' أنت الذي حطيت بالجوف رمحين '

21

فزّت برعب من سمعت دخوله يقفل الباب خلفه ، تقدم لها يجلس بجانبها مد يده يمسك كفوفها
ياسر : ماقلت انك بتصيرين من نصيبي ؟
سحبت ورد كفوفها من يده وقامت من جانبه وشهقت من سحبها
ورد بعصبية : مريض انت ؟
ياسر بأبتسامة يحاول يستفزها : زوجتي
حاولت تقوم بس ماقدرت من سحبها لحضنه غمضّت عيونها وكل تفكيرها في رَعد وحاله ، ابتعد ياسر عنها يجلس على الكنبة امام الشباك
لف ياسر يناظرها : ماراح تجين تشوفين بدايات الصباح ؟ يقولون انك تحبينه
تقدمت ورد للباب بتخرج والتفتت تسمع صوته يسألها
ورد بملل : بروح اسوي لي قهوة ، ولا ممنوع بعد ؟
ابتسم ياسر يناظرها وهز راسه لها ، خرجت ورد تتجه للمطبخ وهي تتأمل البيت الواسع وتتسائل كيف ياسر كان ساكن لحاله هنا تنهّدت من تذكرت رَعد و ايش بتكون ردة فعله اذا عرف انها تزوجت خذت قهوتها وتوجهت للحديقة تجلس على الكرسي وتناظر الأشجار امامها وابتسمت من مرّ طِيف رَعد عليها متجاهلة نظرات ياسر عليها من الشباك ، بدت تستغفر من سمعت صوت ياسر خلفها عقد حواجبه يناظرها ما تجاوب عليه قرّب لها ورفعت راسها من شافته واقف امامها
ياسر بعصبية يحاول يكتمها : ورد لا تحدّيني على شيء ما ابيه
رفعت حاجبها تناظره ، وكمّل ياسر : انا خليتك امس براحتك ما ابي اجبرك على شيء ، تجاهلت الفستان الكئيب اللي استقبلتيني فيه وعذرتك قلت ماكان معاها وقت تجهّز
ابتسمت بسخرية تناظره : قلت ماتبي تجبرني على شيء ؟ ومين اللي كان يحوس عند بيتنا لين تمّت الملكة ؟
ابتسم يناظرها : القلب ومايفعل
تحولت نظراتها من سخرية لحُقد عليه من تذكرت حالة رعد واللي يُعتبر ياسر سببها ، رفع حاجبه يستغرب نظرتها اللي تحولت بشكل مُرعب نزل نظره للكوب اللي بحضنها وابتسم وكشّرت بوجهه تفهم مقصده وتركها يمشي للداخل
•
خرجت عهد من الجامعة ترفع نظارتها على خشمها تمشي اتجاه المواقف وبجانبها ملَك
ملَك : متى بيسمح لنا جدي نسوق مو حالة هذي
عهد : ما تشوفين كيف طلّع عيون البنات لين سمح لهم يسوقون توقعين بيسمح لنا حنا الحين ؟
ضحكت ملَك تناظر عهد : على تصرفاتنا هذي مستحيل يسمح لنا
ابتسمت عهد تضرب كتف ملَك وعقدت حواجبها من مرت السيارة بجانبها وبدت تهدّي ، لفت تناظر السيارة اللي بداخلها شخصين
رفعت حاجبها عهد : سلامات يالطيّب ؟
ابتسم يردّ عليها : حتى صوتك حلو مثل وجهك
بققت عيونها ترد عليه : احترم نفسك ولا جمّعت الناس كلها عليك
مسكتها ملَك تسحبها : عهد تجاهليه تكفين
ضحك بسخرية : انتظرك 
عقد حواجبه من شاف الموقف امامه وتقدّم يمشي تجاههم وحلَف يبعثر وجيه العيال اللي تعرّضو للبنات ، وبصوت عالي : مسوي نفسك رجّال انت وياه ؟
لفت عهد تناظره يمشي تجاههم وعقدت حواجبها من شافته لابس بدله واستغربت وجوده بالجامعة بهالبدلة ، نزل الشخص من السيّارة يتكتف امامه : رجّال وغصبًا عنك
ابتسم يناظره واردَف بسخرية : تخسي
كمّل يشوف الشخص يتجه امامه : ماهو رجّال اللي يتعرّض لبنات الناس
عضّت عهد شفايفها من حست الوضع بدا يتكهرب والتفتت تدور احد وبدت تمشي بخطوات سريعة للسكيورتي : لو سمحت ممكن تجي تشوف هالشخصين ، لف السكيورتي يناظرهم وبدا يمشي بخطوات سريعة اشبه للرَكض من شافهم بدوا يتضاربون قرّب يفك بينهم وابتعد الشخص يرفع يده لفمّه يمسح الدم وبصوت عالي : مانت بـ سالم منّي
ابتسم يناظره يركب سيارته ويتجّه خارج الجامعة ، والتفتت يناظر عهد اللي واقفه تناظره ، تقدّمت معاها منديل تمدّه له
خذا المنديل منها وبدأ يتكلم : ماقدرت اتحمل اشوفهم يتعرّضون لكم واسكت
هزت راسها عهد : ماقصّرت
ابتسم مشعل يناظرها تبتعد مع ملَك ، والتفت يسمع صوت اخته تناديه ، رجع يركب سيارته
وَجد : وش صار !
مشعل : مايتوبون هالمرضى ، كل مرّه اجي اخذك لازم القى هالمواقف
وَجد : لا تتدخل مشعل خلهم بكيفهم
التفتت مشعل عليها بعصبية : تبيني اشوفهم يتعرّضون للبنات واسكت ؟
سكتت وَجد من حسّت بعصبية اخوها وبدت تسولف لأجل ينسى السالفة : تصدّق البنت هذي اعرفها
مشعل : مين ؟
وَجد : عهد بنت نايف ، وامها من آل سليمان
لف عليها : آل سليمان ؟
هزت راسها وَجد وابتسم مشعل من عرفها
•
عقّد حواجبه من فتح عيونه يحس بآلام يدينه ، رفع راسه يشوف الممرضة تدخل وابتسمت من شافته صحت : الحمدلله على السلامة
هز راسه بألم : بأي يوم حنا ؟
الممرضة بأستغراب : الأحد
غمّض عيونه بقوة من داهمه الألم والصداع بآنٍ واحد ، شدّ على يده من عرف ان الوقت ما اسعفه وراحت ورد لغيره حاول يقوم من مكانه بس ماقدر من الألم وتكلمت الممرضة : لا تتحرك بنادي لك الدكتور
التفت من شاف الممرضة تخرج وقعد يدوّر على جواله وعض على شفايفه من مالقاه ، التفت تجاه الباب من شاف الدكتور والممرضة وخلفهم شخص مو واضح له ، ابتسمت ورد من شافته صاحي وقاعد على السرير يحاول يقوم ، تقدّم الدكتور يتحمد له بالسلامة ويشرح له عن حالته : والحين لازم نسوي لك كم فحوصات عشان نتأكد من حالتك وانك بخير
رفع عيونه رَعد على الشخص اللي دخل خلفهم : بخرج الحين
قطع رَعد كلام الدكتور وبصراخ : قلت لك بخرج الحين ما تفهم ؟
تقدمت ورد : دكتور ممكن تخرج اتفاهم معاه ؟
هز راسه الدكتور يخرج بأستغراب والممرضة وراه
رفع نظره لها وصدّ يناظر الجدار امامه : تزوّجتيه ؟
بلعت ريقها ورد تناظره وفزّت من صارخ عليها : قولي لي تزّوجتيه ؟
هزت راسها ورجّع نظره لها وعضّ على شفايفه من شاف دموعها
رَعد : قسم بالله مايعيش هالنذل
ورد بصوت باكي : رَعد ماقدرت امنعهم
غمّض عيونه وبحدّة : قرّب منك ؟
هزت راسها بالنفي وتنفس براحة ، رَعد : والله لا انهيه والله