تظلّمَ منّا الحبُّ والحبُّ ظالمُ
فهل بينَ ظلامينَ قاضٍ وحاكمُ
____
« الفـَـندق »
« روز & رعـد »
له ربع ساعة جالس على الكنب ينتظرها ، هو حاس بأن فيها شيء لكن ينفي إحساسه وإنها مستحيل تزعل منه في ليلة زواجهم
طول طريق السيارة كانت متجاهلته حتى الزفة كانت هي مكشرة بشكل واضح للكل وكأنها مجبورة عليه ، هو ما فهم السبب للآن !
قام بعدم تحمّل ودق الباب ثم دخل مباشرة وكأنه بدقّه ينذرها إنه بيدخل
وناظرها قاعدة على السرير وتكلم رودين سبكير !
مشى بغضب وسحب الجوال يقفل المكالمة ، ونطق بغضب: صار لي ساعة أنتظرتس هنا وإنتي تحاكين صديقتس
روز بإستفزاز: والله كيفي ، اكلم الي أكلمه إنت مالك شغل فيني
عقد حواجبه بذهول:وشفيتس إنتي !؟
رفعت أكتافها بتمثيل للتعجّب: وش فيني ؟
إرتفع صوته بغضب:لا تلعبين معي يا روز لا أعصّب عليتس زود
رفعت حواجبها توقف بتحدي:والله ؟ عصّب طيب وش منتظر
رعد بغضب شديد:إقصري الشرّ وإكسري عصبية الرجّال !
روز بسخرية:ما اشوف رجّال عشان إكسر عصبيته ولا إقصر الشرّ عشانه
سحبها من معصمها يشدّه:وش قصدتس ؟
نفضّت يدها بغضب:أقصد إنك مو رجّال وإنك قليل رجولة ومافيك لا حيا ولا غيرة البدوي يلي تتكلم عنها ياهمج
قرّب لها خطوة بغضب لكنها قاطعته بصراخ غاضب:إيه إيه هذا الي فالح فيه إنت العصبية
ماتعرف غيرها أصلاً
رعـد بعصبية:روز ! ركّزي مهو وقت مزحتس تراها ليلة زواجنا ركّزي
رفعت حاجبها تنطق بصوت مرتفع:لايشيخ ! تو تفتكر إنها ليلة زواجنا صح ؟ ويلي المفروض تصير بعد اول لقاء بينا ؟
رفعت أصبعها تدقّ كتفه بغضب:تدري المشكلة مهي فيك المشكلة إني انا فتحت لك الضوء الأخضر وخليتك تتمادى ناسية ديني وأخلاقي ومبادئي ! ناسية ربي يلي يشوفني وناسية إني بنت ناس حتى لو هم تحت التراب مدفونين !!
أكملت بقهر شديد:وش سويت من وقت تقابلنا للآن رعد ؟ أعدد لك ولا تذكر ؟
سكت يناظرها بحيرة وبعدم فهم ، وأكملت هي ترفع يدها تعدد:حضنتني وكلمتني وقعدت معي وتماديت معي كثير وانا ساكتة ! وماقلت شيء أنت ماخفت الله فيني ولا فكرت إني قاعدة اسوي الحرام !!!؟
تقدم خطوة بعقدة حواجب:أنا قلت إني بتزوجتس ماتركتـ..
سكت من صرخت فيه:مـاقـلتها لأخـتك !! ماخليتها تبرر ولا قلت إنه زوجها تزوجها ! ماقلت إن حبها طاهر وعفيف وحب نظيف ماسويت كل هذا ، قلت إنها عار عليكم وإنها عيب تبقى معكم لأنـها أخـتك !
آشارت على نفسها بحرقة تخفي دموعها:عادي عندك تتمادى معي وعادي عندك أجلس مع رجال غريب بس أختك لا ؟ ليه يارعد لييه ؟ عشان ماعندي أهل قلت هاذي ماعندها لا دين ولا أخلاق وتماديت معي ونسيت نفسك ونسيتني معك ! ويوم ردّت على أختك حاسبتها مع إني سويت الأردى منها !
أنت تقرأ
أنتَ البحر وأنا المُبحر بِك والغَريق
Poetry•• "أَنا الغَريقُ فَما خَوفي مِنَ البَلَلِ" حسابي أنستا « xx20_xo » مَرحبًا أو مُـر حُبًا 🤎 ••
