"تَراءْت فَكلِي ناظرٌ لجماِلها
ومَالتْ وكُلي في هَواها مُتيمُ"
"البداية"
4:45 PM
«العــصــر »
نزلت للأسفل وهي تشوفها ترتب الطاولة:ماما
رفعت آنجيل راسها بتفاجئ:متى جيتي إنتي ! مارحتي تدورين على شغل ؟
جلست على الطاولة بكسل ونعاس:رحت ، ولقيت الحمدلله ، لقيت بكوفي الـ*** تعرفينه ؟
هزت آنجيل راسها بالإيجاب: أعرفه قد شفته ، وش وظيفتك هناك ؟
سِوار:باريستا ، أقدّم شاهي
رفعت آنجيل حاجبها بذهول:كوفي قهوة وفيه شاهي ؟ صادقة ولا تستهبلين على راسي
سِوار بإبتسامة واسعة:والله صادقة ، وانا يلي عطيتها الفكرة وإستقبلتها برحَبة صدر ، المديرة مرا كيوت
همهمت آنجيل وهي تحط الاكل على الطاولة بتركيّز ، هاذي أحدى هواياتها ، الطبخ
حَطت سِوار راسها على الطاولة:ترا ماما بانزيني خلص ، ابي سيارتك
آنجيل:والله لو أيش ماعطيتك ، ماني مستغنية عن سيارتي أنا
رفعت راسها بذهول من حلفها:طيب ليه تحلفين ! كنت بحاول
هزت راسها تقطع أملها:لا تحاولين ولا حتى ربع محاولة ، ماراح اعطيك قد عطيتك وشفت النتائج ، مو مستعدة انحكر في البيت أسبوع قدام عشان وجهك
سِوار بتمثيل للحزن:يحزن أمي ماتحبّني
هزت راسها بتأكيد:إييه ما أحبك للأسف ، دوري لك أم تحبّك
سِوار بمزاح:بدوّر لي حبيب يحبّني وياخذني من هالبيت المكتئب
آنجيل:دوّري لي معك بالله أفتك من وجهك
توسعّت إبتسامتها وسحبت صحن بالبشاميل لقدامها:أنا مابجوع سنتين قدام دامك معي
ضحكت آنجيل:باقي تأكليني ومع ذلك كأنك عصى مكنسة عليها ملابس
ناظرتها بصدمة:ماما هذا تنمر !
آنجيل:لاحاشاك ، أكسر راس يلي يتنمر عليك بسم الله عليك
جلست آنجيل وقالت بعد صمت دام لدقائق:جيرانا عازمينا على فكرة ، وبتروحين معي
سِوار بعقدة حواجب:أي جيران ؟ عامرة وسليمان ؟
هزت راسها بالإيجاب وكشرت سِوار:احس ماراح اروح
آنجيل بعدم إهتمام: لا تحسين ، بتجين معي
سِوار بإحباط:مرا وحدة إسمعي رأي طيب ، وين حقوق الإنسان
آنجيل:تبين تبلغين ؟ ، اعطيك رقمهم ياالسلقة يلي تبلغ على امها ؟
سِوار بذهول:ياماما امزح مزح والله
آنجيل:إنطمي ، وكلي أكلك وتجهزي بنروح العشاء
____
« في الڤلة المجاورة »
كان البيت في حالة من الإستنفار ، وريحة العود والبخور المنتشرة في المكان
بينما بالأعلى عدّلت زُهى جوالها وهي تنتظر رد البنات بما إنها إتصلت كام جماعي
وبدأوا يردون بالتدريج وأولهم نوران يلي إبتسمت من شافت لبسها:كل هذا عشان سلاف ؟ يابنات غرت نروح المستشفى ونرجع لجل تكشخ لنا زُهى
زُهى بتكشير:أتكشخ لجدي ولا أتكشخ لك
نوران :طيب جاملي على الاقل ، بروح أقول لاخوي إنك مو زوجة مثالية
زُهى:مين قال إني زوجة أخوك ، لاا اخوك معوض خير انا زوجي جاهز وكامل والكامل الله
أردفت ليان:إييه عاد نوران حدك على زوجة الهايل ترا ما ارضى ، لو سمعك تخطبينها والله لا يأكلك تبن بيدينه
ضحكت العهد:أحس لايق يابنات ، الهايل وزُهى !
نوران بسخرية:ماعليه تزوجي مناف ونفتح للهايل هيلة يارمانة ويرضى ، تراه بزر
رفعت زُهى حاجبها:إنتي البزر ياتبن
الجادل بإنزعاج:اص انتي وياها ، لا تتهاوشون بهالعصر تكفون
زُهى بتذّكر: بنات قد قلت لكم عن جارتنا الفرنسية ؟
الجادل بذهول:أما عندكم جارة فرنسية ، هاتيها بخطبها لهتان أكيد إنها صاروخ
العهد :فكينا منك إنتي ، كملي يازهى
زُهى :عزمتهم للمعلومية ، هي وبنتها
غصون: حركات عندها بنت ، كم عمرها
زُهى :20 ، قدنا يعني
عقدت حواجبها بتفكير:بس لو تشوفون الأم تقولون مستحيل هاذي عندها بنت ، والله واضح صغيرة مرا
ليان:عادي يمكن تزوجت وهي صغيرة وش دراك بظروفها
زُهى:وتشبهها كثير يعني مافي مجال للإنكار
العهد:يمكن مو بنتها بنت زوجها وطلعت تشبهها
زُهى بسخرية:وين زوجها ياحلوة ؟ ساكنين لحالهم
غصون:جاني فضول اشوفها وأعرفها
أنت تقرأ
أنتَ البحر وأنا المُبحر بِك والغَريق
Poetry•• "أَنا الغَريقُ فَما خَوفي مِنَ البَلَلِ" حسابي أنستا « xx20_xo » مَرحبًا أو مُـر حُبًا 🤎 ••
