الحلقة 84
بقلم Lina_sabrina
رحت قعدت شفت مع لفراش لقيتو نضيف يعني كاين ليراهو يجي هنا وينضف رحت طليت على طاقة شفت غير ضلمة الحالة تخوف عدلت ريدو مليح و رجعت لفراش حطيت راسي على لمخدة وجعني جبيني ودراعي تفكرت حطيت يدي على جبيني لقيت جرح برك ودم جامد ماعنديش حتا كيفاه نمسحو وماش حابا نخرج ونغسل وليت خليتها وغطيت روحي حبيت نرقد بصح ماقدرتش شوي وبديت نسمع في صوات لكلاب ينبحو ولحيوانات أصوات تخوف يايما تخطفت من بلاصتي تفكرت بلي راني فالغابة وبداو يجوني افكار تخوف وأنا وحدي خممت مالقيت غير نتراجع في كلامي ونروح عندو مانقدرش نبقا وحدي ساع صح نهبل _رحت فتحت الباب وخرجت رحت لاشومبر لقيدامي لقيت باب مفتوحة بصح ضلمة لمحتو متكسل على الكانابي عيطتلو مااالك شفتو تخطف من بلاصتو منار خير وشبيكي قدم ليا وشعل ضوء ومن وجهو باين تخلع _ كنت راقد خلعتك ؟_ايه هاداوين غفيت نتي كاش ماحتاجتي _خافت _من واش تخافي راكي فدار ومعايا _بصح رانا في غابة وبرا ضلمة واصوات تخوف _ايه والحل _ماعلاباليش بصح لازم تكون قدامي باه مانخافش _منااار فهمي روحك واش حابا _نقولك ماكاين والو روح كمل رقادك _تبسم وقالي ايه روحي مالا لاشومبر ودار كان رايح _حكمتو من يدو اصبر وين راايح ترقد وتخليني _ مالا حابا نجي نرقد معاك _نحيت يدي من عليه نتا ماتحشمش ماقولتش هكدا _حتا انا ماقولتش ليفيبالك قصدي نرقدو في ننفس لاشومبر وكل واحد في بلاصتو برك _ااا ايه هكدا قابلا _قرب ليا وقالي نحي تخمام الخامج من راسك وسبق وقتلك مانديرهاش ماش راح نتجاوز حدودي معاك _تبسمت معاه قتلو مالا خلي نرقدو هنا خير بصح خلي ضو شاعل ماطفيهش _ايه ادخلي روحي حكمي بلاصتي وانا درك نجيب مطرح نحطو فالارض _رحت قعدت هو راح جاب مطرح وحطو فالارض _حط تحتو حاجا _راني راجل مانعرفش بوليتيك تاع نساء_وليت نضت فتحت بلاكار لقيت زربية مطبقة خفيفة حطيتها وحط عليها المطرح وزدت عدلتلو بلاصتو مليح ونضت لقيتو يشوف معايا والابتسامة على وجهو يعطيك الصحة _بلا مزية_منار روحي لدوش غسلي جبهتك دم راهو جامد فيها _ايه صح وين دوش _امشي ورايا خير علابالي تخافي _رحت وراه دخلت لدوش غسلت وعدلت خماري لقيت شعري على برا كما متشردين وهو بقا يستنا برا حتا خلصت و خرجت ورحنا حكمنا بلايصنا وغير حطيت راسي على لمخدة ضربتني ريحتو فيها شفتو حط دراعو على عينيه وانابقيت نتقلب حتا سمعت ثلفونو يصوني جبدو من الجيب وريبوندا سمعتو قال راني فدار علاه كاش ماكاين سكت شوي وزاد قال سندس هادا شيئ مايهمكش ومادخليش روحك وماتزيديش تسقسيني كما هادو أسئلة _فهمت بلي يهدر مع سندس وزاد قالها ايه راهي راحت لدارهم ونتي حاولي تغطي عليها وخلاص دبري راسك تقدري وقتلو بشوي واش كاين هز صبعو تاع دقيقة وقالها سندس كوبي ولا نكفر عليك كترتي وكوبا _خير واش كاين _سندس قاتلي عيطتلك وماش تهزي عليها _ايه ثلفون راهو فطونوبيل فساك _درك نخرج نجيبهولك وقلتها تغطي عليك هادي ليلة _ايه ادا قدرت _ماتخميش ورقدي ودرك نجي _راح شوي ورجع شفتو بدل ثريكو تاعو باين عندو احتياط فطونوبيل و جاب صاك وساشي قالي فيها قاطو مخليتو فطونوبيل ادا تاكلي _حكمتو عليه كليت حبات وجبدت ثلفوني لقيت شحال من آبال من عند سندس وميساج كاتبا تحيرت عليك هزي عليا طفيتو ورجعت حطيت راسي وقتلو مالك قولي سندس واش حكايتها علاه نشوف حالتها نفسية ماش مليحة وماتهدرش بزاف _دار على جنبو ليا و قالي لازم هيا ليتحكيلك ماش انا بصح نقدر نقولك بلي فاتت في مرحلة مالقات حتا واحد في حياتها من غيري انا _علاه ووالديها _خلي هيا ليتحكيلك خير ماعنديش حق نحكي سرها _ماعليش عندك حق _بقا يشوف معايا مدة وساكت ومبعد قالي نواضرك وينهم _طاحولي قبيل كيطيحتني ونسيت ماهزيتهمش كيعدت راح نرقد _سامحيني ماكنتش في عقلي وطيحتك بصح علاه تحطيهم عينيك ناقصين ولا مراض _ايه الشبكية تاع عيني مريضة لازم ندير عملية باه يرجع نظر تاعي مليح _انشاءالله مالا ديريها ماتسهزيش على صحتك _انشاءالله _رجع بقا يشوف معايا حتا هبطت عيني منو حشمت قالي منار راح نعطيك بضهري ماتزعفيش وماتخافيش راني قدامك وشيطان راهو كاين يوسوسلي لهادا تصبحي بخير _ونتا من اهل الخير هو دور وانا تبسمت عجبتني كيخاف عليا غميت وجهي فالمخدة تخدرت من ريحتو وعجبتني بقيت هكدا حتا رقدت .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
