ركام قلبي

الجزء 50

#ركام_قلبي
الحلقة 50.       #بقلم_لينا
منار اسمعيني واشفاي على كلامي قشما عضما فايز وخدمتك هادي راح نسرقهالك وراح ندير الموحال باه ننزلك فالمستوى وساع نشوفو شكون ليراح يضحك فالاخير ويفرح أنا ولا نتي _روميسة انا ماش خايفا منك وليعليك ديريه خبطتها من زندها ورحت للمخبر نخدم خدمتي موراها شوي دخلت سندس ماتفاجأتش كيشفتها اكيد مادام عندها قرابة مع المدير تقدر تخدم بمعرفتهم جات عندي سلمت عليا وباركتلي على خطبتي قاتلي ارواحي نحتاجك _رحت معاها خرجنا ورحنا جيهة الادارة اسمعي وين مديتيني اصبري عليا علاه تجري فيا هكدا _اسكتي شوي دوك نوصلو وتفهمي _دخلنا لوحد البيرو عقدت حواجبي نتي علاه جبتيني هنا !!_منار شحال تسقسي بزااف درك تفهمي لقيت مالك دخل غير شفتو رجليا فشلو حسيت سكر هبطلي من الخلعة قاتلو خويا أمانتك كما وصيتني راهي عندك _(استغربت كيقاتلو خويا )هيا خرجت وقفلت الباب وراها وهو زاد سكر الباب بالمفتاح وحطو في جيبو ودار ليا وقرب مني يشوي  كان يشوف معايا نظرة شر وحقد وتهديد ويتحلف فيا _نتوما علاه جبتوني هنا واش هادي لعبة ليدرتوها بيا _نتي ليحابا تلعبي معايا وماش خايفا مني لصق فيا ريحتو ليمخلطا  دخلت خشمي نفسو كان قاوي وانا من خوفي صدري كان يطلع ويهبط قلبي يخبط فالالف الوقفة بسيف واقفتها ونظراتو كانو يخوفو حتا دورت وجهي منو _بعد مني واش تحتاج ياك مادرتلك والو خليني في حالي ياك ماوصلتك بحتا حاجا _ياك قتلك ماتزيديش تقربي مني ومن هادا سبيطار _افهم سبيطار هادا ماش تاعك ولا تاع باباك نتوما كيفي خدامين هادا رزقي كما هوا رزقكم وزيد بعتوني هنا اكيد ماش راح نسمح في هادي الفرصة تعيش بعد مني راك خنقتني _ حكملي دراعي بيدو بالقوة وجعني حتا نزلو دموعي _طلقلي دراعي نتا واش هو مشكلتك معايا تعيش فهمني _ياك قتلك من قبل بعدي مني ولمصلحتك ولا راح نآديك بصح نتي ماحبيتيش تفهمي ودرك ادا آديتك نتي تتحملي مسؤوليتك ومادام زدت شفتك هنا وقدامي درك راكي تحت رحمة تاعي _طلعت يدي وطبعتو من صدرو بعدني نتا مصعور صح واش خداك حتا تبع فيا واش مشكل تاعك معايا انا في واش غلطت معاك اوك نستعرف بلي غلطت مرة ورجعتلك الهدرة بصح خلاص بركات ماتزيدش فيها كتر واصلا ماتعرفني مانعرفك _رجع عندي وزاد حكم دراعي وهادي المرة كانت يدو حاكمني بيها بقوة وبقسوة كتر وجهو شيطان قتلك يامنار انا نعرفك مليح وحتا نتي ماتعرفيش واش نعرف عليك _واش تعرف قولي وااااش _باه نبدالك بروحك ولا باباك ولا يماك ولا علاقة خوك بصحابتك ولا بمرت خوك  ولا بخوها ولا بجدك وولادو _تعجبت وتشوكيت كيجبدلي فاميليتي كامل وزيد يعرف خويا عندو علاقة وقال صاحبتك وزاد هزلي يدي لوخر وقالي ولا تحبي نعرفك براجل ليراح تتزوجي بيه _نتا واش تعرف ماقدرتش نفهمك _نعرف كلشي يامنار نعرف كلشي _من كلامو فهمت بلي هادا الانسان يعرف كل الاسرار المخفية كلامو دخلني في متاهة وعنوانها مجهول وهو مازال حاكم فيا نظرة شر وخوفي منو كان عالي لدرجة حسيت روحي رايحا نتغاشا وصح دوخت وماعرفتش بعدها واش صرالي .....