#ركام_قلبي
الحلقة 66. #بقلمي _لينا
بقيت كتر من نص ساعة. انا غير نمشي ماش عارفا رجليا وين راح يدوني حتا حبست مقابلا لبحر نشوف معاه من بعيد ونشوف لوجوه ناس ليرايحا وجايا وانا حابا نبكي بصح دموعي نشفو حاسا بخاطري مكسور وصدري ضيق غمة في قلبي حابا نعيط بأعلى صوتي بصح والو ماكانش ردة فعل نفسي بسيف نخرجو ويوجع فيا _هزيت روحي ورحت لدار غير شافوني فهمو كاينا حاجا رحت حضنت ماما قلتلها يما انا وفايز خلاص المكتوب بيناتنا _بعدتني عليها كيفاه صايي واش صرا_شفت معاها ودمعو عينيا ماساعدتوش يايما انا بالاك ماش من مقامو ماش الانسانة ليتمناها خلاص تخلى عليا ولازم ننساه يما ماش قادرا كتر نحمل المشاكل كامل جاوني وراء بعض _خلاص منار ادخلي لبيتك ورتاحي ادا حاب يحبس ربي يهل عليه كاين ألف واحد يتمناك _هززت براسي ودخلت لبيني وهنا نفجرت بالقوة غير بلعياط بصح دمعة ماهبطت خلاوني براحتي حتا سكت وحدي وبقيت ايام في حالة إكتآب بعد مارجعولو قشو كامل ليجابو وفسخنا الخطبة نهائيا وهادا كامل في غياب بابا درك فايز رجع من الماضي بصح الانكسار ليعيشني فيه راح تبقى حاضرة و فالداكرة .
بعد ايام رجعت لخدمتي وقابلتني رومسية غير شافتني قاتلي مالا تديه عليا _ماش قادرا نهدر معاك بعديني _اسمعي انا قتلك كما ديتيه مني نديه منك وهادا واش صرا درك انا وهو رانا بعض _ايه روميسة بصحتك راهو ليك كوليه ابلعيه ادا حبيتي بصح باه يدخلك لدارو مضنيتش _مالا اصبري يامات برك وتلقايني مرت فايز _رحت وخليتها بصح من داخلي راني نتكوى كلامها يعني تخلى عليا غير ياه يروح عندها والخدمة كانت غير سبب بصح ربي يسهل عليه _بديت نخدم شوي وجاتني سندس قاتلي خالتي راهي هنا وعرق تاع يدها صعيب مالقيناهش ارواحي بالاك نتي تقدري _ايه ماش مشكل _هزيت روحي رحت غير دخلت لقيت مالك كان بلا كمامة وقدامو مرا كبيرة بالكمامة قاعدا قدمت ليهم قلتلها خالتي اعطيني يدك نجبدلك دم _قاتلي يابنتي من صباح وهوما يخلطو فيا خربولي يدي وجبدو غير قطرة _ماعليش درك نشوف _حوست مليح على العرق تاعها غير لقيتو حطيت لبرا وجبدت حسيتها رتاحت قاتلي حمدلله يعطيك الصحة _بلا مزية وبشفى انشاءالله _تولهت لمالك غير يشوف معايا بصح كلمة ماقالهاش كيشفت نظرة تاعو عادية ماخفتش وبقيت نتعامل عادي _غير كملت رحت للبيرو حتا لعشية رحت لدار ولقيت بابا جاء كيشفتو رحت حضنتو شاف معايا شغل متفاجأ _منار علاه صراتلك هكدا كيفاه شينتي ووجهك كحل ماتقوليليش على جال فايز _لالا هو حب يحبس ربي يسهل عليه بصح صراولي مشاكل كبار بعد آخر مرة رحت فيها _كنت نجي بصح نتي كنتي محكومة فسبيطار _ايه عارفا بصح يابابا هلكوني بسحورات _عقد حوابجو واش من سحور تاني _حكيتلو كلش هنا ناض يخبط في روحو ويعيط على يما وخويا كيفاه مايخبروهش بواش صرا حتا حكاية دواء ودار عليها حالة وبقات يما شغل تلوم فيا لانو بسبابي نايفها من اول يوم جاء نضت صباح لقيتها فالكوزينة قلتلها كاش مانعاونك _لا نتي تعرفي تنبدبي وتشكي واش فيها كون حكيتيلو بشوي ماش ضربا وحدا علابالك كان بعيد وبسيف نحكموه وياربي مانسقسسو عليه ويكوبي وكيجا رحتي تجري تشكيلو ووانا سلكتها بلبهادل منو ورجع اللوم عليا _خلاص يما ماتكبريهاش بابا اصلا مزاجي من بعد تلقايه رجع لطبيعتو معاك علاه تحبي تزيدي فيها _منار خليني في حالي وروحي لخدمتك ولاوين تحبي روحي _ديت كونجي يامات نقعد مع بابا وهكدا نريح شوي _نتي مافهمتش كل مرة يعطوك كونجي _هيا ماش كونجي بصح متفاهما مع طبا خلاف نديرو مداومة برك _ايه اقعدي نتمنالك برك يجيك مكتوبك وتتزوجي باسكو نتاجاتك راهم بولادهم ونتي بقيتي مكسرة اليدين وزيد راجل هرب _يمااا علاه تقولي هكدا هادا مكتوب ماش راح نجهل يروح على روحو _ايه واش نقولك غير ربي يجيبلك ولد لحلال ليسترك _انشاءالله _ماحبيتش نزعف ولا ندير ردة فعل باسكو عارفا بلي غير زعاف برك يخليها تخلط فالهدرة _بقيت ايام مع بابا وجابلي راقي يعرفو كنت غير نحب نتقيا بصح مايحبش يخرج _قالي الراقي بنتي نتي عندك سحر مربوط وممكن مدفون وصحيح لازمك المداومة ماش تاع سمانة برك . وربي هو ستار ولا يفلح الساحر من حيت أتى .
أنت تقرأ
ركام قلبي
Ficção Geralمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
