' أنت الذي حطيت بالجوف رمحين '

الـبـارت الأول

بعد نقاش أحتد بين عمانه وأبوه طلع خارج المجلس
يبتعد عن الإزعاج ، توقف عند باب المجلس ورفع رأسه للسماء يناظر القمر في ليلة إكتماله وهو يسبّح ربه في جمال المنظر والنجوم دخل إيده بجيبه يطلع له بكت لأجل يدخن ويِنسى اللي صار بدأ يشعل زِقارته ورفع نظره للظِل اللي واقف بين الشجر ورفع حاجبه دلالة على إستغرابه من وقوف هالشخص بهالمكان كمل يمشي اتجاه الظِل ووقف بمكانه بعد ما سمع الصوت من الشخص اللي امامه
بـ جهة الشجر كانت ورد منزله رأسها تكلم صاحبتها بعد ما أبتعدت عن ازعاج الداخل
ورد : والله أقولك انا تعبت ، كل جمعة لازم يصير هالنقاش
ديـم : عجيييب هالموضوع ! ما عرفتي عنه شيء ؟
ورد : لا والله لكن تخيلي من متى وهم يتناقشون فيه ودي أعرف عشان اقدر على الأقل ادوّر له حل
ديـم : حتى لو عرفتي ما أعتقد بتلقين له حل دام له سنوااااات طويلة ولا حلّوه
ورد : والله بخـاطر.. سكتت من سمعت الصوت اللي خلفها
عضّ شفايفه من مشى على غصن الشجر اللي بالأرض وغمض عيونه بقوة لفّت ورد تناظره أمامها بصدمه
ديـم : الو بنت ! وين رحتي
ورد بتوتر : خلاص ديـم انا أكلمك بعدين
قفلت الجوال تناظره تنتظر منه اي كلمه
رعَد اخذ نفس وبدأ يتكلم : اعذريني يا بـنت العمّ لكني استغربت من وجود شخص بهالمنطقة بهالوقت
ورد مسكت حجابها تعدله من بعد ما الهوا بدأ يقوى عليها
ورد : معذور معذور ، مشت بجـانبه بسرعة وبتوتر لأجل ترجع للبيت ، لف رعَد يناظرها وهي ترجع بخطوات سريعة للبيت وبدأ يستغفر وهو بذاته رجع للمجلس لأجل ينسى اللي شافه
•
دخلت ورد الصالة تناظر عماتها و أمها وزوجات عمانها  و جدّتها ، خذت نفس تهدي نفسها وتدخل
لفّت عليها رنا : وين اختفيتي ورد تعالي بيبدون يلعبون البنات
ورد : ولا شيء ، وينهم البنات ؟
رنا جات بجانبها وبدو يمشون سوا : دخلوا للصالة الداخليه ، تقولك ريما انها جايبة لعبة جديدة والبنات متحمسين وبدوها قبلك قلت اطلع اناديك
ورد بحماس : جد ؟ عاد ريما ام الألعاب
هزّت راسها رنا بالموافقة ، ومشوا يدخلون للبنات
وقفوا على صراخ سمر : فززززت فزت خلاص ما فيها
ريما : كذاااااابة والله اشوفك تغشين يا بنت
عهد : بمووووت بنات مستحيل كيف فازت
سمر بأبتسامة عريضة : ياحبيبتي مستحيل تصيرون نفسي عدلوا عدلوا مستواكم ولفت تناظر ورد ورنا اللي يضحكون ما ودكم تجون اجلدكم انا بعد ؟
ورد بغرور : أنا ؟ تفوزين علي صعببببة عليك صدقيني
عهد بضحكة : بدينا غرور بنت المحامي
لفت عليها ورد بأبتسامة : بالله ما يحقّ لي ؟
حطت ايدها رنا على كتف ورد : يلا قومي نكسر راسها هالغشاشة
ريما : اي بالله عليكم فيها بناااات
•
مجلس الرِجـــال
عند فهد اللي يصب القهوة لأعمامه وجدّه
أبــو طلال : الا يا فهد ما ودك تتزوج ونفرح فيك ؟
فهد بأستهبال : ودّي والله بس مين يقنع الوالد والوالدة ؟ يقولون إني بزر للحين ما عقلت
خالد : بهذي والله انهم صادقين
لف عليه فهد ورفع الفنجال بتهديد : هاااه انت لا اشوفك تتكلم ولا تعرف وش بيصير لك
كان رعَد بيتكلم بس التفتوا كلهم ناحية الباب الداخلي من سمعوا صرخة البنات
أبــو سليمان : بسم الله الرحمن الرحيم وش بلاهم البنات
فزوا كلهم للباب دخلوا على دفعة وحدة ولفت عليهم أم سليمان : انتم شبلاكم؟ داخلين كذا لا احم ولا دستور
أبو طلال : يمّه ما سمعتي صوت البنات انتي كيف فزعونا ! شبلاهم ؟
أم طلال : ما فيهم شيء يا أبو طلال لكن أنت تعرف البنات لا تحمسوا وبدوا يلعبون نسوا انفسهم
أبـو فهد : اعوذ بالله منهم هالبنات ترا بيجيبون لنا الضغط من كثر ما فزعونا
ضحكت أم سليمان على كلام ولدها : ارجعوا لمجلسكم ما فيهم الا كل خير تلقى وحدة منهم كسبت عليهم
طلـعت ورد تضحك والبنات يلحقونها وتخبّت ورا ظهر ابوها : بابا شوفهم يلحقوني وانا ما سويت لهم شيء
البنات بصوت واحد : كذااااابة
أبو طلال لف يناظر بنته اللي وراه : بسم الله وش صاير
ورد : فزت عليهم وقعدوا يتبلوني بأني غشاشة
سمر : اي غشاشة ونص بعد
طلال : اقول انتي وياها احترمي نفسك اختي ما تغش ولف على اخته وهو يضحك : كفو عليك
رعَد قعد يستوعب اللي صار أمامه وان اللي شافها بالصدفة طلعت ورد ، ما أستوعب انها هي نفسها اللي بأيام طفولتهم سوا
قطع حبل افكاره أبـو سليمان : لا حول ، يا بنات اقطعوا الشر وفكونا من ازعاجكم وانتم امشوا نرجع للمجلس
دخلوا الرِجــال للمجلس وبقوا البنات يتهاوشون بين بعضهم