⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 50____
__ بعد أربع أيام __ 23:56
داخل بيت سيمو لي كان كيتسمع فيه صوت انفاس منتضمة .. مخلطة بصوت عقارب الساعة المزعج ولي كان كيتسمع بين الثانية والاخرى .. معلن على مرور الوقت و استمرار الحياة لي سيمو متوقفة عندو لمدة اربع ايام وهو بنفس الشكل مستلقي فمكانو غايب عن وعيو واخا فايق ..
كيفكر و فنفس الوقت تفكيرو عاجز .. بعد ديك اللحظة لي الرصاصة اخترقت جدار جسدو جاتو لحظة ادراك كبيرة .. حس بلي مزال باغي يعيش .. ولات عندو رغبة جديدة يعيش على ودها من غير الانتقام .. ولات عندو حهينة او كيما كيلقبها جهنامتو ! النار لي غايتحرق فيها وينال عقابو فالدنيا ورا عشقو ليها
ابتسامة خفيفة ظهرات على ملامحو المتعبة فور ما تفكرها .. حط يديه الصحيحة فطرف السرير ناض من مكانو بالثقالة كيشوف فالطابل دونوي لي كنب راسو محطوط عليها تليفونو .. هزو كيتفقد رسائلها حتى وقف عند اخر واحد مسيفط ليه ولي كانت هي .. مسيفطة ليه كثر من 40 ميساج طوال..
وقف عند اخر واحد و لي كان محتواه :
" اليوم كملت المراجعة لكاع المواد ... فالصراحة بكيت شوية حيت عييت و حيت غانتوحشهم واخا طلعولي فراسي ..
جاو عندنا الضياف و كلشي خرج وانا لا حيت وصيتيني مانخرجش غانتسناك غدا ولا بعدو ولا النهار لي ترجع باش تعوض ليا هاد القنطة لي كنحس بيها
بسلامة دابا غانعس باش غدا نفيق بكري وماكرهتش لقاك قدام الباب كتسناني توصلني ... توحشت الموطور ولي كيوصلني بيه . "
تنهد بخفوت وتكا على الكادر دالسرير مميل راسو ناحية السوارت دالموطور .. عوج شفتو بابتسامة جانبية غامضة و رسل رسالة قصيرة لصاحبو لي ثواني ودخل عندو البيت .. عينيه حومر نايمين و غمامة الكارو لي عاد كما ضايرة بيه .. غمز سيمو بالخف ونطق بصوتو الاجش مدعدع ببحة التدخين
وليد: آش حب الخاطر !
سيمو: نزل نقي الموطور معاك من داك الوسخ وضرب دويرة جهة شي بومبة عمر لخوك لپـلان راني محتاجو غدا
تقدم وليد كيشوف فيه قاطب حجبانو : هرب ليك لا ( خنزر فيه سيمو وبسرعة تدارك موقفو ) شنو عندك غدا نقضيه ليك خليك ترتاح نتا
حرك سيمو راسو بالسلب و مد يديه هز سوارت موطورو ومدهم ليها بهدوء
سيمو: قضي شنو قلت ليك اوليد بالسكات ماناقصنيش صداع فهاد ليل
وليد هز حاجبو و تنهد مولف برودة دمو و عدم مراعاتو لخطورة المشاكل لي كيحط راسو فيهم
خدا من عندو السوارت بلاما يقول والو وزاد متاجه لباب يدير شنو طلب منو
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
