الحلقة151
بقلم لينا
نطقت مرت بابا قالتها بالاك ماتعرفيش اسمي أنا حسناء _في قلبي صح حسناء جميلة لشيوف زينها ينسا اصلو _ردتلها يما الله يبارك وانا تعرفيني اكيد ام أولادو _شفت مع آسيا وخبيت الضحكة كان قصف مقصود من عند يما_ نطقت حسناء حنا جينا نهدرو مع علي برك ونروحو ماتخميش في حاجة خلاف _رجعتلها يما ايه مرحبا بيكم ودرك نشوفو علاه جيتو_ بقات تشوف معاها من فوق لتحت ومبعد قاتلي بنتي منار بالاك مايشربوش القهوة ديريلهم لاتاي كما يحبو هوما _ااااه ندير لاتاي ؟_ايه بنتي هيا أتحركي_بقيت حايرا فيها حتا قرصتني آسيا ودارتلي براسها هيا نضنا خرجنا ودخلنا للكوزينة وشبيها يما انا ياربي مانسلكها فالقهوة و درك تقولي ديري لاتاي ؟_ايه درك نديرو كما موالفا بصح اكيد موحال يجي كما تاعهم _مالا خلطي ازربي باه نروحو ليهم سكوت تاعهم مخوفني حنا هكداك سمعت الباب تاع برا تفتح خرجنا لقيتاه بابا وجهو راح ينفجر _وينهي _لداخل مع يما _وكيفاه الحالة _يما الهدوء تاعها برك يخوف _هزز براسو ودخل وحنا تبعناه _لاح سلام عليهم هوما ناضو وقفو وبابا قدم سلم على لعجوز _مرحبا بيك خالتي _ماردتش عليه ومرتو بقات غير تخزر فيه هنا نطقت يما _علي انا ضيف كيجيني نكرمو بصح ماتستناش مني كتر _رجعتلها مرت بابا قالتها ختي انا جيت غير باه سي راجلك يطلقني كيناس ونخليهولك ونروح ماش حاملا نزيد نشوف خليقتو _بابا قالها ياك لحت عليك كلمة طلاق آخر مرة جيتك واش تحوسي كتر _بصح طلقتني ونتا زعفان وعقلك ماش في راسك وكنا وحدنا ادا حاب تطلقني خلي خالي ويما وناس فاميلتي يكونو شاهدين وتكون في عقلك لتم أنا نعود حرة في حياتي _رجعتلها يما قالتها كون حبيتي ستنيتبه حتا جاء وطلقك علاه تعدبي في روحك وجيتي طريق هادي كامل ولا ناويا على. حاجة خلاف _ماناويا على والو برك كون جاء يهز علينا الثلفون كون ماشقيناش هنا وعارفا كون هدرت هاد الهدرة فثلفون ماش راح يعبر كلامي عليها جينا باه يفهم انو بنات ناس صحراء ماش لعبة ومايسكتوش على الظلم _اسكتو نتوما زوج ونتي حسناء عيطي لخالك يدخل ونتوما روحو دخلو لداخل _خرجنا في ثلاثا يما راحت لبست الخمار وراحت عندهم وحنا شوي وقدمنا للباب تاع صالو لقينا اسحاق دخل جاء عندنا _شكون هنا _حكينالو ودخل وحنا بقينا نتسمعو _كان خالها يهدر قالو نهار جيت خطبتها مني قلت تحميها وتصونها ويبقا قدرها عالي وتسترها ماش فالأخير تخليها مرمية فالأرض بدمها وتهرب _ردلو بابا واش من دم تحكي عليه من غير زوج كفوف علاه تكبرو فيها _سمعت حسناء قالت كون جيت ترفد ثلفونك علينا كون سمعت بلي راني فارقت (أجهضت) وضربك ليا هو سباب _حطيت يدي على فمي اخاااا واش دارلها _سكتو زمان وقالها كون بعتيلي ميساج على الأقل_تما قيمتني بميساج نتا صح الإنسان ليعرفتو هادي سنين _(وتاني سنين متزوجها)_حسناء من لخر حابا طلاق درك نطلقك وخرجي من حياتي _رجعلو خالها طفلة كما تزوجتها كما تطلقها تجي لدار باباها وقدام رجال تحسن صورتها ليشوهتها _ماشوهت حتا صورة بنت ختك لي ....._جاء يكمل ولا سكت مانعرف واش دارت هادي حسناء _نطقت لعجوز قالتلو المهم راك تعرف عاداتنا وأتحمل مسؤوليتك _ايه عارف ودرك خرجو من داري وطلاق راهو ساهل كينجي وندير جماعة كما حابين ونطلقها خلاص درك _قاتلو هيا بصح خسارة سنين ليضعتهم معاك بصح حمداله طفل مات في كرشي ربي شافهالو خير ليه وليا ودرك قدام مرتك ووليدك نقولك بلي حقرتني واستغليتني بزاااف و هادي وصح هادي هيا عايلتك ليراح تبقى من أولوياتك وانا كنت غير ضحية لحياتك ولشهواتك برك _شفت مع آسيا قاتلي بخصت بيه واش هادا لكلام والجرأة ليعندها_سمعت صوت بابا يهدر بالعالي حسناء هزي يماك وخالك واخرجو من داري _رجعلو خالها رانا رايحين بصح هاد سمانة نستناوك تجي تفض المكتوب على حساب عاداتنا _ايه روحو برك _زربنا دخلنا للبيت شفناهم كيخرجو وبعدها ناضت يما تهدر وتغلي وتعيط وهو يرد عليها هيا بكلمة وهو بعشرة وحنا بقينا غير نسمعو بقات بخصة وفضيحة وتبهديلة ليه ولينا .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
