الحلقة123
بقلم_لينا
نضت صباح قبلو بقيت نتفرج فيه ونقول مع روحي هكدا خير هو باين حارب على جالي وتخلى على والديه وسمح فيهم باه يتزوجني يعني حبو ليا راهو صادق وانا لازم نمدلو فرصة ونعاود نوثق فيه بصح اكيد راح تكون آخر فرصة وخدمة تاعي نرجع ليها بأي طريقة كانت وأكيد ماش راح نكون أنانية واستغلالية راح نخلي نيتي طيبة معاه لآخر يوم وشيئ ليكتبو ربي هاداك هو وراح نتعايش مع قدري السر ليبينو وبين بابا لازم نعرفو وبطريقتي الخاصة وبنية حسنة .نوضت دوشت وصليت ورحت للكوزينة جبدت بورطابلي شفت كاش روسات لقيت اليويو ساهل درتو كيطاب عسلتو وزدت طيبت لحليب حتا دخل عليا _منار واش ديري صباح ربي _قربت ليه بستو صباح الحب ياحبي _نتي معولا تهيجيني على صباح _لالا ليلة لبارح بزاف عليا روح اغسل وهيا تفطر درترلك فطور يهبل _اااا تشكري في روحك درك نجي وندوق _راح ورجع قعد قربت ليه هزيت حبة يويو دوقتلو _مممم تهبل بنينة مرتي فحلة وناشطا على صباح _علاجالك فحالت ماش موالفا _رحت قعدت وفطرنا غير كملنا هو راح يلبس وانا فرزت كوزينة ورحت عندو _مالك أديني لداركم _دور ليا وعاقد على حواجبو تروحي لدارنا ؟_ايه حاب نواجه كلشي _لالا منار وعدت باباك هاديك دار ماتدخليهاش __خلي بابا على جنب وأنا ليخديت القرار هادا ونتحمل المسؤولية وقانعا بيه ومتأكدة منو و بابا ماعندو مايهدر خليني نروح لوقتاه تبقى مخبيني هنا وحتا صبوحي مادرتوش درك فاميلتك راهي تهدر عليا _مناار انا مايهمنيش واش يقولو ناس _بصح انا يهمني حابا عرسي يكمل كما ناس _اوك نديرلك صبوحي تاعك هنا _لالا قتلك في داركم _منا لمبعد نخمملها ونشوف _اوك براحتك _هيا تهلاي في روحك انا نروح نخدم راح لحال _وانا وقتاه ترجعني _اشبعي من دارك ونرجعك _راك تسنى نهز الحمل _منار مانرجعوش لنقطة الصفر _اوك روح لخدمتك مانعطلكش _باسني وراح وانا فرزت وسيقت الدار كيقعدت عيطت ليما حكيت معاها وزدت آسيا قاتلي وحمي حمدلله جاء ساهل عكس منى ليراهي تسوفري وإسحاق مازال هاجرها _زدنا حكينا شوي وكوبيت _لعشية طيبت لعشا حتا جاء وتعشينا فليل قالي غدوا نروحو لدارنا _صح ؟_ادا تراجعتي ساهلا مانروحوش _لا بالعكس حابا نروح _خلاص مالا وجدي روحك ووجدي واش تلبسي نبقاو تم حتا ديري صبوحي تاعك ونرجعو ماش مطولين يومين بزاف _ايه انشاءالله _كيكملنا رحت وجدت كلشي نحتاجو وخليت الفاليزا على جنب وحكمت بلاصتي _فوتنا ليلة بنفس روتين ورقدنا لغدوا نضنا فطرنا ولبسنا وهبطنا ديمارينا كيوصلنا حبس _هيا رانا وصلنا اهبطي _هبطت شفتها دار كبيرة زوج ايطاج وفيها طيراس فلخر سور كبير وجيهة مغطية بالقرمود جاب الفاليزة وقالي واجدا تدخلي وتواجهي الحقيقة ليراح تسمعيها _علاه راح تقولي ليوم _اكيد ليوم مادام جينا هنا كلش يتكشف مايبقا حتا سر مخبي ليوم راح نواجهو الماضي وليوم راح نغلقوه _خوفتني بكلامك مالك _مادام راني معاك ماتخافيش قولي برك بسم الله وتوكلنا على الله وبربي انشاءالله مايكون غير الخير _ايه انشاءالله هيا ندخلو راني واجدا _حكم يدي وفتح الباب وهو فالأصل فتح جرح كبير وراح يبقا يتبعنا طول حياتنا من كانت فيها نور تولي ضلمة .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
