ركام قلبي

الجزء 144

الحلقة 144
بقلم_لينا
ديجا راك عفصتني وخلصت ماخليت فيا والو _بقا موسعلي في عينيه حتا جات يما قالت بلعقل ادخلو لداخل وتفاهمو علاه تتعايطو عند الباب _شفتو حشم منها نحا يدو مني وبعد قالها خالتي فهمي مليح بنتك بلي طلاق مستحيل نطلقها ومرجوعها لدارها _شفت معاها لقيتها تتبسم شغل فرحت بيه _دورت ليه مالك باه نرجع غير أنساها _ماعليش ليام تبين ودرك سمحولي نخليكم راح خرج ودورت ليما نتي علاه عاجبك الحال _ايه باسكو ماسمحش فيه ورجع ولو روطار وكل تأخيرة فيها خير _يما ليفيبالك نحيه _ايه روحي برك امشي عاونيني ندوشو سليمان _رحت عاونتها فالبيبي هبلت عليه خلاني ننسا همي _حتا جاء بابا حكاتلو يما وناض يعيط ويسب فيه قال حتا درك تفكر بلي عندو مرا مايحشمش _لغدوا نفس شيئ جاء هدر مع بابا ونسمع فيه يقنع فيه بسيف ويبرر بعدها جاني بابا قالي في وجهي روحي عندو واحكي معاه وادا تحبي تليكيديه كما تحبي المهم أنا راني موراك _وليت رحت وماش حابا نشوف معاه ولو ريحتو واصلا لعندي وكون نشوف لعينيه ندوب ماش حابا نضعف ولا نتأثر _قفل لباب وجاب طابوري وقعد مقابلني وقالي نتي علاه سمنتي هكدا ؟حاجا فيك تبدلت ؟_ديجا درتلي سكانار ريحت منك برك عليها رجعتلي صحتي ولحمي  _صااار ليسمع كلامك يقول انا كنت مضيعك بالشر _مانهدروش على المادة نهدرو على النفسية _شوفي ليا ونتي تهدري علاه تلعبي بعينيك هكدا _حاجتي وين نحب نشوف _منار هادا البرود تاعك ماش راح يفيدك _مالك قول واش تحتاج وروح _هيا نوضي ترجعي لدارك _ضحكت بإستهزاء وشفت معاه داري !!داري نحيتها من راسي بيها بيك _بقا يستغفر ويلعب بيديه شفت معاه لقيت عروق رقبتو يبانو باين بلي حاكم روحو برك هبطت راسي وبقينا ساكتين _منار شوفي ليا شوفي تعيشي _رجعت شفت معاه وكما توقعت نحس بالضعف كلما يقربلي ونقابل عينيه _منار كلامي ليك عارف بلي كان قاسي وبزااف بصح شيئ ليكان في قلبي فرغتو واله كنت مغموم ومخنوق وعارف بلي جرحتك _بصح جرحك ليا كبير بزااف _ايه بصح حتا نتي بقيتي تردي فالهدرة عليهم ياك قتلك من قبل ماترديش خليني انا نتصرف _ماقدرتش نزيد نسكت كتر ورجعت كدابة في وسطكهم وزيد قريب يزوجوك قدامي _حط يديه في خدودي وقالي والله العظيم غير فكرة أني نتزوج عليك موحال نديرها _مالك قضة زواجك تبقى ليك بصح مانكدبوش على رواحنا نتا قولت هاداك  نهار كلام وكان واضح ثقتك فيا راحت وزيد في نظرك انا انسانة كدابة وخالفت كلامك _نحا يديه ووقف قالي منار قلت كلشي في وقت غش بصح دواء لحد ليوم مافهمتش حكايتو _طلعت راسي ليه يعني مازلت مكدب فيا _مانعرف بصح بقا شك ووسواس في راسي _وقفت ليه وقتلو مادام كاين شك ووسواس المحكمة بيناتنا هيا تحلها جيت ماشيا حكمني _مزير على سنانو ماتخلينيش نبدل عقليتي معاك قتلك طلاق ماكانش _نحي يدك واخر كلام راني قلتو _نحا يدو وقالي ماعليش نشوفو شكون ليطلقك _خرج راح وبابا ويما دخل واش تفاهمتو ؟_لا بابا مازلت حابا نطلق _طلع حاجبو وقالي كما تحبي _بقا يومين رايح جاي ماحبيتش نخرج عندو وثلفون طفيتو منو حاسا بحاجا تكسرت من جيهتو هو بكلامو الجارح ماخلا حتا بنة بردت عليه_كيلقيت الحالة مطولا رحت أنا وبابا عند محامية ودرت الخلع ونستناو فالنتيجة كيتوصلو الورقة واش يدير _بعدها بيامات شفت منى تلم في قشها قاتلي رايحا لدارنا يامات _ايه روحي بدلي شوي جو وريحي _جات وقفت قدامي قاتلي منار راكي في مقام ختي ومعزتك عندي كبيرة وربي شاهد حبيت نصحك مالك باين يحبك ويعشقك برك الظروف كانت كبيرة عليه وجرحو كان غميق فهادا سباب ليخلاه هجرك كل هاد المدة يبان كيعرف الغلطة تاعو رجع _علاه راكي تدافعي عليه_ماش ندافع عليه برك شفت وسمعت واش دار عليك ماتتسرعيش في طلاقك الحب يجي غير مرة وحدا وادا نتي سمحتي فيه على جال كرامتك وعزة نفسك ماش راح تنفع ندامتك من بعد وبالخصوص عندكم طفل فالوسط _خلاص اصلا راني درتلو الخلع وخلصت ماش قادرة نرجعلو وكأنو ماصرا والو _زيدي خمي مليح  مازال كاين وقت ومتمنية ربي يجمع شملكم من جديد.