4 عـصـرًا
دخلت ورد الغرفة وهي مستغربة من صراخ ريما
ورد : بسم الله بنات شفيكم
ريما وهي تأشر على عهد الجالسة امامها : تعبت منها اقول اثبتي عشان ارسم لك الآيلاينر ما تثبت
عهد : ارسمي لي وانتي ساكتة لا تصارخين علي
ريمـا : صدق انك بزر ، قربت ورد لـ ريما تاخذ الآيلاينر منها وتتوجه لعهد : ريما روحي خلصي شغلك وانا برسمه لها ، هزت راسها ريما وراحت امام التسريحة تكمل الميكب ، وسمر جانبها تلف شعرها بالمكرات ، سمر : خلصتي شعرك ؟
ريما وهي تحط الماسكرا : ايوا خلصت شعري والميكب الحين احط اخر شيء ، وانتي ؟
سمر : ايوه خلصت كل شيء بس بروح اكوي فستاني الحين
هزت راسها ريما ولفت سمر تخرج من الغرفة ، عند ورد وعهد اللي خلصوا قامت عهد تبوس خد ورد بقوّة ، ورد وهي تضحك : يابزر خلاص
عهد : اعشقك والله اعشقك انقذتيني من المجنونة
لفت ريما وهي تطالعها ويدها على خصرها : مين المجنونة لا يكون انا ؟
هزت راسها عهد وهي تخرج من الغرفة : ايوه انتي
لفت عهد على ورد ورسلت لها بوسة بالهواء وقفلت الباب خلفها ، ضحكت ورد من عهد : يا الله منها
عند سمر اللي اخذت الكواية من امها وخرجت تتوجه للغرفة تكوي فستانها ، خذت فستانها وعلّقته وبدت تكوي ، وريـاض اللي كان يدخل كل غرفة يدور شاحنه
استغرب من الغرفة اللي بابها مطرّف وكمل يدخل وشاف سمر معطيته ظهرها تكوي الفستان امامها وطالع شعرها المليان مكرات ، لفت سمر من سمعت صوت الباب وشهقت بقوة : شتسوي هنا
ريـاض : انتي اللي شتسوين هنا
سمر والكواية بيدها : اطلع ولا وربي اصفقك فيها
رفع حاجبه ريـاض : مريضه انتي ؟ جيبي شاحني شوفيه جنبك
لفت سمر للشاحن تناظره ، خذته ورمته عليه
ريـاض وهو ينزل يجيبه : حمدلله والشكر ، لف يخرج من الغرفة
لفت سمر للفستان تكمل الكوي : معتوه داخل علي ويقول وش تسوين ، ارقص مع الفستان مثلًا
عند البنات بالغرفة الأُخرى
ورد وهي تطالع جوالها : بنات ماتحسون تأخرنا
ريمـا : الا صح تأخرنا بس خلاص خلصنا حنا
هزت راسها ورد وخذت فستانها تدخل للحمام ، عند عهد وملَك اللي مخلصين من زمن وقاعدين يتصورون وريمـا تلبس حلقها ، دخلت سمر عليهم وهي معصبة
ريما : شفيك ؟ طالعه مروقة من عندنا رجعتي معصبة
سمر : اخوك معتوه صدقيني
ريما بضحكة : وانتي وين شفتيه
سمر وهي تنزل فستانها على السرير : تخيلي ! داخل علي بالغرفة ويقول انتي شتسوين المفروض انا اللي اسأله
لفت عهد على سمر : رياض؟ عبيط ذا لا يخرب مزاجك روحي كملي البسي ترا كلنا مخلصين
هزت راسها سمر وخذت فستانها ودخلت الحمام خلف ورد اللي توها خرجت ، طالعت ورد نفسها امام المرايا بفستان أسود ماسك عليها بدون أكمام ومورد من النهاية ابتسمت برضا على شكلها وكملت تتعطر ،
قاطعهم دخول رنـا بفستان بينك وابتسموا كلهم على منظر رنـا
ورد : عروسة قلبي والله
ريما : الله رنا شكلك يجنن
سمر اللي تو خرجت : صح تهبلين حتى اللون عليك يجنن
ناظرتهم رنـا بأبتسامة ورسلت لهم بوسة بالهواء
•
8 مـسـاءً
بـيـت أبو سليمان ، أستقبال العروسة - رنــا - ونِساء آل سليمان متوقفات عند المدخل يستقبلون الضيوف وريحة الـعـود تستقبل الضيوف ، والقهوة رايحة جايّة
بالغرفة عند البنات ، رنـا بتوتر : بنات الحين اذا طلعت وش اسوي ؟ سلمت وبعدين ؟
ورد : ماما تقول تطلعين تسلمين وتقعدين على الكنبة
سمر : عادي رنا كأنه زواج ادخلي سلمي وروحي للكنبة
هزت راسها رنـا بتوتر ، دخلت أم رَعد للغرفة بأبتسامة : يلا يابنات تعالو وخلوا رنـا تطلع بعد شوي
طلعوا البنات وجلست أم رَعد عند رنـا
أم رَعد : مستعدة يا ماما ؟
هزت راسها رنـا ونزلت راسها تلعب بخاتمها ومسكت جوالها تتذكر طلال ، وقفت قدام المرايا تعدل فستانها ورفعت جوالها تصور وابتسمت من رسلت الصورة لـ طلال
•
جهة الرِجال
عند طلال اللي انتبه للـرسالة اللي وصلته ، مسك جواله يفتحه وابتسم من شاف صورة رنـا
انتبه له فهد : ولد وين وصلت؟
رفع راسه طلال : موجود موجود ، قام طلال من مكانه يخرج من المجلس ويتجه لخلف البيت ، يرسل لرنـا : انا برا تعالي من باب المطبخ الخلفي ، ناظرت رنـا جوالها ورسالة طلال ولفت لأمها : ماما انا خمس دقايق وبجي ، هزت راسها أم رَعد وقامت رنا من مكانها تخرج من الغرفة تتوجه لطلال ، عند طلال اللي كان متكي على الجدار ومنزل راسه على الجوال رفع راسه من سمع صوت كعب رنـا متوجهه امامه وابتسم ابتسامة رضــا من شافها امامه ،
طلال وهو يتقدم لرنـا ويحضنها ، بعّد طلال بعد مدّة وقرب يلعب بشعر رنـا : متى نرجع البيت؟
رفعت رنا حاجبها بأستغراب : بدري ؟
طلال : قلبي ما يتحمل
ضحكت رنـا من طلال وضربت كتفه ، ناظرت جوالها من وصلتها رسالة ورد : وينك؟ الضيوف اكتملوا تعالي
رفعت راسها رنا لطلال : بعدين نتفاهم ، ناظرها طلال بأبتسامة وهي تبتعد عنه
•
تقدمت رنـا تدخل الصالة بجانب أمها وتسلم على الضيوف وتقدمت تجلس على الكنبة ،
سمر : بنات شوفو رنا كيف مستحية
ضحكت ريما : تدنن ودي اكلها
عهد : اول مره اشوف رنا تستحي
ضربتها سمر اللي كانت بجانبها ، وكمل الأستقبال على خير وبدوا الضيوف يخرجون ، عند سمر اللي ناظرت رنا بجانبها : رنا فاتك امس
لفت رنا على سمر : وش فاتني ؟
ابتسمت ريمـا من طالعتها سمر اللي كانت تقصدها : فاتك رقص ريمـا والله طلعت فنانة
ناظرت سمر ورد اللي تدخل الصالة وتسحب السماعة وجوالها بإيدها الثانية ، لفت ريمـا على ورد : جووووي
شغلت ورد الأغاني وقامت ريما تلف الطرحة على خصرها وقاموا البنات معاها يرقصون على الأغنية
رنـا : الله الله يا ريمـا كل هالجمال وتوي ادري
ريمـا وهي ترقص : كنتي مشغولة مع حبيب القلب
ضحكت رنـا من ريما ، عند ورد اللي توجهت للمطبخ تجيب القهوة للبنات وقفت امام المرايا تعقد حواجبها ونزلت راسها تنزل كعبها اللي يألمها ، ناظرت شكلها امام المرايا وسحبت جوالها وقعدت تتصور امام المرايا ، تحت انظار الشخص الواقف خلفها مبتسم ، رَعد بصوت خافت : عزّ الله انك ورد ، اسم على مسمى ، تراجع يتوجه للمجلس يكمل الجلسة مع العيال
أنت تقرأ
' أنت الذي حطيت بالجوف رمحين '
Storie d'amoreأنت الذي حطّيت بالجوف رمحين رمح العيون ورمح وَردي شفاتــك أحب فيك الحب ياجامع إثنين الزين وطبوعٍ تكمل حلاتــك وأحب فيك العطف واللطف واللين وأحب فيك رضاك عقب زعلاتــك - انستا itsmarvel8_
