فلا في وَصِلهم لاقيتُ سعَـداً
ولا في هجَرهِم ذَهبَ المُصابُ
___
« العِـشاء ، بـيت قمـراء »
دخلت قمراء الملحق بهدوء
وجلست أمام ميسلان يلي تطقطق على جوالها بتجاهل ، حتى مارفعت عينها تشوف مين يلي دخل
قمراء بإبتسامة خفيفة:ميسل
عدّلت كلمتها بجمود:ميسلان ، إسمي ميسلان
قمراء بأسى: لهدرجة !
ماردت عليها واستمرت تناظر لجوالها ، وميّلته بالعرض يبيّن إنها تشوف مسلسل ، ولحظات وصدح صوت المسلسل بالملحق الهادئ
فجأة ضُرب الباب على الجدار يدخلون جميعهم ، حاملين القهوه والحلى ، وفرشة يفرشونها بالوسط لجل يجلسون على الارض
حطت ملاذ الدلّة بالوسط وجلست بجانب رعد يلي جلس اول واحد:أنت ماتصبر ! شفيك
رعد:وش عليتس إنتي ؟
ناظرت سِوار لميسلان نظرة خاطفة ، وتوتّرت من لمحَت بوجهها الغضب البسيط
ودقّت الوليد بيدها تهمس:الي سويينه غلط !
هز راسه بالنفي وإكتفى ، وجلسوا جميعهم على الفرشة يتوسطهم زيد
ووقفت الجازي من بينهم تتوجه لميسلان ، وسحبتها من يدها توقفها:يلا تعالي تقهوي معـ..
شهقت بخفيف من دفتها ، وصرخت ميسلان بغضب:وخّـري عنـي !
وقف الوليد وأبعد الجازي عن ميسلان
وناظر ميسلان بهدوء:وشفيتس ؟
رجعت تجلس بملامح غاضبة ، وجلست الجازي على الفرشة بإبتسامة بسيطة
تنهد ناصر بنّدم على ما سواه ، لكن مايفيده حاليًا شيء
____
رفعوا أنظارهم لسعود يلي دخل ، وإبتسم عزام بترحيب:هذا هو سعدية جا
رفع سعود يده لعِقاله بغضب:والله أن ماتسكت لا امحطك بذا
وإلتفت للجادل:إمسكي زوجك
رفعت حواجبها بمكر تهمس:سوسو !
إعتلت ضحكاتهم بعدم قدرة على كبحها ، وهز سعود رأسه بأسف:زوجوه يعقل اجل ! هذا وش ؟
تركي بضحكة:الجادل عمك ذا !
رفعت أكتافها ببراءة:هو قال إمسكي زوجك طيب
هتان بتمثيل للعصبية:ابك عزام ذا ابوك
عزام بعدم مُبالاة:وخّر يالخوي مابقي الا أنت تنصحني
هتان بمحارشة:عمي تدري ذا البزر ماجا اليوم
شِدّان بضحكة:وعمي تدري ان ذي البزرة ماداومت اليوم
عقدت الجادل حواجبها ، ونطقت بالبناني: آه وإنتي شو دخلك ؟
شِدّان:شو شو دخلك ؟
سعود بإنزعاج:كود ياتركي إننا ماسوينا خير ، ابك أنتم وش بكم ! ، وأنت تعال ورا ماداومت اليوم ؟
عزام:ابوي قد عمرك شفت عريس يداوم ؟
سعود بسخرية:إيه والتبن أنت ووجهك
عزام بتمثيل للزعل:ابوي تدري زعلتني
سعود وهو يرتشف من فنجانه بعدم مُبالاة: انفجر من زعلك شعلي منك انا
هز راسه بأسى:هذا وانا ولدك ياسوسو يرضيك ؟
شهق بضحكة من جته ضربه من إسحاق يلي
خلفه: سوسو أجل ياقلييل الحيا
هتان:ياعم اضرب الجادل معه تراها هي من قالت اول
فزّ من مكانه:لا عاد إلا حَرم عزام لاحد يمسّها ، انا فداكم لكن زوجتي لا
دقّت الجادل هتان:تعللم
هز تركي راسه بأسف:اهخ بس ، والله والمشكله حنا يلي جامعينكم كيف نرجع نفرقكم ، تووك يابنتي ماقفلتي معه يوم امداه يسيطر على عقلك
إسحاق:خلكم من ذا الحين ، انتم وين بتسافرون
هتان بحسره:وين ياحظي وتونا على مشارف الاختبارات النهائيه ، لين تخلص ثم نشوف
تركي: قايل لكم اصبروا ، وقت زواجكم غلط
سعود:ماعليه يبو هتان خلهم براحتهم
أنت تقرأ
أنتَ البحر وأنا المُبحر بِك والغَريق
Poetry•• "أَنا الغَريقُ فَما خَوفي مِنَ البَلَلِ" حسابي أنستا « xx20_xo » مَرحبًا أو مُـر حُبًا 🤎 ••
