ركام قلبي

الجزء 85

الحلقة 85
بقلم #lina_sabrina
فطنت صباح شفت معاه لقيتو مدور جيهتي وراقد هزيت ثلفون شعلتو لقيتها 7 تاع صباح نزلتو من يدي ونخمم أنبني ضميري درك والديا راهم حسباتلهم راني نخدم وانا  راني  بايتا في دار مع راجل غريب عليا وحدنا ياربي سامحني كنت مجبورة .بقيت نشوف معاه حبيت تفاصيل وجهو تيهت فيه وحتا كبر في عيني بزااف وكتر من قبل عجبتني رجولتو وشهامتو وأخلاقو وتربيتو مع أنو كانت عندو فرصة كبيرة أنو يتحرش بيا ولا يغتصبني ويعمل عملتو ويرميني بصح هو بقا بعيد عليا وماتجاوزش حدودو معايا كون غيرو ممكن استغلني بصح هو أثبثلي رجولتو وحبو ليا أنو مايآدينيش أنا هكداك بعد لقيتو فتح عينيه وحكمني نتفرج فيه بقا مغمض فيهم نص ويركز معايا تبسم وقالي صباح الخير _صباح النور _ديجا نضتي وراكي تتفرجي _تبسمت ايه نضت قبيل برك _هز ثلفونو بقا يشوف معاه ويمسح في عينيه حتا تقعد قالي نروح نغسل باه نفطن ونرجعلك_راح وانا تقعدت وركزت عليا يدي وجعني فهمت من كيحكمني لبارح من دراعي زوج بكل قوتو  بقيت شوي حتا رجع شفت معاه باين دوش بصحتك _يسلمك _انا نروح نغسل ونجي _براحتك ياك ماتخافيش_لالا فنهار نورمال _مليح رحت لدوش نحيت خماري وغسلت وجهي ونشفت ورجعت عدلت الخمار مليح ركزت مع دوش لقيت فيه كلشي فيه من مناشف وشومبوا وصابون قلت سور كاين ليجي هنا خرجت عندو لقيتو يلبس فصباط كيشافني قالي هيا نروحو نفطرو ومن تم نوصلك _ايه بصح قولي شكون ليجي هنا تبان دار نضيفة _انا وفاميلتي مرة على مرة نجيو ووحدا نكلفوها مرة فسمانة تجي تنظف وتروح لانو في اي وقت قادرين نجيو بصح في هادي الفيرما عندنا غير هادي الدار مافيها والو وعندنا فيرما وحد اخرى تلقاي فيها كلشي _ممم مليح هيا نروح نهز نواضري ونروحو _رحت جبد نواضري حطيتهم ورجعت عندو هزيت صاكي و مشينا غلق الباب وركبنا ديمارا حبس فطريق ماحبيتش نهبط خفت كاش واحد يشوفني جابلي فطور في يدو فطرنا وديمارا وين نوصلك ؟_لاري ليقدام دارنا نتا كدبت مع سندس وانا نكمل الكدبة _ايه ماعليش _ديمارا وصلني كيجيت هابطا قالي منار اسمحيلي على كلشي درتو معاك البارح_ماعليش راهي فاتت على خير ولو عيشتني كما عادتك فالخوف والرعب بصح سماح _مالا خمي في كلامي مليح وراجعي حسابك _انشاءالله _هبطت ورحت نخمم كان كلامو معايا بارد وسيريو بقيت نمشي حتا وصلت غير جيت نفتح الباب لقيت آسيا خرجتلي ووجها مخطوف ويما وراها _خير وشبيكم وين رايحين _قاتلي آسيا ومبعد وراحت تجري شفت مع يما قاتلي يماها مريضة ماش مليحة بسبة خوها ليماش باين وين راه _اخااا على راجل هادا كبر وماحبش يستعقل _ايه تفرت غير في آسيا ويماها _هيا مالا نروح معاكم _ايه امشي بصح جبهتك مجروحة وشبيك_طحت برك تجرحت حاجة خفيفة _سلامتك هيا نروحو _رحت دخلنا لقينا يماها قاعدا فالبيت تقريبا متغاشيا وآسيا قاعدا قدامها وتبكي وتقيسلها فلاطنسيو غير كملت قالتها يما علاه ديري في روحك هكدا درك نهار وزوج ويرجع يكون في كاش بلاصة برك مع صحابو _قربت ليهم خالتي خلي ندوك لسبيطار حالتك ماتعجبش _لا يابنتي انا ماش تاع سبيطار جيبولي أحمد برك نبرى ونرتاح _قالتلها أسيا يما بلعقل على صحتك والله مانحمل نشوفك هكدا _ياك  غير نتي وخوك لينسعى كون تصرالكم حاجة نموت وخوك موالف يعيط وهاد المرة ماخبرني ماعيط _هادا وليدك هو سباب المصايب كون يتربى ماتوصلش حالتنا لهنا الله لاتربحو _اسكتي ماتدعيش على خوك _نطقت يما ايه آسيا عيب عليك خوك لكبير وفي مقام باباك _ بقيما شوي معاها لقينا حالتها غير تزيد ولاطنسيو طالعا تحتمت عيطت لامبيلونص جاو داوها ولحق اسحاق بيهم هز يما وآسيا وراحو وانا رحت لدار دخلت لبيتي هزيت ثلفون عيطت لوحد طبيبة وصيتها عليها وكوبيت _بدلت قشي شفت مع دراعي لزوج زورق دايما يخليلي الآثار .خرجت ماكاين حتا حس زعما منى تكون ماكانش رحت لبيتها طبطبت مالقيت حتا رد كنت راجعا لقيتها فتحت وعينيها حومر _راكي هنا حسباتلي رحتي لداركم _لا راني هنا ادخلي _دخلت وراها قعدنا وشبيها حالتك _لأنو واحد مافرح بيا ولا باركلي _شفت معاها من واش نباركولك _راني أونسانت _صار شحال عندك _لبارح برك عرفت لقيتها بدات تبكي وقاتلي يماك جاتها عادي مافرحتش وخوك تقول ماش وليدو قالي غير ربي يسهلك وخلاني وحدي بالاك كون جاء باباك حاضر كون فرحلي بصح حسيت روحي مذلولة هنا _منى واش كنتي حاسبا من الأول راكي تزوجتي على ضرة باينا بلي تبقاي مابين وبين _صح فالاول كيعطلي اسحاق وقالي نجي نخبطبك ولو معنالي بلي راح يتزوجني على جال لولاد بصح أنا طيرت من الفرحة وقبلت وحتا كيهدر مع فايز وجاء عندي ونصحني باه مانقبلش حتا جدة بقات تدعي عليا بصح انا بقيت مصرة وقبلت قلت ولو حب اسحاق ليا ناقص راح نخليه يرجع كما كنا زمان مي بالاك راني غالطا ماكاين والو من واش كنت نحلم بيه كل هاد شهور تاع زواجي يجي عندي بصح يعطيني بظهرو وقليل وين يمسني _منى من الأول صارحك علاه جابك نورمالمو نتي ماتقبليش .