အလုပ်စားပွဲပေါ်တင်ထားတဲ့ဖုန်းက ဆက်တိုက်တုန်ခါနေပြီး လက်ချောင်းသွယ်သွယ်ရဲ့အထိအတွေ့နှင့်တွေ့မှသာ တုန်ခါနေတာရပ်သွားတော့သည်။ ဒေသအသီးသီးမှတင်ပြလာတဲ့အစီအရင်ခံစာတွေရဲ့ နှစ်ချုပ်စာရင်းတွေကိုစစ်ဆေးနေရင်း တစ်ဖက်ကခေါ်ဆိုသူကို လင်္ကာသုံဖုန်းဖြေလိုက်သည်။
" ဟယ်လို "
ထိုအခါ လင်္ကာသုံ၏တည်ငြိမ်တဲ့အသံချိုချိုလေးက အေးစက်စွာထွက်ပေါ်လာသည်။
" ဆူးခက်ဟန်ကိစ္စပြောဖို့ပါ မလင်္ကာသုံ "
" မနေ့က..... မလင်္ကာသုံအကူအညီတောင်းပြီးပြီးချင်း တပည့်တိုင်းကိုတာဝန်ပေးထားတာ "
နှစ်ချုပ်စာရင်းစာအုပ်ကိုပိတ်လိုက်သော လက်သွယ်သွယ်လေးက စားပွဲကိုကိုင်ကာထရပ်လာခဲ့သည်။ တစ်ဖက်ကဆက်ပြောမယ့်စကားကိုလည်း သေချာနားထောင်နေရင်း အခန်းမီးရောင်ကိုအပြာရောင်ကနေအဝါရောင်သို့ပြောင်းလိုက်သည်။
" ဒီနေ့ သတင်းတစ်ခုရတယ်..... နည်းနည်းတော့ကြာပြီဆိုပေမဲ့ လွန်ခဲ့တဲ့ကိုးလက သာကီနွယ်ဆေးရုံမှာမြင်လိုက်တဲ့သူရှိတယ် "
" သာကီနွယ်ဆေးရုံ ? "
" ဟုတ်တယ် မလင်္ကာသုံ..... Royalရဲ့စီအီးအိုက အဲဒီဆေးရုံမှာရှိနေတာ လွန်ခဲ့တဲ့ရှစ်လကမှဆေးရုံဆင်းလာတယ် "
" အဲဒါကြောင့် မုသားလူတွေကို ဝေသာကီကိုစောင့်ကြည့်ဖို့လွှတ်ထားတယ် "
တစ်ဖက်ကထိုသို့ပြောတဲ့အချိန် လင်္ကာသုံဘက်ကတိတ်ဆိတ်ငြိမ်သက်သွားသည်။
" စောင့်ကြည့်ဖို့မလိုတော့ဘူး မမုသားဟန်ချီ "
" ရှင်..... မုသားနားကြားမှားတာလား မလင်္ကာသုံ "
ခံစားချက်တွေမဖော်ပြထားတဲ့မျက်နှာနှင့် တစ်ဖက်ကစကားတွေကိုနားထောင်ကာ တည်ငြိမ်လွန်းနေခဲ့သည်။ အတန်ကြာတော့မှထွက်လာတဲ့စကားက တစ်ဖက်ကသူကိုအံ့အားသင့်စေတာအမှန်။
" မမှားပါဘူး "
..........................................................
တဝက်အုပ်မျက်နှာဖုံးနှင့်ဖုံးကွယ်ထားတဲ့ လှပသောမျက်နှာလေးဟာ တချို့အစိတ်အပိုင်းတွေကိုတော့မဖုံးကွယ်ထားခဲ့လေ။ ပန်းရောင်ပြေးနှုတ်ခမ်းလေးကို တင်းတင်းစေ့ထားသော ထိုအလှတရားတွေက ညရဲ့အလင်းရောင်အောက်မှာ ဆွဲဆောင်မှုတစ်မျိုးဖြစ်စေခဲ့သည်။
သင်္ဘောတွေရပ်ထားတဲ့ဆိပ်ကမ်းနားမှာ အနက်ရောင်ကားလေးကိုထိုးရပ်ထားပြီး ကားထဲမှာငြိမ်သက်စွာ မျက်လုံးမှိတ်ရင်းထိုင်နေသည်။ ကားရှေ့ခန်းမှာရှိနေကြတဲ့ လက်ထောက်နှစ်ယောက်က စိတ်အခြေအနေမကောင်းဟန်ရသော အကြီးအကဲဖြစ်သူကို အနှောင့်အယှက်မပေးမိအောင်နေနေကြသည်။
" လကျာ် "
" ဟုတ်ကဲ့ ဥက္ကဋ္ဌ "
ကားမောင်းသူနေရာမှာထိုင်နေသော လက်ထောက်အဟောင်းလည်းဖြစ် လက်ရှိကျားရိုင်းဂိုဏ်းကို အုပ်ချုပ်နေတဲ့သူလည်းဟုတ်သည့် လကျာ်ရှင်က ကားအနောက်ပိုင်းကိုခေါင်းလှည့်ကြည့်ကာ အကြီးအကဲဖြစ်သူကိုအရိုအသေပေးလိုက်သည်။
" အနောက်မှာ နောက်ယောင်ခံလိုက်ပါလာတယ် "
လကျာ်ရှင်မျက်နှာပေါ်မှာ မဖုံးဖိနိုင်တဲ့အံ့သြသွားခြင်းအရိပ်တွေက ဘေးခုံကလက်ထောက်အသစ်ဖြစ်သူနှင့်အတူ သူတို့အကြီးအကဲကိုပြိုင်တူကြည့်မိသည့်အထိပင်။ နားပါးခြင်းကိုအံ့သြခြင်းလား အမြင်အာရုံလျင်ခြင်းကိုအံ့သြတာလားဆိုတော့ တစ်ခုမှမဟုတ်နေချေ။
ထိုအရည်အချင်းတွေကို အထူးတလည်လုပ်ယူပြီးအံ့သြရအောင် သူတို့အကြီးအကဲကိုသိလာတာ တစ်ရက်နှစ်ရက်မှမဟုတ်တော့တာ။ အခုသူတို့နှစ်ယောက်အံ့သြရခြင်းက အနောက်ကနေလိုက်လာတဲ့ကားကြောင့်လို့ဆိုရမလား။ သူတို့အကြီးအကဲ၏ တည်ငြိမ်နေတဲ့အပြုအမူကြောင့်လို့ဆိုရမလား။
" အဲဒါ မမလေးကားပါ ဥက္ကဋ္ဌ "
သတိမထားမိလို့များဖြစ်နေမလားဆိုကာ မနေနိုင်ဘဲပြောပြလိုက်ပေမဲ့ လကျာ်ရှင်ပြန်ရလိုက်သည်က သိနေသည်ဆိုသည့်အရိပ်အယောင်ဖြစ်နေသည်။
" နားလည်ပါပြီ "
ကားပေါ်ကနေလကျာ်ရှင်ချက်ချင်းဆင်းသွားပြီး ခပ်လှမ်းလှမ်းမှာရှိနေတဲ့ကားတစ်စီးဆီလျှောက်သွားတာကို ကားရဲ့ဘေးမှန်ကနေတဆင့်စောင့်ကြည့်နေသူက လင်္ကာသုံပင်ဖြစ်သည်။ လက်နှစ်ဖက်ကိုပြေလျော့လျော့ပိုက်ကာ အညိုရင့်ရောင်ကားပေါ်ကနေဆင်းလာတဲ့ တစုံတစ်ယောက်ကိုလှမ်းကြည့်နေသည့် တဝက်အုပ်မျက်နှာဖုံးအောက်ကမျက်နှာလေးမှာ ခံစားချက်တွေဖြတ်ပြေးနေခဲ့သည်။
လကျာ်ရှင်နှင့်ရပ်စကားပြောနေသော ထိုတစုံတစ်ယောက်က အရင်ကထက်ပိုကြည့်ကောင်းလာပြီး အတော်လေးပိန်သွားတယ်လို့ထင်မိသည်။ မမြင်ရတာကြာသောမျက်နှာကို အကွာအဝေးလှမ်းနေပေမဲ့ ဘေးမှန်ကနေသာငေးကြည့်နေဖြစ်ခဲ့သည်။ လက်ထောက်အသစ်ဖြစ်တဲ့ သွေးပန်းနီကတော့ ပါးနပ်စွာပင်မမြင်သလိုနေပေးလိုက်သည်။
............................................................
လက်မခံနိုင်တဲ့မျက်နှာနှင့်ရပ်နေသော ဟန်နွေနွံကို လကျာ်ရှင်လူမသိအောင်သက်ပြင်းချရင်း အလိမ်အညာစကားတွေထပ်ပြောဖို့ကြိုးစားရသည်။ မဟုတ်တာကိုဟုတ်သည်လို့လိမ်ညာရခြင်းက တစ်ဖက်သူရဲ့ခံစားချက်ကိုမငဲ့ညှာရာရောက်မှန်း သိနေသော်လည်း မျက်နှာလွှဲခဲပစ်ကာလိမ်ရပြန်ဦးမည်ပင်။
" မမလေး "
" အဲဒီကားကိုသေချာအောင်စစ်ခွင့်ပေး ဒါဆိုယုံမယ် "
" မမလေး ခေါင်းမမာပါနဲ့ "
တဇွတ်ထိုးလုပ်တတ်တဲ့ဟန်နွေနွံမဟုတ်တော့ပေမဲ့ ထိုအမျိုးသမီးနှင့်ပတ်သက်လာလျှင် ခေါင်းမာတတ်တဲ့အကျင့်ရှိနေဆဲပေ။
" ဒါဆို ငြွေပာရောင်စံအိမ်ထဲမှာ ဘယ်သူနေတာလဲ "
" မလကျာ်ရှင်လို့လိမ်ညာမလို့လား ဒါမှမဟုတ် လွမ်းဆွတ်ခြင်းနေ့ကျင်းပဖို့လို့ဖြေမှာလား "
" အဲဒါက..... "
ချောင်ပိတ်ဖမ်းတဲ့မေးခွန်းကို လကျာ်ရှင်မဖြေတတ်ဖြစ်သွားသည်။ အကြီးအကဲမနေ့ကမှပြောင်းရွှေ့တာကို ချက်ချင်းသတိထားမိသွားတဲ့မမလေးကို ချီးကျူးရမလား။ အကြီးအကဲအမိန့်နှင့် လိမ်ညာလှည့်ပတ်ဖြေနေရသည့် ကိုယ့်ကိုကိုယ်သနားရမလားမသိချေ။
" မလကျာ် မဖြေနိုင်ရင်..... နွံကိုယ်တိုင်အဖြေရှာမယ် "
လကျာ်ရှင်နံဘေးကနေဖြတ်လျှောက်သွားသော ဟန်နွေနွံတစ်ယောက် အနက်ရောင်ကားရှိရာဆီကို တန်းတန်းမတ်မတ်လျှောက်နေခဲ့သည်။ လှမ်းတားဖို့ပြင်လိုက်ပေမဲ့ တားလို့မမီလိုက်သောလကျာ်ရှင်မှာ အနောက်ကနေအမီလိုက်ပြီး ဟန်နွေနွံထက်အရင် ကားဆီရောက်ဖို့ကြိုးစားရတော့သည်။
" မမလေး "
ခြေလှမ်းတွေခပ်မြန်မြန်လျှောက်ကာ ဟန်နွေနွံ ကားတံခါးကိုဆွဲဖွင့်ဖို့လက်တကမ်းအလိုမှာ လကျာ်ရှင်လက်ကကြားကနေဟန့်တားမီလိုက်သည်။
" မမလေးအပြုအမူကိုဆင်ခြင်ပါ "
လကျာ်ရှင်ထံကမလုံမလဲအပြုအမူတွေကြောင့် ဟန်နွေနွံသဘောကျစွာပြုံးလိုက်ခဲ့သည်။ သူ့စိတ်ထဲကယုံကြည်ချက်တွေမမှားကြောင်း ထိုအမျိုးသမီး၏လူယုံက သက်သေအခါခါထူနေသည်။
" ဘာလို့ မမလေးလို့ခေါ်တာလဲ..... "
မမလေးဆီကမေးခွန်းကိုကြားတော့ လကျာ်အမှန်တကယ်ကြောင်အသွားရသည်။ ဥက္ကဋ္ဌရဲ့မိန်းကလေးမို့ အရင်ကတည်းကခေါ်လာခဲ့တာမဟုတ်လား။
" မလကျာ်..... လက်ရှိမှာခေါင်းဆောင်ဖြစ်တဲ့သူက မရှိတော့တဲ့သူရဲ့ပတ်သက်ခဲ့ဖူးသူကို မမလေးလို့ခေါ်နေတာကလေ "
အနက်ရောင်ကားထဲကသူကိုသေချာကြားစေချင်၍ အထဲကသူမြင်အောင်မျက်နှာချင်းဆိုင်ရပ်ပြီး အကြည့်ခပ်စူးစူးဖြင့်မှန်အနက်ရောင်ကိုကြည့်လိုက်သည်။ ဟန်နွေနွံဘက်ကကြည့်လျှင် အနက်ရောင်ကားတံခါးမှန်ဖြစ်လို့ ဘာကိုမှမမြင်ရဘူးဆိုရင်တောင် ကားထဲကလူကတော့ ဟန်နွေနွံမျက်နှာကိုသေချာမြင်နေရလိမ့်မည်။
" မသင့်တော်ဘူးလို့မထင်ဘူးလား "
ကားအတွင်းထဲမှာတော့ ဟန်နွေနွံမျက်နှာကိုသေချာကြည့်နေသော အကြည့်လှလှလေးရှိနေသည်။ လှပစွာတွန့်ချိုးသွားသောနှုတ်ခမ်းလေးက တဝက်အုပ်မျက်နှာဖုံးနှင့်ဖုံးကွယ်ထားသောမျက်နှာကို အေးစက်ခြင်းတွေလျော့သွားစေလေသည်။ နောက်ကြည့်မှန်ကနေမြင်တွေ့နေရသော သွေးပန်းနီကတော့ မရင်းနှီးသောအပြုံးလှလှကြောင့် အကြီးအကဲဖြစ်သူလင်္ကာသုံကို အံ့သြမှင်သက်စွာကြည့်နေခဲ့ချေသည်။
ဥက္ကဋ္ဌက ဒီလိုလည်းပြုံးတတ်တာလား.....
ထိုအချိန် အပြင်ဘက်မှာဖြေဖို့ခဲယဉ်းနေတဲ့ လကျာ်ရှင်တစ်ယောက် ဟန်နွေနွံ၏ခပ်သာသာတွန်းဖယ်ခြင်းကိုခံလိုက်ရသည်။ ပြီးတော့ ကားမှန်ကိုလာထိတွေ့တဲ့လက်ချောင်းသွယ်သွယ်က ဖွဖွလေးတတောက်တောက်ခေါက်လိုက်သည်။
" မမလေး "
" အထဲကအမျိုးသမီးလေးရေ..... ကျားရိုင်းခေါင်းဆောင်က ဘာမြှပန်မလုပ်ရဲတာ ရှင့်အရှိန်အဝါကြောင့်ဆိုတာသိတယ်နော် "
" မမလေး အထင်မှားနေပြီ "
လက်တစ်ဖက်နဲ့ကားမှန်ရှေ့ဟန့်တားလိုက်သော လကျာ်ရှင်။ ထိုအခြင်းအရာကြောင့် သဘောကျစွာပြုံးလိုက်သော ဟန်နွေနွံကို ကားထဲကလင်္ကာသုံတစ်ယောက် ခပ်ဖျော့ဖျော့ပြုံးပြီးကြည့်နေခဲ့သည်။
" ဟုတ်လား..... ဒါဆို မလကျာ် နွံကိုကိုယ်ထိလက်ရောက်လုပ်လိုက်လေ "
သေတွင်းထဲကိုပို့လိုက်ပါလား မမလေး.....
ဟန်နွေနွံ၏မထိတထိစိန်ခေါ်စကားကိုကြားပြီး လကျာ်ရှင်စိတ်ထဲ မသက်သာစွာညည်းတွားမိလေသည်။ ဘယ်လိုသတ္တိမျိုးနှင့် အကြီးအကဲတစ်ယောက်ရှေ့မှာ သူနှင့်ပတ်သက်သူကိုရိုက်ရဲမှာလဲ။ လေသံတောင်မမာရဲတာကို သေတွင်းထဲပို့ရက်တဲ့စကားကြောင့် ထိုမမလေးကို လကျာ်ရှင်အသက်ရှည်ရှည်နေချင်သေးကြောင်းသိစေချင်လိုက်တာ။
" မင်းက တဇွတ်ထိုးနိုင်တုန်းပါလား "
ချိုမြမြအသံလေးခပ်တိုးတိုးထွက်လာပြီး အခက်တွေ့နေသောလကျာ်ရှင်ကို တစ်ချက်ကြည့်လိုက်သည်။ အတွင်းကနေသာမြင်ရသောအနက်ရောင်မှန်ဖြစ်လို့ အပြင်ကလှုပ်ရှားမှုတွေကိုကောင်းစွာမြင်ရသော်လည်း အပြင်ကသူအဖို့ လင်္ကာသုံအပြုံးကိုမြင်ရမည်မဟုတ်လေ။
အနီးကပ်တာဝန်မကျဖူးသော သွေးပန်းနီအဖို့တော့ ရက်စက်သွေးအေးသောအကြီးအကဲကို မိန်းကလေးတစ်ယောက်ကြောင့် ကောင်းကောင်းပြုံးတတ်ခဲ့မည်လို့ အိပ်မက်ထဲမှာတောင်မထင်ထားမိခဲ့။ မျက်နှာဖုံးတဝက်ကြောင့်သာမဟုတ်လျှင် သူတို့အကြီးအကဲမျက်နှာမှာ အချစ်ပန်းခင်းတွေပွင့်လန်းနေတာကို သေချာများမြင်ရမလားပင်။
" ထားပါတော့ ရှင်ဆိုတာ သေချာသိရရင်တော်ပါပြီ "
" မလကျာ်ကိုအခက်တွေ့အောင်မလုပ်တော့ဘူး..... အဲဒီအမျိုးသမီးကိုသာ နောက်ထပ်မထိခိုက်စေဖို့ပြောပေးပါ "
အမူအရာချက်ချင်းပြောင်းလဲသွားသော ဟန်နွေနွံတစ်ယောက် ကားဘေးကနေလှည့်ထွက်လာခဲ့သည်။ ဘာဆက်လုပ်ရမည်မသိစွာအခက်တွေ့နေသော လကျာ်ရှင်မှာတော့ အခုမှစိတ်သက်သာရာရသလို လေမှုတ်ထုတ်လိုက်သည်။ ကားထဲကအကြည့်လှလှလေးကတော့ တစုံတစ်ယောက်နောက်ကျောကိုလိုက်ကြည့်နေခဲ့ပြီး ယောင်နနလေးပြုံးသွားသည်။
" လကျာ် "
ထို့နောက် ကားမှန်တံခါးကိုတဝက်ချကာ လကျာ်ရှင်နာမည်ကိုခေါ်လိုက်လေသည်။ အတန်ကြာတော့ အနက်ရောင်ကားလေးက ကမ်းနားကနေစံအိမ်သို့ပြန်သည့်လမ်းကို တဖြည်းဖြည်းဦးတည်သွားတော့သည်။ မလှမ်းမကမ်းကကားထဲမှာတော့ ကမ်းနား၏ညရှုခင်းကို အာရုံမဝင်စားနိုင်ဘဲအတွေးတွေပျံ့လွင့်နေတဲ့ ဟန်နွေနွံရှိနေခဲ့သည်။
" ဟန်နီ "
လပေါင်းများစွာသတင်းအစအနလေးပင် မရရှိခဲ့ရာကနေ မျှော်လင့်ချက်သဲ့သဲ့လေးတွေ့လိုက်တာက မည်သို့ပင်ဆိုဆို ထိုအမျိုးသမီးလို့သာ တထစ်ချယုံကြည်ချင်သည်။ နှုတ်ခမ်းဖျားကထွက်လာသောနာမ်စားလေးကို မျက်နှာချင်းဆိုင်ခေါ်ခွင့်ရဖို့ အခွင့်အရေးမရှိတော့ဘူးလို့ထင်ထားခဲ့တာ။
မြွေဟောက်ဂိုဏ်းကဆူးခက်ဟန်လက်ထဲမှာ ထိုအမျိုးသမီးရှိနေတာလား။ သေဆုံးသွားပြီးနောက် အလောင်းပါယူသွားခဲ့တာလား။ လားပေါင်းများစွာနဲ့ ခြေတစ်လှမ်းနောက်ကျခဲ့တဲ့ ကိုယ့်ကိုကိုယ်အပြစ်တင်ရင်း အိပ်မရခဲ့တဲ့ညတာတွေဆက်ခဲ့သည်။ သတင်းလေးတစွန်းတစရလျှင်မသိလိုက်မှာစိုးလို့ မော်နီတာရှေ့မှာမအိပ်ဘဲစောင့်နေခဲ့တဲ့အချိန်တွေမှာ မေးလ်တစ်စောင်ကိုတောင်အလွတ်မခံဘဲထိုင်စောင့်ခဲ့ဖူးသည်။
ရှင်နဲ့လိုက်ဖက်တဲ့သူဖြစ်အောင် လွတ်လပ်တဲ့လူငယ်ဘဝကိုစွန့်လွှတ်ခဲ့တယ် ဒေါ်လင်္ကာသုံ။ လူငယ်တစ်ယောက်ရဲ့အိပ်မက်တွေကို သွေးတွေကျည်ဆန်တွေကြားဖြတ်သန်းဖို့ ရဲရဲဝံ့ဝံ့ရွေးချယ်ခဲ့တာ ရှင်တစ်ယောက်တည်းအတွက်ကြောင့်ပဲ။ စဆုံတွေ့ခဲ့ခြင်းကမကောင်းခဲ့ပေမဲ့ ကလဲ့စားဆိုတဲ့ခေါင်းစဉ်အောက်မှာ ရှင့်ကိုချစ်မိခဲ့တာကိုသိခဲ့ရဲ့လား။ ရှင့်ကိုအထိအခိုက်မခံနိုင်တာ မမရဲ့မျက်ကြည်လွှာကြောင့်မဟုတ်တာကို နားလည်အောင်မရှင်းပြချင်ဘူး။ အမြဲတမ်းပျော့ညံ့တဲ့သူဖြစ်နေရင် ရှင့်ဘက်ကအမြဲကာကွယ်ပေးရမှာမလိုချင်တဲ့အတ္တက ရှင့်ကိုကာကွယ်ချင်စိတ်ကနေထွက်ပေါ်လာတာပါ ဒေါ်လင်္ကာသုံ။ ကျွန်မအမြဲလိုချင်နေတာ လိုအပ်နေတာတွေက ရှင့်ပိုင်ဆိုင်မှုထဲကဖြည့်ဆည်းပေးနေတာမျိုးမဟုတ်ခဲ့ဘူး။ ရှင့်ရဲ့နှလုံးသား ရှင့်ရဲ့အချစ်တွေ ဂရုစိုက်မှုတွေပဲ။
ရှင်အမြဲတမ်းသိတာက ကျွန်မရှင့်ကိုမုန်းတယ်ဆိုတာပဲမဟုတ်လား.....
ဖုန်းထဲမှာသိမ်းထားတဲ့ပုံလေးတစ်ပုံက ဖုန်းရဲ့အဓိကနေရာမှာအမြဲနေရာယူခဲ့တာကို ထိုအမျိုးသမီးသိမှသိရဲ့လားလို့မေးချင်သည်။ လှပသောအမျိုးသမီးတစ်ယောက်က မာနတွေနှင့်သိမ်မွေ့ခြင်းကိုမျှခြေဖြစ်အောင် ဘယ်လိုဘုရားပေးတဲ့အလှမျိုးနှင့်တည်ဆောက်နိုင်ရက်တာလဲ။ မျက်ခုံးလေးတွန့်ချိုးသွားတဲ့အချိန်တောင် လှတယ်လို့ထုတ်ပြောရသည်အထိ ချောမောလှပနေတာလွန်လွန်းပေသည်။
" ရှင်တကယ်ချောတယ် ဒေါ်လင်္ကာသုံ..... "
ဖုန်းမျက်နှာပြင်ပေါ်ကပုံလေးကို လက်မနှင့်ထိတွေ့ပွတ်သပ်ရင်း အောက်နှုတ်ခမ်းကိုကိုက်လိုက်မိသည်။ အဖြူရောင်ကုတ်လေးကိုလွှားထားတဲ့ အနက်ရောင်ရှပ်နှင့်ထိုအမျိုးသမီးပုံလေးက ရိုးရိုးလေးနှင့်ဖက်ရှင်ကျလှပနေတာက လူကိုအတော်လေးရူးစေပေသည်။ သပ်ရပ်စွာစည်းနှောင်ထုံးဖွဲ့ထားတဲ့ ဆံနွယ်လေးကလည်း မျက်နှာအရှေ့မှာလှလှပပကျနေဟန်က ရင်သပ်ရှုမောရစေသည်။
" ရေခဲတုံးလိုအေးစက်တဲ့ရှင့်အသံက သိပ်ချိုလွန်းနေတယ်..... ဟန်နီ "
" ဘယ်အချိန်နားထောင်နားထောင် အရှိန်အဝါတစ်ခုရှိနေတာပဲ "
အမှန်တွေသာဝန်ခံနေသော ထိုစကားတွေကိုသာ အမျိုးသမီးလေးကြားရင် ခပ်လှလှပြုံးပြနေမလား။ အေးစက်စက်အကြည့်နှင့် မသိသလိုလျစ်လျူရှု့နေမလား။ သေချာတာတော့ ဘယ်လိုအနေအထားပုံစံနှင့်မဆို ဟန်နွေနွံနှလုံးသားကို လင်္ကာသုံကိုင်လှုပ်နိုင်နေလိမ့်မည်။ အလှဘုရင်မတစ်ပါးက လူသတ်ခြင်း၌အသားကျသော မအပ်စပ်သောအလုပ်ကိုလုပ်နေမည်ဆိုတာ မည်သူကယုံကြည်နိုင်မည်လဲ။
" ရှင်အမြဲနှင်နေကျစကားသံကိုလွမ်းတယ်..... တစ်ခါတလေ ဂရုတစိုက်ရှိတာလေးကိုလွမ်းတယ် "
အပြုံးအရယ်မရှိတဲ့မျက်နှာလေးက ပုံလေးတစ်ပုံဖြစ်နေတာတောင် ဆွဲဆောင်မှုအားကြီးနေဆဲပေ။ မျက်ဝန်းအိမ်ထဲကစိုစွတ်မှုတွေဟာ မြင်ကွင်းကိုမှုန်ဝါးသွားစေလျှင်တောင် ထိုအမျိုးသမီးမျက်နှာကို နှလုံးသားကရှင်းရှင်းလင်းလင်းမြင်စေသည်။
နေ့ရက်တွေလတွေတိုင်းကို သေးငယ်တဲ့မျှော်လင့်ချက်ကိုဆုပ်ကိုင်ရင်း သတင်းတစလေးရရစုံစမ်းပြီး ချုပ်တည်းထားရတဲ့ခံစားချက်တွေက လွှတ်ချဖို့အချိန်ကျခဲ့ပြီ။ အမုန်းတွေနှင့်ချဉ်းကပ်ခဲ့တဲ့နှလုံးသားကို အချစ်တြွေဖစ်တည်လာအောင် ထိုအမျိုးသမီးလုပ်နိုင်ခဲ့သလို နာကျင်အောင်နှင်ထုတ်ပြီး နောင်တတွေနှင့်ကျန်ခဲ့အောင်လည်းလုပ်နိုင်ခဲ့ပါသည်။ သို့သော် ထိုအမျိုးသမီးကို အရာအားလုံးနှင့်လဲဖို့ထိုက်တန်အောင် စွဲလမ်းရူးသွပ်ခဲ့ရသည်။
" ရှင့်ကိုတကယ်လွမ်းနေပြီ "
........................................................
စံအိမ်အောက်ထပ်၏ဧည့်ခန်းကျယ်တွင် လကျာ်ရှင်နှင့် ရွှေဆူးနှင်းတို့အလုပ်ကိစ္စဆွေးနွေးနေကြသည်။ တစ်ဖက်တွင်တော့ လက်ထောက်အသစ်သွေးပန်းနီကို လင်္ကာသုံတစ်ယောက် ကျောက်စိမ်းတင်ဒါအတွက်ညွန်ကြားနေလေသည်။ ဧည့်ခန်းတွင်ဖွင့်ထားသော တီဗီဖန်သားပြင်မှာတော့ နှစ်ဆယ့်တစ်ယောက်မြောက်သမ္မတအသစ်၏ ချစ်ကြည်ရေးခရီးသတင်းတစ်ပုဒ်လာနေသည်။
" သွေးပန်းနီ "
လင်္ကာသုံနာမည်ခေါ်လိုက်လို့ ခေါင်းမော့လာတဲ့သွေးပန်းနီ၏ညာဘက်လည်တိုင်မှာ ပန်းကနုတ်တက်တူးနှင့် ဘယ်ဘက်ပါးပေါ်တွင်အမာရွတ်တစ်ခုရှိနေသည်။ သွေးပန်းနီဆိုတာ လွန်ခဲ့သောတစ်နှစ်က သွေးဇုန်လိုလက်ရွေးစင်များစွာ လက်လွှတ်လိုက်ရသည့်အခြေအနေမှာ အသက်ပြင်းစွာကျန်ခဲ့သောလက်ရွေးစင်ထဲမှာပါသူပင်။
" အမိန့်ပေးပါ ဥက္ကဋ္ဌ "
" သွားနားတော့ "
" ဟုတ်ကဲ့ "
" မနက်ကျရင်လာမကြိုနဲ့ တင်ဒါခန်းမမှာစောင့်နေ "
" ဟုတ်ကဲ့ "
လင်္ကာသုံပြောပြီးသည်နှင့် အရိုအသေပေးကာထွက်သွားသော သွေးပန်းနီ။ ထိုမြင်ကွင်းကိုလိုက်ကြည့်နေသည်က ကျားရဲခေါင်းဆောင်စင်စစ်ဖြစ်လာသည့် ရွှေဆူးနှင်းပင်။ မြင်ကွင်းတစ်ခုဆိုသည်ထက် တစ်နေရာတည်းမှာသာပိတ်မိနေတဲ့ မြင်ကွင်းဆိုပိုမှန်မည်။
..........................................................
CZYTASZ
စွန့်ပစ်ခံအချစ် ( Anemone ) Z + U
Romansလှပသိမ်မွေ့သောအမျိုးသမီးလုပ်ငန်းရှင် လင်္ကာသုံနှင့် အသက်ဆယ်နှစ်ကွာဟတဲ့ ဆက်ဆံရေးတစ်ခုကိုတည်ဆောက်လိုတဲ့ ဟန်နွေနွံ။ မရိုးရှင်းသောအမျိုးသမီးဖြစ်လင့်ကစား ရဲတင်းစွာပတ်သက်ဖို့ကြိုးစားသည့် နုနယ်ပျိုမျစ်တဲ့ဟန်နွေနွံနှလုံးသားထဲမှာ အချစ်ဆိုတာမရှိဘူး။ မထင်မှတ်...
