⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣____الجزء 49____
موراها مباشرة تحركو كل السيارات فالاتجاه المعاكس مخلين وراهم سيمو مرمي فالارض على كرشو كيتألم .. وضاية مز الد-م كتحيط بيه !..
و بمجرد ماغبرو الطموبيلات تسمع صوت هرس الاغصان تحت صباط قاصح .. خطوات سرااع ونفس مضطرب بالخوف .. كان نفسو الدري لي عاونو فانتقامو .. عشيرو من طفولتو او بمعنى اخر خوه ماشي من لحمو ودمو ولكن خوه فالمواقف فالعشرة وبالوفاء ..
كان وصل قبل منو للمكان تحت اتفاق بينو و بين سيمو باش يعاونو فالوقت المناسب اذا تطلب الامر بدون مايعرض حياتو للخطر حيت عندو ناس محتاجين يعرفو شنو طرا ليه وهو الوسيلة الوحيدة باش يعرفو
تحنى على ركبتو كيتفحص مكان الضربة لي كانت جاتو فالكتف ..
صوت آنين تألم سيمو الخافت كان مسموع ليه بحكم انه باقي فوعيو إلا انه كان كينزف بطريقة مرييعة .. وحتى المخد/رات لي تعاطاهم سسبو ليه فالدوخة والفشل ..
الدري بلاما يتردد شد فاطراف التيشورت ديالو نترو بالزربة مامسوقش للبرد لي محرك فالمكان بقوة .. قطعو على لحمو عاد بدا يحزمو على كتف سيمو .. كيقاد ليه و يهضر بصوت متقطع بسبب تنفسو الضعيف لي كان حابسو طول الوقت و مخبي ورا الشجر حاضي صاحبو حيت عارف ضربة الغدر غاتجيه منهم .. كيفاش غايثيق يخليه ليهم و هو لولا وجود سيمو فحياتو كان غايغرق فأعمالهم الوسخة
_ صبر اعشيري غانهزك فالموطور الطموبيل بقات لور بعيدة ماغاتصبرش
سيمو (بصوت خافت وثقيل بالدوخة لي بدات كتفقدو وعيو): وو وليد .. صوني على منير ماتدينيش لطبيب ماخصنا صداع
وليد: عارف لي كاين غير تهنى وماتسخفش ليا
شدو وليد من دراعو السليمة ووقفو بالشوية مسندو عليه جارو جهة الموطور ركبو وركب قدامو بسرعة مكاليه وديمارا بسرعة قليلة حيت عارفو فأي لحظة ممكن يغيب عن وعيو ويطيح ليه ..
صوت الموطور هاد المرة كان ناقص على كيفاش كان جاي بيه سيمو قبل دقائق .. الاحاسيس باش جا بقاو نفسهم ولكن طفاو .. الخوف باقي ولكن طفا .. الغضب تاهو ولكن طافي .. كلشي طافي حتى من مشاعرو بداو كيطفاو شيئا فشيئًا كيتجرد من نفسو لي عانات كتر ما فرحات ورتاحت وهادشي كامل بسبب انتقامو ..
![](https://img.wattpad.com/cover/374255270-288-k531638.jpg)
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...