အသက်နှစ်ဆယ်သာရှိသေးသောကောင်လေးဟာ ဆေးအရောင်းအဝယ်လုပ်ပြီးသည့်အတွက် ရသင့်သောလုပ်အားခကိုယူကာ အိမ်ပြန်လမ်းကိုတက်ကြွစွာပြန်လာနေလေသည်။ ဖုန်းထဲမှာဝင်ထားသောစာတိုတစ်စောင်ကလည်း ထိုကောင်လေးစိတ်ကိုပိုမိုပျော်ရွှင်စေဟန်တူစွာ အပြန်လမ်းတလျှောက်၌ ဖုန်းတကြည့်ကြည့်နှင့်ဖြစ်နေခဲ့သည်။
* ညီလေး ကိုကိုဒီနေ့ပြန်ရောက်မယ် *
သူ့ရဲ့မွေးနေ့လေးမှာ အစ်ကိုဖြစ်သူပြန်လာမည်ဆိုခြင်းက ထိုလူငယ်လေးကိုအပျော်ဆုံးလူသားဖြစ်စေသည်။ ကျွတ်ကျွတ်အိတ်အကြည်ထဲမှာ ဘီယာငါးဘူးနှင့်အမြည်းတချို့သာပါပေမဲ့ မွေးနေ့ညကိုဖြတ်သန်းဖို့လုံလောက်သည်ဟု သူထင်ပေသည်။ မွေးနေ့ကိတ်တွေမလို ပူပေါင်းတြွေဖင့်အလှမဆင်ထားသော နုံချာချာတိုက်ခန်းတစ်ခန်းကလည်း သူ့အတွက်ပြည့်စုံသည်ထက်ပိုချေသည်။
ရှုးဖိနပ်တစ်ရံကိုခပ်ပေါ့ပေါ့ပင်ချွတ်ကာ တိုက်ခန်းအတွင်းသို့ဝင်လာခဲ့တော့ မှောင်မိုက်ခြင်းတွေကဆီးကြိုနေသည်။ တံခါးကိုအလျင်စလိုပိတ် နံရံကမီးခလုတ်ကိုဖွင့်ကာ ဘီယာနှင့်အမြည်းပါသောကျွတ်ကျွတ်အိတ်ကို တစ်ခုတည်းသောလေးထောင့်စပ်စပ်စားပွဲပုပေါ်ကို ဖြစ်သလိုနေရာချလိုက်သည်။ အလင်းရောင်ခပ်မှိန်မှိန်သာမြင်ရစေတဲ့ တိုက်ခန်းထဲကမီးရောင်တစ်ပွင့်ဟာ သူတို့ညီအစ်ကိုအနာဂတ်လိုပင် ရေးတေးတေးမှိန်ပျပျရှိလှသည်။
* ညီရေ ကိုကိုအလုပ်တစ်ခုပေါ်လာလို့ နောက်ကျလိမ့်မယ် *
ဖုန်းဆီမှစာဝင်လာသံကြောင့် အလျင်အမြန်ယူကြည့်လိုက်တော့ အစ်ကိုဖြစ်သူထံမှစာဖြစ်နေသည်။ မလာနိုင်ကြောင်းဘယ်သောအခါမှမဆိုဘဲ နောက်ကျလိမ့်မည်လို့သာဆိုတတ်တဲ့ သူ့အစ်ကိုရဲ့စာလေးတစ်စောင်ဟာ အရင်နှစ်တွေမှမွေးနေ့တွေလိုမထူးခြားနေခဲ့။
" ကျွန်တော်စောင့်နေမှာပေါ့ ကိုကို "
အန္တရာယ်များနေမည်လောမသိနိုင်၍ သူ့ဘက်ကပြန်စာကိုပြန်မပို့ဖြစ်ခဲ့ချေ။ အိပ်ရာခင်းထားတဲ့နံဘေးက နံရံထောင့်မှာထောင်ထားတဲ့တစ်လက်တည်းသောဂစ်တာအား သူလှမ်းဆွဲကာယူလိုက်ပြီး ဂစ်တာကြိုးကိုသာစညှိနေမိသည်။ ခဏကြာတော့ နားရွက်နောက်မှာညှပ်ထားတဲ့ စီးကရက်ခပ်တိုတိုကိုယူကာ ဂျင်းဘောင်းဘီအိတ်ထဲကမီးခြစ်ကိုယူပြီး တောက်ကနဲမီးညှိလိုက်သည်။
တစ်ဖွာနှစ်ဖွာရှိုက်လျက် လက်ကြားထဲကစီးကရက်တိုကို လေးထောင့်စားပွဲပုအစွန်းမှာတင်ရင်း ဂစ်တာကိုကြိုးပြန်ညှိနေသည်။ တဒင်ဒင်တဒေါင်ဒေါင်ထွက်ပေါ်လာသော ဂစ်တာသံတွေကတော့ တကိုယ်တည်းတိတ်ဆိတ်နေရာတိုက်ခန်းထဲမှာ အချစ်တေးသွားအဖြစ်ထွက်ပေါ်လာတော့သည်။ ပြာကျကာငြိမ်းတော့မည့်စီးကရက်တိုကို ခဏလှမ်းယူကာဖွာရှိုက်ပြီးသည့်နောက် စီးကရက်အားချိုးချေကာမီးငြှိမ်းသတ်လျက် သီချင်းတစ်ပုဒ်အားစသီဆိုခဲ့သည်။
" အပြုံးနဲ့မှေးစက်တော့ ချစ်သူရေ..... ထပ်ပြီးတော့ မဝေးတော့ဘူး ငြိမ်းချမ်းလှပတဲ့ ကိုယ့်အချစ် များစွာယူ..... အလွမ်းများကြောင့် ကျခဲ့တဲ့မျက်ရည်တွေ..... ဒီအချိန်မှာ တိတ်လိုက်တော့..... မျှော်လင့်ခဲ့ရတဲ့ အချစ်ညလေး အတူတူရောက်ရှိခဲ့ပေါ့ ရောက်ရှိခဲ့ပေါ့..... အပြာရောင်အချစ်ည..... မင်းလှမ်းကြည့်လိုက်စမ်း မိုးကောင်းကင်ထက်..... များတဲ့တို့အချစ်များ..... ကြယ်စင်အားလုံးထက် လင်းတဲ့တို့အချစ်များ အပြာရောင်အချစ်ည ကမ် "
ဒေါင်ကနဲအသံထွက်ကာပြတ်တောက်သွားသော ဂစ်တာကြိုးလေးကြောင့် ဆိုလက်စသီချင်းသံတိတ်သွားကာ ကြိုးရှသွားသောလက်အားကြည့်လိုက်မိသည်။ ဟက်ကနဲပြုံးရယ်လိုက်ရင်း အနားမှာရှိတဲ့တီရှပ်အဟောင်းတစ်ထည်နှင့် လက်ချောင်းမှသွေးအားတိတ်စေလိုက်သည်။ ကြိုးပြတ်သွားသောဂစ်တာလေးကိုတော့ မူလရှိရာနံရံထောင့်မှာပြန်ထောင်ထားလိုက်ပြီး စားပွဲပုပေါ်ကကျွတ်ကျွတ်အိတ်ထဲကနေ ဘီယာတစ်ဘူးအားလှမ်းနှိုက်ယူလေသည်။ ဖုန်းဖွင့်ကြည့်လိုက်တော့ အစောပိုင်းမှစာတစ်စောင်ကလွဲလျှင် မည်သည့်စာတစ်စောင်မျှထပ်မဝင်ထားခဲ့ချေ။
...........................................................
ကမ္ဘာပျက်တာကိုမသိသောသူ့အတွက် ဤမနက်ခင်းဟာယုတ်ညံ့စွာ ကမ္ဘာပျက်သည့်သတင်းစကားကိုဆောင်ယူလာခဲ့သည်။ အစ်ကိုဖြစ်သူသဘောတကျချီးကျူးလေ့ရှိသော ဆံပင်ခပ်အုပ်အုပ်ဟာမသေမသပ်ဖြစ်လျက်။ သပ်ရပ်အောင်နေဖို့မှာနေကျအစ်ကိုဖြစ်သူစကားနှင့်သွေဖယ်ကာ ကပိုကရိုပြေးလွှားလာသောသူ့ပုံစံက ကမ္ဘာပျက်ကပ်ဘေးကိုကြုံတွေ့ရသူနှယ်။
ကတ္တရာလမ်းမပေါ်ပြေးလွှားနေတဲ့သူ့ခြေထောက်တစ်စုံက မြေပြင်နှင့်မထိနိုင်သကဲ့သို့ အသက်လုပြီးပြေးလွှားရင်း လူလေးငါးယောက်စုနေသောနေရာဆီအရောက် ခြေလှမ်းတို့ဟာရပ်တန့်သွားရသည်။ မခြောက်တခြောက်သွေးကွက်က အစ်ကိုဖြစ်သူရဲ့အဖြူရောင်ရှပ်အင်္ကျီကော်လံနှင့် ဘယ်ဘက်လည်ပင်းနားမှာချင်းချင်းနီနေခဲ့သည်။
" ညီလေး "
မကြည့်ဖို့တားမြစ်နေသော အလုပ်အတူတွဲလုပ်နေကျအစ်ကိုအား သူတွန်းတိုက်ကာကြည့်မိသည်က သူချစ်ရသောအစ်ကိုဖြစ်သူထံ။
" ဘယ်သူလုပ်တာလဲ ကျွန်တော့်အစ်ကိုကို ဘယ်သူသတ်တာလဲ !!! ညကအကောင်းကြီးပါဗျ ကျွန်တော့်ကိုတောင်စာပို့လိုက်သေးတာ ဘယ်သူလဲ ဘယ်သူလုပ်သွားတာလဲ "
" ငါရှင်းပြလိုက်မယ် မင်းဖယ်နေ "
" ညီလေး ငါတို့တာဝန်တစ်ခုနဲ့ မနေ့ညကပစ်မှတ်တစ်ခုကိုသွားရှင်းတာ ဝေလင်းစာပို့ထားတာသိမှာပေါ့ "
စောစောကအစ်ကိုထက် ဝါရောအသက်ရောပိုကြီးတဲ့အစ်ကိုတစ်ယောက်က သူ့ကိုရှင်းပြနေသည်ကို ကြောင်တောင်တောင်ဖြင့်နားထောင်နေမိသည်။ အရေးပေါ်တာဝန်ကျတာသိပေမဲ့ အဘယ်ကိစ္စဆိုတာ သူမှမသိခဲ့တာမဟုတ်လား။
" ငါတို့ရှင်းရမှာက ပစ်မှတ်အကြီးစားဆိုတာမသိခဲ့ဘူး နောက်ထပ်အကောင်ကြီးကြီးရှိနေတာလည်းမသိလိုက်ဘူး "
" လိုရင်း "
ခပ်အက်အက်ထွက်လာတဲ့သူ့စကားသံကြောင့် ရှင်းပြနေသောစီနီယာအစ်ကိုနှင့် ကျန်သောသူတွေအားလုံးကို ခဏတာကြောင်အမ်းသွားစေသည်။ ငိုရမလား မငိုသင့်သလား ဒွိဟဖြစ်နေသောသူ့မျက်ဝန်းတွေဟာနီရဲလျက် အစ်ကိုဖြစ်သူရုပ်အလောင်းကိုသာ ငိုက်စိုက်ကြည့်နေမိလေသည်။
" လိုရင်းကိုသာပြောပြပါ ဘယ်သူက ကိုကို့ကိုသတ်ခဲ့တာလဲ "
လက်သီးကိုကျစ်ကျစ်ပါအောင်ဆုပ်ရင်း ငိုသံစွက်သောအသံအက်အက်ဖြင့် သူစကားဆိုလိုက်သည်။
" Royalရဲ့ ဒါရိုက်တာချုပ်ဝေသာကီက သတ်ခိုင်းတာထင်တယ် သူ့ဘေးကတပည့်ကိုတွေ့လိုက်တယ် "
" အစ်ကိုတို့ အဲဒီအချိန်ဘာလုပ်နေတာလဲ ? "
မထင်မှတ်သောစကားတစ်ခွန်းဟာ သူ့နားထဲကိုဖြတ်သန်းဝင်ရောက်လာတဲ့အချိန်မှာ မာထန်သောအသံဖြင့်မေးလိုက်ခဲ့သည်။ အမေးခံလိုက်ရသောသူတို့စီနီယာကတော့ ရုတ်တရပ်မို့ ဘာပြန်ပြောရမည်မသိဖြစ်နေသည်။ သာမန်ကြေးစားအဖွဲ့တစ်ဖွဲ့မှအဖွဲ့သားအဖို့ လက်ယဉ်နေသည့်ဂိုဏ်းသားတွေနှင့် ယှဉ်နိုင်မည်တဲ့လား။
" အရာအားလုံးက ရုတ်တရပ်ဖြစ်ပျက်သွားတာလေ ညီလေး အစ်ကိုတို့အားလုံးက သာမန်လူသတ် ပြန်ပေးဆွဲ ဆေးရောင်းတာပဲကျွမ်းကျင်တာ ညီလေးလည်းအသိပဲ "
" ဒါဆို ဘာလို့များ မနိုင်ဝန်ထမ်းကြပြီး လူသွားသတ်တာလဲဗျာ "
ကြေကွဲအက်ရှနေသည့်စကားသံ မငိုဘဲတင်းခံထားသည့်မျက်နှာပေါ်က ဆုံးရှုံးလိုက်ရသောခံစားချက်တွေဟာ တခြားသူတွေကိုကူးစက်ကာနှုတ်ဆိတ်စေခဲ့သည်။ ဟန်မူပိုင်ကုန်သွယ်ရေး၏ ရှယ်ယာဝင်တစ်ယောက်လို့သာသိထားသည့် ငွေပေးခိုင်းစေသူအလုပ်ရှင်တစ်ယောက်ကြောင့် လူတစ်ယောက်၏အသက်ဟာနေဝင်သွားခဲ့ချေပြီ။
ကျွန်တော် ကိုကို့အတွက် လက်စားပြန်ချေပေးမယ်.....
.........................................................
ကားပါကင်ရဲ့အမှောင်ကျကျတစ်နေရာမှာ စိတ်ရှည်စွာသူစောင့်ဆိုင်းနေသည်။ အခွင့်အရေးကောင်းဆိုတာ နှစ်ခါရရန်ခဲယဉ်းသည်မို့ လူသူရှင်းနေသည့်ဤအချိန်မှာ သွေးကြွေးကိုကလဲ့စားချေပြန်ရယူရမည်။ သူ့ဘဝရဲ့တွယ်တာရာကို ဘယ်တော့မြှပန်မမြင်တွေ့ရအောင်လုပ်ခဲ့တဲ့အမျိုးသမီးကို သူရန်ကြွေးကြေအောင်လက်စားချေသင့်သည်။
" ကိုကို့ဝိညာဉ်အေးချမ်းအောင် ကျွန်တော်လုပ်ပေးမယ် ကိုကို "
ခပ်တိုးတိုးစကားတစ်ခွန်းရေရွတ်ပြီး ကားပါကင်ဓာတ်လှေကားထွက်ပေါက်ကနေ သူပုန်းခိုနေတဲ့နေရာဆီကို တန်းတန်းမတ်မတ်လာနေတဲ့အမျိုးသမီးအား အကွယ်ကနေချောင်းကြည့်လိုက်သည်။ လက်ထဲမှာတော့ အသွားထက်မြနေတဲ့ဓားတစ်လက်က အလင်းခပ်မှိန်မှိန်အောက်မှာ လက်ကနဲဖြစ်သွားလေသည်။
ဆေးဝယ်ပို့လဲလှယ်နေကျလူတစ်ယောက်မို့ သူ့ခြေလှမ်းလှုပ်ရှားမှုတွေက လျင်မြန်သွက်လက်လွန်းပါသည်။ လက်ဦးမှုရအောင် ကျကျနနထိုးစိုက်ခွင့်ရတဲ့ဓားချက်က ဝေသာကီဆိုတဲ့အမျိုးသမီးဝမ်းဗိုက်မှာ ခပ်မိုက်မိုက်နေရာယူသွားသည်မဟုတ်လား။ သို့ပေမဲ့ လျှော့တွက်လို့မရတဲ့ပစ်မှတ်အမျိုးသမီးက ဓားဒဏ်ရာကိုမမှုဘဲ သူ့လက်တွေကိုဖမ်းဆွဲလိုက်တဲ့အခါမှာတော့ ကြောက်လန့်တုန်လှုပ်စိတ်တွေဝင်လာခဲ့သည်။
" မမလေး !!! "
ကြောက်စိတ်တွေနှင့်ဓားချက်ကိုထပ်ထိုးသွင်းရင်း ထွက်ပြေးဖို့ရုန်းကန်ကြိုးစားပေမဲ့ လူမဟုတ်သည့်အလား ထိုအမျိုးသမီးဟာ ဓားဒဏ်ရာဖြင့်ပင်အားသန်လွန်းလှသည်။ တဆတ်ဆတ်တုန်နေသောသူ့လက်တွေဟာ ယောကျာ်းသားတစ်ယောက်အနေနှင့် မိန်းမတစ်ယောက်အားကိုမလွန်ဆန်နိုင်အောင် ပျော့ညံ့နေခဲ့သည်ကစိတ်ပျက်စရာကောင်းချေသည်။
" မင်းရောက်လာသားပဲ "
" ငါဒီနေ့လူမသတ်ချင်ဘူး "
အနားရောက်လာတဲ့အမျိုးသမီးနောက်တစ်ယောက်က သူ့နားထင်ကိုသေနတ်နှင့်ချိန်ရွယ်လိုက်ချိန်မှာ ကြောက်စိတ်တို့ပိုမိုကြီးစိုးသွားခဲ့သည်။ ထို့အတူ နားထဲမှာကြားလိုက်သောစကားတစ်ခွန်းကလည်း သူ့ကြောက်စိတ်ကိုလွှမ်းမိုးကာ ခံပြင်းဒေါသတို့ဖြစ်သွားစေသည်။
" မမလေး..... "
" မင်း ငါ့အစ်ကိုကို ဘာလို့သတ်လိုက်တာလဲ ! မင်းနဲ့မပတ်သက်ဘဲနဲ့ "
မိစ္ဆာတစ်ကောင်လိုထိတ်လန့်ဖို့ကောင်းသည့် သူ့အသက်သေနိုင်မည့်နေရာမှာ ထိုမေးခွန်းအားထုတ်မေးမိသည်။ သွေးတစက်စက်ကျနေသလောက် နာကျင်ဟန်မပြတဲ့ဝေသာကီဆိုသော ထိုအမျိုးသမီးကတော့ နားမလည်ချင်ယောင်ဆောင်ကာကြည့်လာသည်။
" ဘာကိုလဲ ! ဒီလောကမှာ သေသင့်တဲ့သူကသေရမှာပဲ ဒါပေမဲ့ ငါ့နဲ့မပတ်သက်ဘဲလည်းမသတ်တတ်ဘူး "
" ရယ်စရာတွေမပြောနဲ့..... လွန်ခဲ့တဲ့တစ်လက မင်းအဖွဲ့ရဲ့လက်ချက်နဲ့သေသွားတဲ့ ငါ့အစ်ကို ! တာဝန်တစ်ခုကိုမပြီးဆုံးဘဲသေသွားရတယ်..... "
အစ်ကိုဖြစ်သူသေဆုံးပုံကိုတွေးမိတိုင်း ဒေါသစိတ်တို့နှင့်အတူ ရင်ထဲ၌နာကျင်ခံစားရသည်။ ကျယ်လောင်စွာထွက်လာသောသူ့အသံဟာ ကားပါကင်အနှံ့ဟိန်းသွားပေမဲ့ ဝေသာကီဆိုသောအမျိုးသမီးကတော့ လှောင်သောအပြုံးဖြင့်ကြည့်နေလေသည်။
" သေသင့်လို့သေတာလေ..... လူတစ်ယောက်အသက်အတွက် လူတစ်ယောက်အသက်ကိုအစားပြန်ယူတာပဲ "
" ငါ့နဲ့မပတ်သက်ဘူးလို့ ဘယ်သူပြောလဲ..... သူမသေရင် သူသတ်ချင်နေတဲ့ငါ့လူရဲ့သေနေ့ဖြစ်သွားမှာကို ဒီတိုင်းလက်ပိုက်ကြည့်နေရအောင်..... ငါ့ကိုအရူးများထင်နေလား "
တဖြည်းဖြည်းတိုးလာသောမျက်နှာ လူမဆန်သောစကားလုံးတွေကြား သူ့အမျက်ဒေါသတို့ဟာ နားထင်နားမှသေနတ်တစ်လက်အောက်မှာ အလုံးစုံမြိုသိပ်ခဲ့ရသည်။ သေရမှာသိပ်ကြောက်သောလူညံ့တစ်ယောက်ဟာ သူ့ရှေ့ကနေ ထိုအမျိုးသမီးနှစ်ယောက်ထွက်သွားတဲ့အထိ ဘာမျြှပန်လည်ခုခံမတုံ့ပြန်နိုင်ခဲ့ပေ။ လက်ထဲမှာပါလာတဲ့ဓားကိုသာ စူးစူးစိုက်စိုက်ကြည့်ရင်း ဒေါသမျက်ရည်တို့လိမ့်ကျစေမိခဲ့သည်။
ကိုကို ကျွန်တော်ကသိပ်ပျော့ညံ့တဲ့လူတစ်ယောက်ပါလား။ ရနေတဲ့အခွင့်အရေးကိုတောင် ကောင်းကောင်းအသုံးမချနိုင်ခဲ့တဲ့လူညံ့တစ်ယောက်ပါ။ လျှံဖြိုးဆိုတဲ့ကောင်က တကယ်အသုံးမကျတဲ့လူသတ္တဝါတစ်ကောင်ပါ ကိုကို။ မိန်းမတစ်ယောက်ကိုတောင် အဖြစ်ရှိအောင်လက်စားမချေနိုင်ခဲ့ဘူး။ ကျွန်တော်လူညံ့တစ်ယောက်ပါ လူညံ့တစ်ယောက်ပါပဲ ကိုကို။
ထိုနေ့ရက်တစ်ရက်မတိုင်ခင်ထိ ကျွန်တော်ဟာလူညံ့တစ်ယောက်အဖြစ်နဲ့ ခင်ဗျားမရှိတော့တဲ့တိုက်ခန်းစုတ်မှာ ဘီယာတွေနဲ့အဖော်ပြုနေခဲ့မိတယ်။ လောကကြီးကနေ ကျွန်တော့်ဆီကိုအခွင့်အရေးတစ်ခုရောက်လာမယ့် နေ့တစ်နေ့မရောက်ခင်ထိပေါ့။ ဘယ်သူဘယ်ဝါမှန်းမသိတဲ့အလုပ်ရှင်တစ်ယောက်က ကျွန်တော့်ဖုန်းကိုဆက်သွယ်လာခဲ့တယ်။ ဓားထက်ပိုမြန်တဲ့အခွင့်အရေးရမယ်ဆို လက်စားချေချင်သလားဆိုတဲ့ ငွေထက်မက်လောက်စေတဲ့အခွင့်အရေးတစ်ခု ကျွန်တော့်ဆီရောက်လာတယ်။ ဒီအခွင့်အရေးအတွက် သေရမှာအလွန်ကြောက်တဲ့ကျွန်တော်က ခင်ဗျားနောက်ကိုလိုက်ဖို့ရဲရင့်တယ်ဆို ယုံမယ်မလား။
" ဟယ်လို "
နောက်ဆုံးနေ့ သေချာအကွက်ချထားတဲ့နောက်ဆုံးနေ့မို့ နောက်ကွယ်မှစေခိုင်းသူအစစ်ဟာ ကျွန်တော့်ဖုန်းကိုခေါ်ဆိုလာခဲ့တယ်။ ကားစတီယာတိုင်ပေါ်က ကျွန်တော့်လက်တစ်ဖက်က ဘယ်လောက်ချွေးပြန်ပြီး အေးစက်နေသလဲသိလား။
" အလွဲအချော်မရှိစေနဲ့ အခွင့်အရေးဆိုတာနှစ်ခါမရဘူး "
" စိတ်ချပါ သူတို့သေမှ ကျွန်တော်သေစေရမယ် "
မိန်းကလေးတစ်ယောက်လို့သာသိထားရသည့် အလုပ်အပ်လာသောသူကို လျှံဖြိုးဆိုတဲ့လူငယ်လေး ဖုန်းပြန်ဖြေကာစက်ပိတ်လိုက်တော့သည်။ မည်သူ့ကိုမျှဖုန်းဖြေဆိုရန်မလိုတော့ပြီမို့ ဘေးခုံပေါ်၌ဖုန်းအားချထားလိုက်ပြီး မင်္ဂလာပွဲအခမ်းအနားပြင်ပ၌ ကားစက်အသင့်နှိုးကာစောင့်ဆိုင်းနေလေသည်။ လူသူရှင်းကာသေချာပြီဆိုတော့မှ သူရဲ့ရန်ကြွေးကိုကလဲ့စားချေရမည်ဖြစ်၍ သူစိတ်ရှည်ရန်လိုအပ်ပေသည်။
တစ်နေ့တာကုန်ဆုံးလာတဲ့ကောင်းကင်ကို သူကားထဲကနေလှမ်းမျှော်ကြည့်မိသည်။ မကြာခင်အချိန်မှာ သူစိတ်ရှည်သည်းခံနေမှုကိုအဆုံးသတ်ပြီး လူနှစ်ယောက်ရဲ့ပျော်ရွှင်ခြင်းကို အဆုံးသတ်ပစ်တော့မည်ဖြစ်သည်။ ညသန်းခေါင်ယံအချိန်ဆိုတာ ကူကယ်ရာမဲ့လူနှစ်ယောက်ကို အကောင်းဆုံးလက်စားချေဇာတ်သိမ်းရမည့် အချိန်ကောင်းတစ်ခုပင်။
မည်သည့်လမ်းကိုပင်ရွေးကာပြန်စေကာမူ ထပ်ကြပ်မကွာလိုက်နေမည့်သေမင်းဟာ ထိုလူနှစ်ယောက်အနားမှာဆိုတာ မေ့လျော့နေကြတာသနားစရာကောင်းလွန်းသည်။ သူ့ရဲ့တွယ်တာရာကို သူ့ဘဝထဲကဆွဲထုတ်သွားတဲ့ ထိုအမျိုးသမီးရဲ့သေဆုံးခြင်းက ထိုအမျိုးသမီးချစ်ရတဲ့သူနှင့်အတူဖြစ်စေတာကပင် သူသက်ညှာလွန်းရာကျနေပြီမဟုတ်လား။
ဝေလင်းကိုဆိုတဲ့ခင်ဗျားနဲ့ လျှံဖြိုးညီဆိုတဲ့ကျွန်တော်တို့နှစ်ယောက်က ညီအစ်ကိုအရင်းတွေထက်ပိုတဲ့ မေတ္တာတွေရှိခဲ့ကြတယ်ဗျ။ ခင်ဗျားရဲ့နှုတ်ခမ်းမွေးတွေပါးသိုင်းမွေးတွေရှည်တိုင်း ကျွန်တော်သန့်ရှင်းခွင့်ရသလို ကျွန်တော့်ကိုဆို အမြဲကာကွယ်ပေးတဲ့ခင်ဗျား။ လူတွေအားလုံးရဲ့အသိမှာ ကျွန်တော်တို့ကညီအစ်ကိုအရင်းလို့ထင်လောက်ပေမဲ့ တကယ်ဆို ဘာမှသွေးမတော်ကြတဲ့လူနှစ်ယောက်ရယ်။ အရိုးရှင်းဆုံးမေတ္တာတွယ်ရင်း ချစ်တယ်လို့မပြောဖြစ်တဲ့ကျွန်တော်တို့ကြားမှာ ညီအစ်ကိုမကချစ်သူမကျတဲ့သံယောဇဉ်တွေချည်ခဲ့မိကြတယ်။ အကြည့်ချင်းဆုံမိတိုင်း ကျွန်တော်ဝန်ခံချင်တဲ့စကားတစ်ခွန်းအမြဲရှိတာ ခင်ဗျားသိလားကိုကို အဲဒါက။
" ခင်ဗျားကို ကျွန်တော်သိပ်ချစ်တယ်ဆိုတာပဲ "
လီဗာအဆုံးထိနင်းထားသောခြေထောက်က စတီယာတိုင်ကိုလွှတ်လိုက်ပြီဖြစ်တဲ့လက်တို့နှင့် ဆန့်ကျင်ဘက်ဖြစ်လို့နေပေသည်။ မျက်နှာချင်းဆိုင်ထိပ်တိုက်ဖြစ်အောင် တခြားလမ်းကနေကားကိုမောင်းလာရသည်မို့ သူအလွန်ပင်ပန်းနေပြီမဟုတ်လား။ အခုတော့ စိတ်လက်ပေါ့ပါးစွာ နင်းထားတဲ့လီဗာကလွဲလျှင် အရာအားလုံးကိုလွှတ်ချလိုက်သင့်ပြီလေ။
ကိုကို့ကိုကျွန်တော်ချစ်တယ်ဗျ မနှင်ထုတ်ဘဲပွေ့ဖက်ထားနိုင်မလား.....
မီးရောင်စူးစူးက ကျွန်တော့်အမြင်အာရုံမှာနောက်ဆုံးမြင်လိုက်ရတဲ့ စိတ်ကျေနပ်မှုတစ်ခုပါပဲ။ နာကျင်စူးအောင့်ကာလွင့်မြောက်သွားတဲ့ခံစားချက် ရှင်ခြင်းသေခြင်းကြားကနာကျင်မှုကို လောင်မြိုက်ခြင်းနဲ့အဆုံးသတ်သွားမှာပါ။ ကျွန်တော်ပြောတာ ဟုတ်တယ်မလား ကိုကို့ဆီရောက်လာဖို့ ဒါကအရင်းအနှီးတစ်ခုပဲလေ။ နောက်ဆုံးမှာ ကျွန်တော်သူရဲဘောမကြောင်ခဲ့ဘူး ကိုကို့အတွက်လက်စားချေနိုင်ခဲ့ပြီ။ ကိုကိုနဲ့ပြန်ဆုံဖို့ကတော့ နောင်တမလွန်လမ်းမှာ ဒါမှမဟုတ် နောက်ဘဝတွေမှာရှာဖို့က ကျွန်တော့်တာဝန်ထားလိုက်။
.........................................................
ŞİMDİ OKUDUĞUN
စွန့်ပစ်ခံအချစ် ( Anemone ) Z + U
Romantizmလှပသိမ်မွေ့သောအမျိုးသမီးလုပ်ငန်းရှင် လင်္ကာသုံနှင့် အသက်ဆယ်နှစ်ကွာဟတဲ့ ဆက်ဆံရေးတစ်ခုကိုတည်ဆောက်လိုတဲ့ ဟန်နွေနွံ။ မရိုးရှင်းသောအမျိုးသမီးဖြစ်လင့်ကစား ရဲတင်းစွာပတ်သက်ဖို့ကြိုးစားသည့် နုနယ်ပျိုမျစ်တဲ့ဟန်နွေနွံနှလုံးသားထဲမှာ အချစ်ဆိုတာမရှိဘူး။ မထင်မှတ်...
