⛓️🏹الـــمـــنـــــتـــقــــم 🏹⛓️

____الجزء 46____

⛓️🏹الـــمـــنـــــتـــقــــم 🏹⛓️

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 46____

فطريق مظلمة ..لا طائر  يطير .. وسائر يسير .. طريق مهجور فجنابو شجر فقط .. غابة من على اليمين والشمال .. كاشفة عليه گمرة الليل لي مرة مرة تتخبى تحت الغيم .. الجو ماصافيش فالسما كيما فالارض .. مع تقلبات البشر كتقلب السما ..

سكون مرعب مرافقو صوت حركة الاغصان .. صوت البوم المريب والجراد المتنقل لي جاي من اعماق الغابة .. أصوات طبيعية من الطبيعة

فجأة ! تكسرات كاع دوك الاصوات وجا صوت قوي ..دخيل على أصوات الطبيعة .. و مخيف أكثر منها .. كلما زاد قرب كيزيد يقوا .. ممكن محرك موطور او محرك عدة سيارات .. الصوت كان أقوى من موطور !! الريح لي كان محرك الشجر زاد تحرك بقوة بفضل السرعة باش كان داك الحشد من السيارات الفخمة بلونهم الفحمي .. ومن الناحية الثانية نفس الشي الورق اليابس لي على الأرض كان كيتسحق بقوة تحت عجلة الموطور ديالو .. كان كيتحرك فوقو بكل خفة من زاوية لأخرى ويتمايل .. مقابل مع أول سيارة قاصداه ولي كانت من نوع مختلف على لي وراها .. ميرسديس لامعة عليهم ومميزة .. لي سايقها كان واضح شخص فاقد عقلو حيت كان كيسوق وقاصد طريق الموطور .. الحدة  فالاتجات باش كانو قاصدين بعض كتخليك تخايل نهاية كل واحد فيهم غايخرج بأضرار ..

المسافة كل ما زادو فالسرعة كتقل .. يدين سيمو لي مغلفين بالليكات الخاصين بالموطور كانو غير ماكيزيدو يزيرو على الكيدون ويزيد يكسيري اكثر وأكثر .. كيما رجل صاحب الميرسديس كتزيد تضغط أكثر وأكثر حتى مابقا كيفصلهم غير بعض مترات قلال .. وعلى عكس كااع التوقعات تسمع فراان قوي .. روايض تحكو مع الارض ومن بعد الميرسديس وقفو ثلاث سيارات رباعية الدفع ضايرين بالميرسيديس والموطور ..

الميرسيديس كانت فرانات على بعد سنتمترات من الموطور لي كان  وقف بالعكس بحكم اللفة لي لف عند الالتقاء لي كان قريب بطريقة خيالية .. سيمو مايل بالموطور و حاط رجل فالارض مكليه بيها وراسو ضاير كيشوف ويعبر بعينيه شحال من واحد جاي يتواجه معاه هاد الليلة وهو بوحدو .. قلب عينيه بحركة سريعة ناحية الغابة مضيقهم لثواني كيفكر و رجع نزل راسو فك السماطي دالكاسك حيدو معلقو فالكيدون ونزل من الموطور بكل هدوء وثقالة .. خشا يديه فجياب سروال السيرفيت ووقف كيشوف فالزاج الامامي دالميرسيدس و بالضبط فالشخص لي كان سايقها .. شوفات عادية وفنفس الوقت حادة رغم ان ملامحو جامدة ماعليهم حتى تعبير .. وبنفس الملامح بقا و مالو شفاهو بابتسامة جانبية صغيرة ..