⛓️🏹الـــمـــنـــــتـــقــــم 🏹⛓️

____الجزء 48____

⛓️🏹الـــمـــنـــــتـــقــــم 🏹⛓️

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 48____

سيمو: ماغاندخلش فهادشي انا سبقت وشرحت ليك بلي ماباغيش نزيد نغرق راسي فطريق الحنش

مع كمل جملتو تحل احد الابواب من طموبيل كان جنبهم  ونزل رجل ببنية جسمانية ضخمة .. اسمر اللون وبنفس التحسينة مصلع راسو ..بيديه كان هاز السلاح مع شافو الرجل الاول هز لي يديه بحركة خلاتو ينزل يديه ولكن مارجعش لبلاصتو ..
سيمو ضار براسو شاف فيه و تبسم بسخرية للوضع .. عارف راسو فنقطة ضعف ولكن عارف بلي اذا وافق غايزيدو يلويو ليه يديه لذلك كيخاول ؤفكر بعقلو وياخد قرار لي يقدر يخرج بيه راسو بأقل الاضرار

سيمو: عندي لينا حل زوين (الرجل رجع شاف فيه وحرك ليه راسو بالهداوة) نتا باغي الديبو وكتقول بلي الاتفاق تبدل حيت تعطلت الخدمة لي بيناتنا .. خودو وقضي غاراضك وخليني خدام على راسي بعيد رجالك تباركلاه حسن مني و نزوقا كتر مني انا مانصلاحش لهادشي

تسمعات ضحكة قاصحة .. قهقهة ثقيلة و عامرة سخرية .. ضور راسو كيحك فصلعتو ضاحك ورجع شاف فسيمو باقي ماقادرش يحبس ضحكتو

- ديما كيقولو بلي الحنش كيولد غير ما طول منو و أول مرة نشوفها على ارض الواقع .. باك كان مكلخ وخلاني شادو من يدو لي ضاراه ولكن نتا… (سكت لثواني وتبسم باعجاب)  نزق وحااضي صواريك .. باغي نتافقو وتخرج كي الشعرة من العجينة (حرك ليه سيمو راسو بالايجاب ) واخاا غاعطيني الديبو لي برا المدينة والكراج لي فالسونطر فين حصل باك مخبي السلعة ونمرتي عندك لا جابتها الوقت وبغيتي ترجع بلاصتك حدايا موجودة اولد الحنش

تنهد سيمو كيرمش فيه بعياء وحرك راسو بهدوء موافق على طلبو واخا طلب منو اهم موقع ولي كان كيحس بطعم النصر كلما دخل ليه ولكن فسبيل سلامة حبيبتو والناس لي قراب ليه هو مستعد  ولو يضحي بكل ما كيملك ويعاود من جديد ..

سيمو: متافقين

_ نهار نكون مسالي غانتاصل بيك

شاف فيه سيمو شوفة اخيرة وضار عاطيهم بضهرو تنهد براحة لي حل المشكل بسهولة وزاد راجع بحالو كيجر فرجليه فاتجاه موطورو ..

و فديك لحظة الهدوء لي عطا فيها سيمو ضهرو للعدو .. فدوك الثواني  القلال لي كان حس فيهم بالراحة من اتفاقهم .. تسمع صوت الزناد تحرك وقبل اي ردة فعل من طرف سيمو تسمعات طلقة رصاص مجهدا موراها مباشرة صوت غوتة عااالية ترددات بين شجر الغابة على بُعد مسافاات ..