⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 56____
تنهدات جهينة فاش ماجاهاش الرد على اتصالاتها ورسائلها ..
كملات طريقها بهدوء حتى دخلات الحومة وبان ليها موطورو مركون قدام دارو، عضات على شفايفها كضور عينيها على الارجاء وزادت قربات بسرعة كدق فالباب وبين يديها التليفون كتكتب ليه مسج باش ينزل عندها دغيا
بعد دقائق قليلة تحل لباب و بان سيمو لي كان فحالة كتوصف مدى عصبيتو .. كان محيد التيشورت كتبان الفاصمة لي فكتفو…
فور ما شافها عض على باطن حنكو بقوة كيتدكر المشهد لي حضر ليه قبل دقائق قليلة ولي خلا كرامتو تدعس فالارض … زير على لبواني دلباب بقوة حتا حمارت يديه وتطراساو عروقها اكثر .. بنبرة جافة عكس نار الغيرة لي شاعلة فيه نطق مخاطبها بكل برود
سيمو: نعام؟!
بعدات عينيها من على كتفو بحكم انها لأول مرة تكوف الفاصمة وتقدر تحدد حجم الجرح لي ماعندها عليه حتى معلومة .. كتمات اسئلتها خاصة وأنه كيصدها كلما حاولات تفتح الموضوع لدرجة انها يأسات الجواب و اعتزلت السؤال ..
حواجبها تعقدو بإستغراب فور ماسمعات النبرة باش خاطبها رغم ذلك حاولات ترسم على شفايفها ابتسامة خفيفة وبعدات خطوة من الباب
جهينة: صحبتي ناعس؟ خرجت مالقيتكش وجيت عندك (مررت يديها على شعرها مرجعاه ورا ودنيها وكملات بهدوء) ديجا واعدتيني اليوم غاتخرجني ماغانساهاش ليك
ابتسامة مستهزئة صغيرة زحفات على ثنايا ثغرو .. نظراتو خداو جزء من الغموض والشراسة فآنِِ واحد ..
بعد على لباب داير ليها طريق منين دوز .. ونطق بنبرة صوتو الرخمة الجامدة من اي مشاعر او دلالات على مزاجو الحالي
سيمو: دخلي
وسعات عينيها كترمش فيه مستغربة تصرفاتو وقربات عندو بلاما دخل
جهينة: مانقدرش اسيمو غير خليني هنا حتى إذا ماكنتيش قادر تخرجني مرة خرا أصلا عارفة عييتك معايا هاد الايام
نزل راسو لعندها و ميلو ببطئ كيطلعها و ينزلها بعينيه لي حمارو بسبب الجوانات لي كما قبل قدومها
سيمو(بهدوء): نعاود الهضرة جوج مرات ؟؟ (شاف فعينيها و نطق بحدة مقفزها) قلت دخلي
جهينة(بنوع من العصبية نطقات معلية صوتها) : واش تسطيتي؟؟ مولفة كندخل لدارك انا !؟ واصلا دابا مالك علاش كتغوت عل…
فنص حديثها زفر النفس بغير صبر و على غفلة منها مد يديه جرها من يديها مدخلها و سد لباب موراه … هضرتها تقطعات فحلقها وعينيها توسعو مع اول خطوة دارو لداخل و بانو معالم الدار وأثاثها لي تقريبا و كأنه مر عليه اعصار خافي جماليتو ..
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
