⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 55____
فاليوم الثالث بعد 3 ايام دوزاتهم كلهم بعياهم بضحكهم ببكاهم وبكلشي فيهم دوزهم هو معاها.. احاسيسها تجاهو كيتزادو كل نهار حيت ماكانش حاجة عادية كدوزها معاه كانت فترة قاسحة عليها احتاجت فيها ناس كيبغيوها يعطيوها طاقة ويشجعوها ولقاتهم كلهم فيه..
بنفس الإبتسامة المشرقة رغم انطفاء ملامحها كتخرج من كل مادة وابتسامتها فداك الحين بعد آخر مادة كانت أكتر سعادة ، فجنبها الولد لي كان فالطاولة لي موراها كتهضر معاه منساحمين خاصة بعدما تعاونو فالوقت لي حصلات هي فيه فمادة العلوم بما أنها المادة لي كتكره جهينة وماكتقدرش على فهمها .. وبعدما عاونها شكلو فدوك اللحظات صداقة لطيفة، كانت كتعاود ليه على الحصلة لي كانت غاتحصل وهي فيديها الورقة ديالو ديال الوسخ وجها حمر بالضحك مزال ماتخطات كيفاش قدرات تخدع المراقبين وتنقل رغم انها أكبر خوافة فهاد المواقف ..
جهينة: نااري ماقادراش نسا كيفاش دوزتها عليه الكدوب خرجو ليا بوحدهم بلاما نوجد ليهم
فالطرف الثاني وماشي بعيد عليهم .. كان واقف كيف عادتو فمكانو كيتسناها قاطب حجبانو بتخنزيرة حادة و عينيه كيقلبو عليها بين الوجوه …
فور ماطاحو عينيها عليها تبسم كيطلعها وينزلها باعجاب .. طلتها كانت مزيج بين البرائة بكسوة حد ركابيها غوز وتجاكيط كحلة كبيرة عليها ديالو هو عطاها ليها الصباح من البرد ..
مادامش ثواني على ابتسامتو وعلى المشاعر لي خلا فيه ظهورها حتى اختفاو دوك الملامح تحت تخنزيرتو لي تكونات وهو كيشوف و فيها كيفاش كاضحك ولمن ؟؟ كيشوف فيها مخلية دري لي حداها يحط يديه على كتافها جارها معاه ..
ملامحو زادو تجمعو و تخنزيرتو زادت حدة… حس بد/مو كيغلي وكيسري مع عروقو محدث ثورة فداخلو ماقادرش يسيطر عليها ومتأكد بلي غايضر الولد لي معاها وهي معاه اذا قصدها فهاد الوقت
وبحكم انه كان تقريبا استرجع عافيتو وبعنادو رجع يسوق الموطور مرة بيد وحدة ومرة يتعاند ويحرك يدو الثانية ضارب عرض الحائط بالتوصيات الطبية لي كان صاحبو منير كيعطيهم ليه كلما جا يبدل ليه الفاصمة .. بلا مايفكر جوج مرات ركب على موطورو و كسيرا فاقصى سرعة بعدما رحع كيحاول يخففها مبعد عليها قبل مايتزاد غضبو و يصدق مرتاكب جريمة فحقهم بجوج
عند جهينة ولي انتبهت لطول مدة الحوار بينها وبين صحابها بعدما مشا الولد لي كان معاها .. تجمعو عليها بنات وولاد قسمها ولي كتعرف كيتوادعو فأخر يوم ليهم .. خلاتهم مواصلين احاديتهم و زادت لجهة لي مولف كيتسناها فيها عاقدة حواجبها بإستغراب لي ماكاينش جبدات تليفونها كتصوني عليه وزادت مع الطريق منين عارفاه كيجي ما ربما تلاقا معاه عند بالها بلي فقط تعطل عليها جاهلة القنبلة لي صنعات فلحظات غفلة منها
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
