⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 52____
سيمو كان ورا وليد بحكم ان دراعو مزال ماكيقدرش يحركها .. الشي لي خلاه يضطر يخلي وليد يوصلو .. بيديه الثانية كان هاز الكاسك ديالها فور مالمحها بدا كيشير ليها بيه
ابتسامة خافتة زينات ملامحها المتعبة منين لمحاتو لور .. ولكن متدامتش مدة طويلة بحكم الباندا باش جامع دراعو .. الشعور بالخوف عليه تضاعف اكثر فداخلها وخلاها توقف جامدة فنص الطريق مامنتابهاش لاتجاه لموطور بناحيتها حتى وقف وليد الموطور عند حافة رجليها ..
علق سيمو الكاسك فالكيدون بسرعة و نقز فالحين مبتاسم وحل ليها يديه الصحيحة مقرب منها وهي عينيها على يدو الثانية كتسنى تفسير حتى نطق مفيقها من سهوتها
سيمو: شنو زعما ما توحشتينيش ؟
رمشات فيه بثقالة لمدة ثواني ، طلعات يديها حيدات الكيت لي كانو حادرين و قدرات تسمعو ..
حركات راسها بالايجاب ببطئ كتستجمع قواها قدامو ونطقات بصوت خافت مرتبك
جهينة: ءء! اه توحشتك .. و ولكن مالك ؟ .. زعما يديك مالها ؟
قهقة خافتة مبحوحة تسمعات من طرف سيمو لي بلاما يرد قرب منها خاشيها فحضنو .. زير عليها وحط راسو فوق راسها كيحاول يوصل ليها القليل من الشعور بالآمان لي حاس بيها فاقداه .. معنقها بقوة لسبب وحشو ليها ولسبب أنه باغي يحسسها بوجودو الدائم ليها
سيمو: تخرجي احبيبتي ونهضرو دابا خاصك تكوني تما بكري
بدون اهتمام لهضرتو ضورات يديها على ضهرو مخشية فيه وهزات راسها ناحيتو .. عيونها لامعين بحنين لشوفة سودوايتيه والغوض فتفاصيلهم المعبرة ..
سيمو اكتفى بالابتسام خاصة لنظراتها لي من خلالهم قادر يقرا تساؤلاتها وخوفها الكبير عليه
جهينة(باهتمام واضح): ياك ماكضركش يدك بعدا ؟
حرك سيمو راسو بالسلب وهي بعدات عليه كتحيد القب من راسها حاضياه بنظرات قلقة ..
سيمو ضار خدا من وليد السوارت بزز و صْدْرو من حداهم عاد ضار عند جهينة لي مصمرة فبلاصتها وفغفلة منها رما ليها السوارت دالمرطور ..شداتهم بسرعة وشافت فيه بتساؤل
سيمو: اليوم نتي لي غاتسوكي نيت يطلع ليك المورال وماتبقايش مغبنة عليا تما بحالا غادا تعطيهم من كبدتك
تشققات على ثغرها ابتسامة واسعة وقربات بسرعة منو ، تعلات على اطراف صباعها حتى وصلات ليه وباستو جنب شفتو بسرعة وبعدات جاراه من يدو لموطور
حرك سيمو راسو بلاحولة وتبعها مبتاسم ببهجة مشتاق لأجوائهم خاصة وأنه اشتاق ليها و محتاجها جنبو ففترة بحال هادي لي مورالو فيها تحت الحضيض .. شدها من خصرها معاونها تركب و طلع موراها ومد يديه الكاسك هزو و مدو ليها باش ديرو
جهينة ( والكاسك فيديها كتقادو) : عرفتي ملي خرجت من الدار ومالقيتش صافي قلت هدا نساني بقا ليا شوية ونبكي
سيمو(ميل راسو و طبع على عنقها قبلة دافئة): نسا راسي ومانساكش احبيبتي
طبطب على كتفها وتقاد وراها شاد معاها الكيدون بيدو الصحيحة محاول ينقص عليها تقل الموطور ويوازنو بينما هي كسيرات فطريقها لليسي بحماس وفرحة غامراها على غير كيفاش خرجات من دارهم
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
