#ركام_قلبي💗
الحلقة11. #بقلم_لينا
كيقال صباح الخير عليكم باه فطنت مع روحي .قعد قدامنا وبدا يشرحنا في امور لازم نطبقوهم .وبدا بمنى وزاد روميسة وانا خلاني لخرا قرب قعد قدامي هوما راحو ورميسة خلات فيا نظرة الحقد . اهيه مدموزال منار سنيتك لبارح تبعتيلي الميموار وماكان والو مافهمتش علاه كاش ماكاين _كان عندي ظرف عليها مابعتوش _ياك غير الخير _ايه بابا جاء بعد غياب بقيت ساهرا معاه _ادا عادت هكدا ماعليش ربي يحفظهولك ويطول في عمرو _انشاءالله تعيش .مالا هادي الفرحة ليفي وجهك على جال باباك ماش عليا _تبسمت وسكت _بدا يشرحلي وزادلي بزاف امور ماكنتش نعرفهم وقالي اول مرة تجيني مذكرة كما تاعك واجدا من غير نزيد بعض النقاط عليها الله يبارك عندك في راسك _لا بالعكس راك زدتلي نقاط مهمين وكنت غافلا عليهم _ايه ماعليش و درك لازم تعودي تجي للجامعة بزاف باه نخلصوها فالوقت وهكدا نعود نشوفك بزاف لانو ربع خطرات ليفشهر مايكفونيش _يهدر ويشوف لعينيا بكل جرأة اما انا تخلطو عليا الالوان في وجهي حشمت وماكانش عندي رد عليه غير السكوت _منار علاه كينهدر معاك في هاد الامور تحشمي مني هكدا_هادا شيئ طبيعي لانو نتا الاستاد تاعي ماش راح نعرف ولا نقدر نرجعلك _دور راسو من ومن وقالي منار حاباتك تقوليلي وتخبريني وحتا تحسسيني واش في قلبك _استاد تعيش ماتحرجنيش بكلامك وزيد ماكان والو نقولهولك _ماعليش نزيد نصبر عليك وراح نجيبهالك بشوي راح نخليك تحسي بيا كصديق باه تقدري تعودي تتجاوبي وتحكي معايا وتخرجي واش في قلبك بدون اي إحراج _طلعت راسي ليه استاد ماكان والو في قلبي _اكدبي وخبي قد ماتحبي بصح عينيك فاضحينك _ياخاا عليا فيقت بعمري صح _منار انا هادا سكوت تاعك نعتبرو حاجة إيجابية وصراحة عاجبني الحال لانو نتي انسانة مختلفة على الكل ليعرفتهم وليام بيناتنا وراح نبينلك صدق كلامي ونستنى فنهار ليتعودي تعرفي تحكي معايا وتتحاوري بلا حشمة ولا حتا قيود الجامعة والأستاد راح نخليك تحكي معايا بطريقة صريحة وجريئة ناض وقف وانا كلامو خلاني مصمرة في بلاصتي هبط راسو وزاد قالي منار خلي راسك ديما مرفوع وجامي تهبطيه وراح يجي نهار ليقلوبنا تتجمع مع بعضها _كيزاد قال هكدا فاجأني دورت ليه وطلعت راسي استاد راك عارف روحك واش تحكي _ايه وزيد متأكد _قتلو وعلاقتك بروميسة _تبسم وطلع راسو لسما وهبطو ليا وقالي روميسة علاقتي بيها مجرد قرابة ودراسة و صداقة خفيفة مايروحش بالك بعيد ونورمالمو فاهما كلامي ليك مليح خمي براحتك وعندك الوقت الكافي باه تصدقي كلامي وتعرفي قلبي واش فيه .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
