⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 61____
بعد ساعات قليلة بدات كيتحلو عينيها ببطئ.. جسدها فاااشل عليها بزز باش حركات يديها كتسند عليهم وتكعد كتشوف مع الارجاء عاقدة حواجبها بإستغراب..
بقات كضور بؤبؤ عينيها حتى طاحو عليه جالس فنفس الحالة رجليه كيزعزعهم بالزربة واضح انه مسطريسي ومنزل راسو الارض ماقادرش يشوف فيها وهي فديك الحالة .. ولي زاد قاهرو انها بسببو!
رمشات جهينة باستغراب لتواجدها معاه فنفس الغرفة ، و مادازش كثر من ثواني حتى بداو فلاشات من لقطات كثيرة كيدوزو قدام عينيها بسرعة كبيرة خلاوها ترجع تحس بألم قوي فالحهة الخلفية فراسها..
شهقات شهقة قووية وناضت قافزة بالخوف فور مابدات كتسترجع الأحداث لي خلاوها طيح مغشى عليها قبل ساعات، قلبها رجع كيضرب بوتيرة سرييعة وكلها كترعش بالخوف الدموع دغيا تحجرو فعينيها وبدات كتقلب فحوايجها بهيستيرية وتبكي بالجهد من خوفها وقلقها الكبير لي رجع استحود على مشاعرها
سيمو هز راسو فور ما سمع الحس ووقف بتلفة كيشوف فيها مخلوع عليها ..تنهد بضيق و زاد مقرب منها بحدر و علامات الندم بادية على وجهو
سيمو: مادرت لك والو غير رتاحي !! تهدني خلينا نهضرو
رجعات بلور مغطية صدرها بيديها كتحرك راسها بالسلب بالزربة وكتشوف فيه بعيون مملوئين بالخوف والدموع لي دغيا تحجرو فيهم مخليين نظرة سيمو تلين ويزيد ندم فةق ندم لي خلاها توصل لهاد المرحلة
جهينة: بعدد بب..عد مني ماتقربش خليني نمشي بحالي
حرك راسو بالايجاب ووقف مبعد عليها كيف طلبات منو: غانخليك تمشي غير تكالماي .. ماتخرجيش بحال هاكا
بدات كترجع بلور تاوصلات لحافة دالسرير ووقفات كتشوف جهة الباب لي وراه وترجع تشوف فيه بهلع
جهينة: ماغانقولها لتاحد غير خليني غانمشي نيشان لدار مانعاودش نتلاقا مع شي واحد والله عفاك نبووس ليك يديك ماخليني نمشي مانعاودش نجي قدامك
لين ملامحو باسف على لحالها …قرب منها بحدر و حط ركبتو على طرف السرير كيشوف فعينيها مباشرة محاول يوصل ليها صدق مشاعرو المتلخبطة لي كلهم ندم واسف
سيمو: ماغانقيصكش غير اجي نهضرو
حركات راسها بالسلب ولسقات فالحيط كتشوف جهة الباب باغا غير تخرج وتهرب من قدامو
جهينة: لاا لا مابغيتش.. من بعد ونهضرو بغيت نمشي دابا
دوز يديه على وجهو لنفاد صبر و نطق بنبرة حادة مخليها تجمد فبلاصتها مصرفة خوفها و قلة حيلتها كلهم بكا
سيمو: جلسي نهضرو هي جلسي نهضرو و راه لباب محلول ماغايحبسك حد منين تكوني خارجة
جهينة:(بصوت باكي) واخا .. هضر من تما
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
