الحلقة117
بقلم_لينا
كلامو شوكاني خلاني مصمرة دموعي على خدي حسيت بصفعة قاوية منو حسيت بالندامة في زواجي منو شفت معاه راح قعد ومازال يتبسم نتا كداب ماعندك حتا حب من جيهتي _انا هدرت بزاف من قبل درك ماش مجبور نفهمك ولا نوضحلك حاجة _قولي برك علاه راك تتبسم _نتي ليخليتيني نوريك وجه جديد نتي خيبتيلي ضني فيك وراكي رايحا ماخليتيلي حتا طريقة من غير تهديد وحبي ليك درك فهميه كما تحبي _هززت براسي لالا نتا عندك انفصام فشخصية كداب استغلالي وحقود وأناني تحب مصلحتك ونفسك وبس وأنا حاسة نفسي لعبة بين يديك تلعب بيا حبك ليا مزيف برك ماكانش منو _منااار انا نهار ندي حقي منك لتم نخليك تعيشي براحتك بصح درك موحال نخليك ديري واش حابا _واش من حق تديه مني فهمني فهموني راح نهبل نتا حاب تنتقم مني في واش صرا لختك وبابا كان في صفو هو هكدا قصدك _مايروحش تخمامك لبعيد حقي لينديه راح يكون جزء بسيط من حياتنا باه يخلينا نكملو حياتنا مع بعض بصح كون تروحي من أنا نخسر ونتي تخسري لهادا من الأحسن تبقاي هنا معايا ونربحو لزوح وحتا نهار يفرج ربي ونحكيلك ودرك ازربي مديلي قرارك ماتنسايش باباك راهو يستنى فيك _هبطت على ركايبي عندو نتا حاب تهبلني ياك حطيت فيك ثقة وحبيتك وقبلت نتزوجو وحطيت في بالي نكونو عايلا ماش نكونوها في وسط تهديد واش من حب يبقا _حط يدو على خدي وقالي الحب كاين نتي ليماش عارفا تستغليه ودرك مانكتروش الهدرة ونخليلك القرار ليك ياتبقاي ياتروحي ماش راح نمنعك _حطيت راسي على ركبتو ونبكي علاه ديرلي هكدا راك تجرح فيا بهادو تصرفات تاعك واش دنبي أنا _لقيتو بعدلي راسي ووقف وانا طلعت راسي ليه لقيتو مازال يتبسم فقت مع روحي نضت وققت وبقيت نشوف معاه مانعرف علاه حسيت بالإشمأزاز منو حسيت بالكره _ منار باباك راهو برا يستنا وأنا لعييت في بلاصتو هيا ماضيعيش وقتي ووقتو _في هادو دقايق ومن كلامو شفتو تبدل عليا 180 درجة ورجع مالك لقديم شفت نفس النضرة منو تاع بكري بصح الابتسامة كانت جديدة حسيتو فرحان بطعم الإنتصار وصح راح يحطني تحت رجلو ويكركرني كما يهوالو راسو _وأنا ماعرفتش واش ندير ادا رحت راح نخسر وإدا بقيت راح نتوجع كتر من هادي العيشة بصح شيئ ليفهمتو أنو مالك حبو ليا حب تافه وماعندوش قيمة حاب يمتلكني برك وعندو سبب باه مخليني وسبب واحد هو الإنتقام وبس وكل مشاعرو ليا وحبو كدب في كدب شكوكي زادت فيه وممكن راح نرجع لنقطة الصفر وقفة بلا يدين نرجع لدار بابا انسانة محطمة مطلقة وبلا شهادة مخبرية ولا نبقى تحت رجليه عافصني ونفد واش يقولي ونبقا عايشا غي وسط مجهول_ كانو زوج اختيارات صعيبة عليا نتقبل واحد منهم ومصيري كان وسط ابتسامتو الخبيثة ليا .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
