الحلقة 102
بقلم_لينا
لغدوا خرجت باه نتلاقا مالك مشيت شوي لقيتو لحق ركبت معاه _كان راح يقرب يسلم_حبس كما راك مازلت غريب عليا حتا نهار العرس _استخسرتي فيا بوسا على الخد؟_ايه هكداك والله ماتقربلي حتا لهاداك نهار _اوك بصح وجدي روحك راح نديهم دوبل _ديماري مالك بركاك من هادو الهدرات والله ماش وقتهم _قرصني من خدي وقالي حشامة تاعي وديمارا رحنا قابلنا البحر خرجنا وقعدنا على لكراسا قالي هاه واش حابا تعرفي _كما قتلك البارح احكيلي شكون ليكانت فلفيديو _بنت عمتي _عقدت حواجبي شكوون بنت عمتك_عمتي ليكانت مسؤولة عليكم فالمخبر لقديم _يعني بنتها ليكنت خاطبها نتا _ايه هيا اسمها رانيا وتشبه لسندس _فالفيديو شفتك فرحان _كنت نجبر في روحي برك بصح في قلبي ماحاس بوالو من جيهتها حتا تخمام أني نقرب ليها ماكونتش نقدر احساس ليعشتو معاك جامي حسيتو معاها كانت في عينيا غير ختي حتا دخلتي نتي لحياتي وتخلطت عليا وفهمت روحي مليح لتم قلت مانضلمهاش معايا موحال نحبها ولا نكون معاها كما اي راجل ومرتو رحت عندها هيا لولا قعدت وحكيت معاها بلغة الحوار صح شفتها تأثرت وبكات وزعفت وحبست روحها في بيتها بصح فالأخير تقبلت وفهمتني وهكدا حبسنا حنا لزوج بلا مايعارضونا والدينا _بصح والديكم علاه قبلو بهادي الخطبة وكانو راح يزوجوكم _لقيتو شعل قارو وبقا يشوف لبحر وقالي رانيا عندها إعاقة في رجلها وحدا ناقصا على ختها تمشي شوي عرجا وهادا شيئ ليخلاها من كانت صغيرة تتعقد من روحها حبست قرايتها وقعدت فدار قليل وين تخرج والديا كيشافوها هكدا قالو وليدنا أولى بيها وهيا من دمنا وتربات معانا فالأول رفضت رفضا قاطعا بصح كيشفتها عادت تتقرب ليا بزاف وتحكي في مواضيع خلاف وزدت انا عدت نتابع خبارها فدار بمفهوم كنت نتبعها بعينيا بزاف لتم قلت ايه نتزوجها وندي أجر فيها بصح مور الخطبة ماحسيتش بالحب ماقدرتش نعشقها ولو شوي ماقدرتش نشوفها كزوجة ليا نقدر حتا نصارحك موالف نشوفها شبه متعرية بصح ماتأثرتش بيها غرام واحد _طلعت حاجبي ليه ونتا كيفاه حتا شفتها متعرية ؟_دور ليا شاف معايا قالي صدفة برك شفتها بصح ماتأثرتش بيها ولا تشهيتها ولا قامت نفسي عليها عكسك نتي _ بصح أنا جامي كشفت على روحي قدامك _لا كشفتي نهار هاداك فالبيرو كيجابتك سندس فتحتلك هيا على رقبتك الخمار ولمحتك شوي لتم انا عقلي بقا معاك وزاد لحقو قلبي حتا نهار ليكنا فلفيرمة ورقدتي مقابلتني ليل كلو وانا نشوف معاك والشيطان يلعبلي براسي و يوسوسلي بصح بقيت غير نستغفر ماعرفت نقعد قدامك ماعرفت نخرج من تم بسيف رقدت فهمتي درك واش الفرق بينك وبينها نتي عشقتك صح أنا هيا من بكري ختي وتبقى ختي موحال نخمم في حاجة خلاف معاها _من كلامك غاضتني الطفلة وحسيت روحي أنا ليفسدت عليها _لالا من الأول باينا خطبتي ليها غالطا نتي ماعندك حتا ذنب نتي برك هلوستيني بيك حتا ريحتك بقات في خشمي دموعك كانو يحرقوني من داخل كلما نتفكرك يعني نتي يامنار راح تبقاي عشقي الأبدي _مالا ربي يدوم محبتنا انشاءالله ومايفرقنا حد _بقا تايه فيا غير يشوف حتا دورت وجهي عليه مالك بركا ماتشوف هكدا وهيا نروحو _دوري ليا ساع _دورت ليه _قالي تحبيني _ايه _قوليهالي _ماش درك _علاه بصح _مالك هيا راك خوفتني عدت تهدر وتخزر فيا بطريقة خلاف _مالا فهمتيني بلي قامت نفسي عليك _كيقال هكدا نوضت وقفت مالك رد بالك تتجاوز حدودك معايا والله مانسامحك _طلع راسو ليا قالي اقعدي برك راني نتحكم في روحي ماتخافيش برك عدت صريح وجريئ معاك لانك درك عرفتي نيتي معاك ماش كما من قبل _وليت قعدت منار قوليلي واش صرا في داركم هاداك الوقت كيجيت خطبتك المرة لولا _حكاية طويلة نبدالك بأحمد راهو دخل للحبس _عقد حواجبو صار خلي يستاهل علابالي بيه تاع شرابات ولادروغ زيدي واش صرا _وبابا ظهر متزوج بمرة خلاف بالفاتحة _اييييه ماش قاعد خلاص _ايه وحتا مرت خويا كانت طالبا طلاق صراو مشاكل بيناتهم وراحت عندها غير يامات برك من رجعت _اوك عليها قلتيلي كاين مشاكل ودرك تحلو؟ _من غير مرت خويا رجعت وراهي اونسانت بعد ماتحرمت سنين وبابا قال راح نطلق ومانعرف _ربي يفك حوالكم انشاءالله .حقا مالك عمتك قابلا بزواجك معايا _تقدري تقولي غاضتها بنتها بصح مع الوقت يتقبلو كامل _علاه قلت كامل شكون من غيرها ليماش قابلني _قصدي هيا وبنتها برك _ايه انشاءالله .
أنت تقرأ
ركام قلبي
Fiction généraleمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
