သူ့လက်ကောက်ဝတ်ကိုရစ်ပတ်ကာ သူ့ကိုသူ့ရင်ခွင်ထဲမှာပိတ်လှောင်လိုက်သည်။ သူနိုးလာတော့မည်မှန်းရိ​ပ်မိသွားသည့်အလား တစ်ဖက်လူကလက်မြှောက်လိုက်တော့ သူ့လက်ချောင်းထိပ်များမှအစိမ်းရောင်အဖူးများပေါ်လာကာ အဝါရောင်ပန်းကလေးတစ်ပွင့်ပွင့်လန်းလာသည်။

ပန်းဖူးလေးပွင့်လာချိန်မှာ လင်ခုံးလု၏နှာဖျားပေါ်အမှုန်များကျလာသည်။

သူသူ၏နူးညံ့သောနှာခေါင်းကိုရှုံ့လိုက်ပြီး ခဏကြာတော့အိပ်ပျော်သွားပြန်သည်။

ရွှီယန့်၏မျက်လုံးများမှာနက်ရှိုင်းလို့နေကာ သူ၏အေးအေးချမ်းချမ်းအိပ်ပျော်နေသောမျက်နှာလေးကိုကြည့်ရင်း သူခါးကိုင်းကာ သူ၏မျက်ခုံး၊ နားရွက်နှင့်နူးညံ့သောနှုတ်ခမ်းကိုနမ်းလိုက်ပေမဲ့ မကျေနပ်သေးဘဲသူ့သွားကိုတွန်းဖွင့်ကာ တစ်လက်မချင်းစီစိုးမိုးလိုက်သည်။ သူဟာအရင်ကထက်ပိုမိုရဲတင်းနေပုံမှာ ထာဝရအမှတ်အသားထားခဲ့ရန်ပြင်နေသည့်အလား။

လင်ခုံးလုမှာအလွန်ပြင်းထန်စွာအနမ်းခံနေရသဖြင့်အသက်ရှူရခက်လာသည်။ သူ့နှုတ်ခမ်းများမှာနီရဲနေပြီး သူ့မျက်ဝန်းထောင့်များစိုစွတ်နေပုံမှာ လေနှင့်မိုးထဲမှာယိမ်းထိုးနေသည့်နှင်းဆီပန်းလေးပမာ။ ထိုသို့ဆိုရင်တောင် တစ်ဖက်လူကသူ့ကိုလွှတ်မပေးဘဲ သူ့ခြေကျင်းဝတ်များကိုနွယ်ပင်များနှင့်ရစ်ပတ်လိုက်ပြိး သူ့လက်ချောင်းထိပ်များကသူ၏ခါးလှိုင်းတလျှောက်ကခုန်သွားကာ သူ့ကိုမသိမသာတုန်ရီအောင်ပြုလုပ်လို့နေသည်။

ဒီအခိုက်အတန့်မှာရွှီယန့်အတွက်သူ့ရှေ့ကလူငယ်လေးကလွဲပြီးဘယ်အရာကမှပိုအရေးမကြီးပေ။ တစ်ဖက်လူကသူ့ကမ္ဘာမှာအကြာကြီးမနေသွားသဖြင့် သူ့မှာအချိန်သိပ်မရှိခဲ့ပေ....

သူသူ့ကိုတဖြည်းဖြည်းချင်းပိုမိုနူးညံ့စွာနမ်းလိုက်ပေမဲ့ သူ့မျက်နှာထားမှာတော့နာကျင်နေသည့်အလား ပိုမိုပျက်ယွင်းသထက်ပျက်ယွင်းလာချေသည်။