#ركام قلبي 💗
الحلقة 17. #بقلم_لينا
بعد كلامو شفت معاه ودموعي ماقدرتش نحبسهم قتلو استاذ أنا كلشي وكلشي ولا واحد يلعبلي فالمستقبل والحلم تاعي ليحابا نوصلو وروميسة عارفا بلي هيا ليدارتها ماكانش خلافها يكرهني وحاقد عليا ونتا ادا ماش راح تقدر ماكالاه تطمعني لانو عارفا موحال نقدر نعاودو وحدي في فترة قصيرة _منار راني كبير وكلمتي كلمة مادام قلت من الاول نشرف على المذكرة تاعك معناتها ماش راح نخليك كيطاحت بيك وراح نبدا معاك من الاول ونوعدك نخليك تكوني من الأوائل وزكارة فالغيارين والحساد _تبست و نحيت نواضري ومسحت دموعي هبط وجهو ليا وقابلني ويشوف معايا _وشبيك استاد _بقا تايه فيا حاكم عليا نظرة والإبتسامة على وجهو فهمتو واش قصدو بهادي الخزرة _دورت وجهي وحطيت نواضري _علاه رجعتيهم _لأنو عينيا مراض مانقدرش نشوف مليح بلا بيهم _حط يدو على يدي تخطفت نحيتهالو _ماعليش سامحيني بصح خلي عينيا يكونو هوما عينيك _ واش قصدك _عدل قعدة تاعو وقالي هيا درك روحي لدار ريحي وغدوا نتلاقاو _كيبدل الموضوع ماعجبنيش الحال وتنارفيت وليت وقفت قتلو نروح نهز حوايجي ليخليتهم فالقاعة ونروح _كون ماش راح تفهميني غالط كون وصلتك على الأقل قريبة لدار _ايه باينا ماش راح نقبل يعطيك الصحة وجيت ماشيا _اصبري منار وشبيك هكدا زدتي تقلبتي _ماتقلبت ماوالو شيئ ليصرا معايا ماش قليل واي وحدا في بلاصتي تتدمر _زعما درك مازعفتي من والو ؟_قربت ليه استاد تعيش ماتزيدش تهدر معايا بالألغاز ادا عندك هدرة مفيدة قلهالي ادا ماكانش ماكالاه تزيد تهدر وتخليني نخمم وتلفهالي وعقلي يعود مشوش بالأفكار _ايه فهمت واش حبيتي تقولي وممكن عندك حق فيها ماش من حقي نلعبلك بعقلك لهادا من الاحسن خلينا غير في موضوع الميموار وبس وعلاقتنا بعد التخرج تبان وراح نكون صريح معاك ونحكي بدون اي تردد ولا ألغاز _هززت براسي ومشيت حسباتلو كيقال هاد لكلام يكون ريحني بالعكس زاد عقدها كتر وكتر حاسا بلي عندو ليا مشاعر وفي نفس الوقت حاسا بلي راهو يتهرب مني كل كلمة يقولها تكون غامضة وتكون فيها تأثير ليا خايفا نعيش بالأوهام ونخرج أنا المضرورة في الأخير . درك نخليها على ربي ونخمم فالميموار تاعي ومستقبلي وخلاص هادا واش يهمني درك وقلبي خليه يصارع الحب وحدو .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
