' أنت الذي حطيت بالجوف رمحين '

34

دخل الجناح وبيده كوبين قهوة ، ابتسم يشوفها واقفة امام الشباك تتأمل الطبيعة الساحرة
قرّب يمشي تجاهها ووقف بجانبها ولفت تشوفه وابتسمت من شافت بيده كوبين القهوة
مد يده يعطيها كوب القهوة خذت منه القهوة وابتسمت تناظره : كل يوم بتجيب لي قهوة ؟
هز راسه يناظرها : اي شيء تحبّينه بتشوفينه قدامك كل يوم
كمل فهد بأستعباط : مثلي انا بنشب لك كل يوم
رفعت حاجبها تناظره : ومين قالك اني احبك ؟
هز راسه فهد : اي عارف انتي تموتين فيني
ضحكت تناظره وابتسم فهد على ضحكتها ، رجعت تتأمل الطبيعة امامها
كانت هي تتأمل الطبيعة وفهد يتأملّها ، يتأملها لدقائق وساعات طويلة مايملّ
لفت تشوف فهد الصامت وابتسمت تشوفه يتأملها
حضنت كوب القهوة بيّدها ولف فهد ينزل كوب القهوة من يده على الطاولة بجانبه ومد يده ياخذ كوب القهوة من ريما ورجع يحطّه على الطاولة
عقدت حواجبها تناظره ماتفهم حركته ، مد يده يمسك كف ريما ويسحبها له بحيث تصير امامه
قرّب يعدم المسافات بينهم وتقدم يحضنها ، رفعت يدينها ريما لـ عِنق فهد تشدّ عليه
ابتسم فهد يتكلّم وهو بحضنها : مُتيمّ انا بحضنك ، بالدفّء اللي احسه بحضنك بـ رقّتك ، بأختصار انا مُتيّم بكل تفاصيلك
ابتسمت ريما على كلامه وتذكرت كيف كانت ترفض فهد بالبدايات ، والحين تحمد ربها مليون مره انها وافقت عليه
ابتعدت عن حضنه وتلاقت عيونهم لثواني وابتسم فهد يناظر رجفة شفايفها دلالة على ربكتها
تقدّم يقبّلها و~
•
جلست تستند على الكنبة اللي بخلفها وتنهّدت من تتذكر تصرفات ياسر وكيف يداري خاطرها بكل شيء يسويه
ورَعد اللي قاعد يحارب الكلّ للحين لأجل خاطرها
صراعها بين نفسها بين عقلها المتحكّم وقلبها اللي يبي رَعد
غمّضت عيونها من مرت كل ذكرياتها مع رَعد بلحظة وحدة ، ابتسمت على ذكرياتهم سوا وكيف كانت شخصيته قبل الحادث وكيف شخصيته انقلبت بعده
لكنّ الأكيد ماتغير بسبب الحادث ، تغير من حبيبته راحت عنه وصار صعب يوصلها
قامت من مكانها تحاول تنسى افكارها ودخلت المطبخ تحاول تطبخ اي شيء لأجل تنشغل وتنسى
استندت على الطاولة من حست بألم وعقدت حواجبها
تنهّدت تنهيدة عميقة ، هي بحدّ ذاتها عارفة ان الحرب اللي بين عقلها وقلبها اصعب حرب قاعدة تخوضها
لفت تسمع صوت جوالها اللي تركته على الكنبة بالصالة وطلعت من المطبخ تتقدم للكنبة تسحب جوالها ورفعت حاجبها من شافت سمر تتصل عليها
رفعت جوالها لأذنها : هلا سمر
سمر : ورد وينك
عقدت حواجبها ورد : بالبيت ليه؟
سمر : لحظه
خرجت سمر من غرفتها تشوف ملَك بالصالة ورجعت بخطوات سريعة تدخل وتقفل عليها الباب وابتعدت تمشي تِجاه شباكها تبتعد عن الباب
سمر : بكرا بيرثداي ملَك وبنسوي لها سبرايز
ورد : ايوه ؟
سمر : بس مادري وين نسويه ماقدر بالبيت اخاف تكشفني
ابتسمت ورد من راودتها الفكرة : خلي كل شيء علي ، بس تعالوا بكرا عندي وتلقون كل شيء جاهز
هزت راسها سمر بالنفي : لا بنجيك انا ورنا نساعدك وبنقول لعهد تجلس مع ملَك تشغلها
ورد : تمام ، بقفل الحين عشان اروح اجهز
قفلت جوالها ترميه على الكنبة وابتسمت من حسّت بأن هذا الشيء فعلًا بيشغلها عن افكارها والحرب اللي بين عقلها وقلبها
خرجت تمشي بالحديقة وتشوف المكان اللي بين الأشجار وابتسمت تقرب تصير بوسط الأشجار
لفت تِجاه الباب من سمعت صوت ياسر دخل
عقد حواجبه يشوف ورد بمنتصف الأشجار وتقدم لها
ياسر : فيك شيء ؟
ابتسمت ورد تناظره : لا بس بكرا بيرثداي ملَك وقلت للبنات يجون عندي نسوي لها سبرايز واعجبني المكان هنا
ابتسم ياسر على ابتسامتها اللي فقدها كثير ، هز راسه يناظرها : تبين اساعدك ؟
ااشرت ورد على الكراسي : اي لازم نغير مكانهم ونحطهم وسط الأشجار
قرب ياسر من ورد يبتسم لها ومدّ يده يرفع اكمام ثوبه
وبدا يغير مكان الكراسي ، وماهي إلا دقايق ووقف امام الجلسة بِرضى
ابتسمت ورد : الله صار حلو ، باقي البيرثداي كيك
هز راسه ياسر يطلّع جواله من جيبه : خلاص اطلبه لك انا انتي لا تشتغلين وتتعبين نفسك
ورد : تمام
ابتعدت عن ياسر تدخل البيت
•
صحى من النوم وعقد حواجبه من شاف المكان اللي بجانبه فاضي ، التفت من سمع صوت الباب وشاف ورد اللي توها خرجت من الحمام وشعرها الطويل المبلل ، ابتسم يناظرها يحبّ شعرها الطويل وكيف يحلّيها زود على حلَاها
سحب جواله من جانبه وشاف الساعة ورجع يناظر ورد اللي جلست على التسريحة وسحبت اللوشن تمسح فيه جسمها
ابتسم يناظر كل خطواتها بِلا ملل ، يحبّ يتأملها وراضي يتأملها طول عمره
رفع حاجبه يناظرها تسحب الآيلاينر وترسم ، ختمت الميكب بالروج اللي طبطبته على شفايفها ولفت تشوف ياسر متمدد على السرير يناظرها بأبتسامة
ورد : شتسوي ؟
ياسر : اتأملك
ابتسمت ورد له وقامت من مكانها تتجه للدولاب تفتحه ومدّت يدها تطلع فستانين ، عقدت حواجبها من الحيرة اللي داهمتها
ولفت على ياسر اللي انشغل بجواله ورفعت الفستانين امامه
ورد : ياسر
رفع راسه ياسر : سمي
قربت ورد منه ورجعت ترفع الفستانين : اي واحد ؟
ابتسم يناظرها ولف نظره للفستان الأول وهز راسه بالنفي واتسعت ابتسامته من شاف الفستان الأبيض : هذا حلو بس قصير
هزت راسها ورد : عادي بس البنات
قام من مكانه يقرّب لها ويعدم المسافات بينهم : تدرين اني اغار صح ؟
ناظرته ورد لِلحظات وتراجعت للخلف تعطيه ظهرها وتدخل الفستان الآخر بالدولاب وتقفله ، نزلت الفستان الأبيض على الكنبة وراحت تخرج من الغرفة تشرف على آخر التجهيزات
عقد حواجبه من شاف تصرفاتها ، تصرفاتها اللي بداية الزواج كانت لا تُطاق ، ومن حملت تعدّلت وعقلت والحين تغيرت و صارت تعامله كأنه صديق
تنهّد يفكر لو هي فعلًا تحبه او تمثّل لأجل البيبي
توجه يمشي ودخل الحمام ياخذ له شاور ينسّيه اللي يفكر فيه
•
عقدت حواجبها تشوف سمر اللي تمشي تِجاه الباب وبإيدها كيس
ملَك : على وين ؟
لفت سمر على ملَك اللي بالصالة وخبت الكيس خلفها : بروح المول واجي
قامت ملَك من مكانها : بروح معاك
هزت راسها سمر بالنفي : لا لا عهد بتجيك
رفعت حاجبها : متى قالت لك !
لفت سمر من سمعت صوت الجرس وابتسمت لملَك وراحت تفتحه
سمر : كنت شوي وبنقفط
عهد : روحي قبل تجي وتشوفنا
هزت راسها سمر وخرجت من الباب ودخلت عهد تشوف ملَك اللي واقفه تناظر
قربت منها : شفيك ؟
ملَك : مدري سمر فيها شيء
ابتسمت عهد تناظرها : مافيها الا العافية تعالي نجلس
هزت راسها ملَك وراحت تجلس على الكنبة وجلست بجانبها عهد
عقدت حواجبها ملَك تشوف عهد اللي كل شوي تطالع جوالها : انتم اليوم وضعكم غريب
رفعت راسها عهد ونزلت جوالها بجانبها : ليه
رفعت اكتافها ملَك : احد فيه شيء ؟
هزت راسها عهد بالنفي ، وشهقت عهد : صح ملَك ما قلت لك انا !
عقدت حواجبها ملَك : وش ؟
عهد : تخيلي مين شفت يوم رحت بيت عمي محمد
ملَك : مين ؟
هزت راسها عهد : خمّني واقولك صح ولا لا
تنهدت ملَك تناظر عهد : ورد ؟
هزت راسها عهد بالنفي : وش جاب ورد لبيت عمي محمد
بققت عيونها ملَك : لا تقولين شفتي ذاك !
ابتسمت عهد : ايه نفسه ذاك
ملَك : وش جابه بيت عمي ؟
عهد : تخيلي ذا نفس السؤال اللي سألته وقال لا تحسبيني مهووس فيك الاحقك من مكان لمكان
ضحكت ملَك من سمعت كلام عهد : وجع مريض ذا
هزت راسها عهد : اي والله مريض
ابتسمت تناظر ملَك لثواني : بس جنتل مان والله
قربت ملَك تضرب عهد على راسها : صحصحي ذا صديق رَعد
عهد : واذا ؟
رفعت اكتافها ملَك : احس صعبة
عقدت حواجبها عهد ، وقطع تفكيرهم صوت جوال عهد
رفعت جوالها لأذنها : هلا ، خلاص شوي وجايين
رفعت حاجبها ملَك تسمع عهد : ياربي والله قلت فيكم شيء وتكذّبيني
ضحكت عهد تناظرها : قومي نروح غرفتك تبدّلين وتجيبين عبايتك
ناظرتها ملَك لثواني وقامت من مكانها تتوجه لغرفتها ووراها عهد اللي كانت تكتب لسمر ' شوي وجايين '
دخلت عهد الغرفة وعقدت حواجبها من شافت ملَك لابسة جينز وتيشيرت
عهد : سلامات ليه لابسة كذا
لفت ملَك لعهد : وش ليه لابسة كذا جينز وتيشيرت ترا
هزت راسها عهد بالنفي وقربت لدولاب ملَك وابتسمت من شافت فستان اسود ومزيّن بالريش من الأكمام ، لفت تعطيه ملَك
ملَك : هذا وش ؟
عهد : البسيه ملَك وانتي ساكتة ، بنزل انتظرك خلصي وتعالي
خرجت عهد من الغرفة وعقدت حواجبها ملَك تشوف تصرفاتها الغريبة ، خذت الفستان ودخلت تبدّل وجلست امام التسريحة من خلصت وحطت ميكب خفيف ، سحبت عبايتها تخرج من غرفتها ونزلت لعهد اللي بالصالة على جوالها
ملَك : يلا
قامت عهد من مكانها وخرجوا يتوجهون للسيارة
•
لفت ورد على سمر اللي خرجت من المطبخ وتشيل البيرثداي كيك بيدها
ورد : وينهم طولوا
تقدمت سمر : عهد تقول جايين
لفت عليهم رنا من اتصل جوالها : ريما
لفت ورد : وينها
ضحكت رنا وااشرت على جوالها : تتصل كام
ردت رنا على ريما وقامت تجلس بجانب ورد وخلفهم سمر واقفه والبيرثداي كيك بيدها
ريما : اخ بنات ابيكم
رفعت حاجبها سمر : بنت استحي على وجهك زوجك عندك وتقولين ابيكم
ابتسمت ورد لريما : لك فقدة والله
رنا : كيف السفرة
ابتسمت ريما بحُب : تجنن يابنات
سمر : السفرة اللي تجنن ولا فهد ؟
عقدت حواجبها ريما تناظر سمر وضحكت سمر على وجه ريما : ريما حبيبتي غطي رقبتك
نزلت نظرها ريما لرقبتها وسرعان ماضحكوا البنات من وجه ريما اللي قلب الوان
ريما : حسبي الله ، انقلعوا ماتستاهلون من يتصل عليكم
قفلت ريما بوجههم ورفعت راسها ورد تناظر سمر اللي تضحك للأن
ورد : سمر روحي برا حطي البيرثداي كيك قبل تجي ملَك
هزت راسها سمر وخرجت وهي تضحك ، تقدمت تحط البيرثداي كيك على الطاولة وابتسمت تشوف تجهيزات ورد واللي كان الشكل نفس ما تبيه ملَك وتحبّه
لفت رنا على ورد : كيف الحمل معك ؟
هزت راسها ورد : تمام بس يجي الم ويروح
ابتسمت رنا : قلت اسألك اخذ منك خبرة
عقدت حواجبها ورد تناظر رنا المبتسمة
ابتسمت ورد من استوعبت : احلفي !
هزت راسها رنا وتقدمت ورد تحضنها : بموت بصير عمّه ! ياربي رنا مو مستوعبة
تقدمت سمر وعقدت حواجبها من شافت ورد اللي تحضن رنا : بسم الله شفيكم
ابتعدت ورد عن رنا وابتسمت رنا تناظر سمر : خبر حلو
سمر : وشو؟
رنا : بيجيكم بيبي جديد
سمر : بيبي ورد قصدك ؟
هزت راسها رنا بالنفي : ياليل الفهاوة ، لا بيبي رنا
ابتسمت سمر وصرخت : ما اصدق بيجينا دبل بيبي
ضحكت ورد من سمر اللي تقدمت تحضن رنا وقطع عليهم صوت الجرس
قامت ورد : اكيد انهم البنات
هزت راسها سمر وابتسمت تشوف رنا ، خرجوا للحديقة وتقدمت ورد تفتح الباب ابتسمت ملَك وتقدمت تحضن ورد وخلفها عهد ، ابتعدت ورد عن ملَك ولفت تمشي بخطوات سريعة للبنات وفتحت الكاميرا تستنى ملَك اللي كانت تمشي متجهه لهم
عقدت حواجبها ملَك تشوف البنات والطاولة وورد واقفه ومعاها الكاميرا
ابتسمت عهد اللي بجانبها وصرخوا البنات بصوت واحد : هاااابي بيرثداي
تقدموا البنات يحضنون ملَك اللي انصدمت لأنها ناسية ان اليوم البيرثداي حقها