[၂၈၉] ဟွေ့ရှောက်ရယ်။

1.9K 360 22

by Boss_want_to_eat_you

by Boss_want_to_eat_you

Arc(12) ဟွေ့ရှောက်ရယ်(၁၅)။

ဒါကကိုလင်းရွှေဒဂ်ါးအကြောင်းပြောတာရှန်စစ်ကြားရသည့်ဒုတိယအကြိမ်ဖြစ်တာမို့ သူမနေနိုင်ဘဲမျက်မှောင်အသာကြုတ်လိုက်မိသည်။

သူ့အဖေဆုံးသွားသည့်ညတုန်းက သူအိပ်ပျော်နေစဥ်သူ့လက်ထဲမှာသွေးစွန်းနေသည့်ရွှေဒဂ်ါးပြားတစ်ပြားဖော်ပြမရေအောင်ပေါ်လာခဲ့ကြောင်းသူဘယ်သူ့ကိုမှမပြောပြဖြစ်ခဲ့ပေ။

အစကတော့ခြိမ်းခြောက်မှုတစ်ခုဟုထင်ခဲ့ပေမဲ့သူအခုရုတ်ခြည်းသံသယဝင်မိသွားရသည်၊ ရွှေဒဂ်ါးက....ကိုလင်းပြောတဲ့ရွှေဒဂ်ါးနဲ့တစ်ခုခုဆက်စပ်နေတာများလား။

ဒါပေမဲ့ဒီအချိန်မှာသူတို့ကဗီလာတံခါးဝကိုရောက်လာပြီပင်။ သူကိုလင်းကိုမေးဖို့အဆင်မပြေတာမို့သူ့သံသယများကိုအရင်ဆုံးဖိနှိပ်ထားရုံသာတတ်နိုင်သည်။

ဗီလာဝင်ပေါက်ဝတွင်အနက်ရောင်suitနှင့်လူအများအပြားကတံခါးတစ်ဖက်တစ်ချက်စီမှာရပ်ကာ ရောက်လာသူ၏သရုပ်မှန်ကိုစစ်ဆေးနေပုံရသည်။

ရှန်စစ်တောင့်ခဲသွားရသည်။

ကိုလင်းကဒါကိုမြင်တော့အသံတိုးကာဆိုလာသည်။
"စိတ်မပူနဲ့၊ သူတို့ကဖိတ်စာကိုစစ်ဆေးနေတာ၊ ဒီမှာလူသားတွေလည်းရှိတယ်။"

သေချာတာပေါ့၊ သူတို့အလှည့်ရောက်လာချိန်ကိုလင်းကဖိတ်စာကိုထုတ်ပြလိုက်ပြီးနောက်သူတို့ကိုချက်ချင်းအထဲဝင်ခွင့်ပေးလာသည်။

ရှန်စစ်နှင့်ထန်အန်းမှာဘာမူမမှန်မှုမပြပေမဲ့ဟောခန်းထဲဝင်ပြီးနောက်ခုနကသူတို့ကိုနှစ်သိမ့်ပေးခဲ့သည့်ကိုလင်းကတော့သက်မချလိုက်လေသည်။

ရှန်စစ်သူ့ကိုထူးဆန်းစွာကြည့်လိုက်တော့ကိုလင်းကခပ်တိုးတိုးနှင့်အလျင်စလိုရှင်းပြလာသည်။
"ခုနကဟာတွေကလူသားမဟုတ်ဘူး။"

ရှန်စစ်နှင့်ထန်အန်း: "....."

ကိုလင်း: "မင်းတို့အစွယ်တွေကိုသတိမထားမိခဲ့ဘူးလား။"

သူတို့နှစ်ယောက်လုံးပြိုင်တူခေါင်းခါပြလိုက်ကြသည်။

ကိုလင်း: "ဟင်း၊ ထားလိုက်တော့၊ ငါမင်းကိုအဖွဲ့အစည်းကတစ်ယောက်ယောက်ကိုရှာဖို့ခေါ်သွားပေးမယ်။"