' أنت الذي حطيت بالجوف رمحين '

الـبـارت الثاني

عقدت حواجبها تناظر رنة جوالها المُتكررة سحبت يدها من تحت الغطـا لجوالها وناظرت اتصـال ورد ردّت بكل نُعاس : هلا ورد
ورد : انتي للحين نايمة وين حماس العروسة ؟ الساعة ٤ العصر تأخرتي كثير
رنا تجلس على السرير وتثبت جوالها على اذنها بأيد والأيد الثانية تشيل الغطا عنها : تعبت من امس والله وانا مشغولة بالتجهيزات
ورد : طيب يلا عندك عشر دقايق تجهزي انا والبنات جايينك
رنا : تمام ، قفلت وهي مبتسمة عارفة انهم راح يحتفلون فيها لأن زواجـها من حُب طفولتها بكرا والقصة الجديدة بينهم بتبدأ تحركت من على سريرها تتجهز على السريع ، لفت ورد على البنات : تم عشر دقايق وبنروح لها
ريمـا : ما ودكم نروح ناخذ قهوة على ما ننتظرها ؟
سمر : لا ما يصلح لأن احنا اصلًا بنروح نحتفل بكوفي
ريمـا رفعت حاجبها بتتكلم بس قاطعتها عهد : ياويلك سمر هذي مهووسة قهوة لو تشرب عشر أكواب باليوم عادي عندها
ضحكت ملَك : صادقة سمر خلونا نتقهوا كلنا سوا
هزت راسها ريمـا بالموافقة ولفت على ورد اللي تسوق بجانبها : ورد شرايك تشغلين لنا شيء نسمعه ؟
ورد ابتسمت : من عيوني يا مهووسة القهوة
ضحكت ريمـا من اللقب الجديد واللي واضح ان البنات بيمسكونه عليها ، رفعت ورد صوت الأغنية وحركت على بيت عمها و بدوا البنات يتمايلون على أنغام الأغنية و سمر اللي كانت تصور ريمـا اللي تغني بصوت عالي وهي تحرك ايدينها بالهواء : أنتِ نفسك كنتي حلم في يوم حلمتُه فضلت أعافر في الحياه لغاية ما طُلته
رددوا البنات ورا الأغنية لحد ما وصلوا لبيت عمهم أبو رَعد ، نزلت رنا بخطوات سريعة من الدرج وناظرت أهلها بالصالة أم رَعد رفعت عيونها تناظرها : على وين ؟
رنـا : البنات برا يستنوني والأكيد بيحتفلون فيني بس انا مفعلّة وضعية الغباء
رَعد ناظرها وضحك : تصدقين ما عمري شفت عروسة حلوة نفسك
رنـا ناظرته وابتسمت : لأني اخت رَعد تصدق؟
ارسلت له بوسة بالهواء وطلعت ناظرت سيارة ورد واقفة وشافت البنات مشغولين بالأغنية طقّت شباك السيارة على سمر اللي انفجعت فتحت الشباك : سلامات يالغالية مو عشانك عروسة تخرشينا
ورد : بنات اليوم خلوا عروستنا تسوي اللي تبيه مسموحة
رنا ناظرتها بأبتسامة و ركبت معاهم و حركت ديم على الكوفي اللي متفقين عليه البنات
•
فهد وهو يرفع جواله لأذنه : لا ياولد بكرا ما اقدر زواج بنت عمي وطلال، شرايك تجي نطلع اليوم؟ وبعطي عيال اعمامي خبر
يوسف : تم اجل انا بروح فيه كوفي قريب يمدحونه وبرسل لك اللوكيشن
فهد طلع من غرفته متوجه لباب البيت : خلاص تم
قفل من يوسف وكان بيتصل على رَعد الا انه تراجع من شاف ستـوري اخته سمر وعقد حجاجه من البنت اللي ترقص على الأغنية وتغني بصوت اقل ما يُقال عنه ' سـاحـر ' قفل جواله وكمل يخرج من البيت يحاول يتناسى اللي شافه، وكمل يتصل على عيال أعمامه
عـنـد الـبـنـات
تفاجئت رنـا بالطوق اللي مكتوب عليه BRIDE ينحطّ على رأسها ، و بتصفيق العاملين الموجودين وحاملين الكيكة والورد والهدايـا وتركوها على الطاولة وصفقوا والبنات بصوت واحد : congratulations beautiful bride
ناظرتهم رنـا بأمتنان على انها متوقعة هذي الحفلة بس ما توقعت كل هالمشاعر تغمرها وابتسمت لهم جميعًا ، وقفت ورد تصورها توثيقًا للحظة الجميلة هذي وبحكم انها شاهدة على قصة حب اخوها طلال و رنـا وقد ايش تعبوا لين وصلوا هذي المرحلة ورجعت قلبت الكاميرا وتجهزوا البنات للصورة الجماعية المُعتادة لهم كل ما خرجوا او تجمعوا وابتسموا سوا ولقطت الصورة ورد ورجعت تجلس بمكانها
رنـا : بنااااات مرا شكرًا شكرًا احبببكم
ريمـا : ما بيننا شكر والله تستاهلين
سمر بأبتسامة : واخيرًا قصة حُب تتحول لزواج ونشهد عليها احنا يا بنات
صفقوا كلهم بوقت واحد وكملوا سوالفهم وتصوير كعادتهم ، شهقت ملَك وناظروها البنات بسرعة
ملَك : يمه بنات شوفوا مين داخل حولوا البنات
نظرهم للباب وتفاجئوا بـ رَعد وفهد وطلال ورياض وشخص خامس ما ميّزوه ، رَعد من دخل وطاحت عينه بعيـن ورد وأستوعبها على طول ما شال نظرته منها إلا لما توترت و نزلت عيونها تلعب بالشوكه على صحنها
ريـاض بتأفف : ياليل ذولا ايش جابهم لف نظره للعيال تبون نطلع؟
فهد : اعقل اعقل مايحتاج نطلع خلونا نتقهوا بعدها نطلع
هز راسه بالموافقه رياض وكملوا لطاولتهم، عند ورد اللي من شافت رَعد وعرفت انه عرفها من ليلـة إكتمال القمر ، توترت كثير ولفت للبنات : خلونا نطلع نكمل احتفالنا ببيتنا
رنا : لا مستحيل ادخل بيتكم خلونا نروح بيتنا
سمر : سلامات ترا بكرا بيصير بيتك مثلك مثلها
لفت عليها رنا بحدّه وسكتت سمر
ريمـا : ياناااااسو اللي مستحي انا
ملَك : صح بنات خلونا نقوم اساسًا خلصنا
قاموا كلهم وتوجهوا للباب وخرجوا يكملون احتفالهم ببيت أبو رَعد