ركام قلبي

الجزء 37

#ركام_قلبي
الحلقة37.      #بقلم_لينا
وصلت عندو فتحلي الباب من داخل هيا اطلعي _اسمع قبل مانطلع  وعدني بلي من هاد لبلاصة مانتحركوش وزيد دقيقة برك _هيه اطلعي وعد مني _بقيت مترددة بصح فتحت الباب وركبت بقا يشوف معايا _هيا احكي شكون هو ليشكا بيا _لقيتو غلق البيبان تاع طونوبيل وطلع الكاروات كانو فيمي وديمارا _اييي نتا وين رايح ياك وعدتني مانتحركوش من هاد لبلاصة _دور ليا وقالي باه ماتزيديش ديري الثقة فالناس_نتا وشبيك احبس وين  رايح وشبيك _اشش اسكتي صوتك ماش حاب نسمعو _عليت صوتي عليه وقتلو ادا صوتي ماش حاب تسمعو مالا خليني نهبط وين مديني هبلت _ردي بالك تزيدي تعلي صوتك عليا سمعتي _نتا صح رخيس احبس خليني نهبط وحكمت دراعو باه يحبس بصح والو غير طبعني وقالي ابقاي عاقلا ودرك نوصلو ونوريك رخيس تاع صح _الخلعة حكمتني من راسي لرجليا فشلت وجاتني ألف تخميمة في راسي شفتو حكم طريق لور غير طالع اسمع نتا واش تحتاج مني فهمني وين تعرفني ربي يعيشك حبس طونوبيل وين راح تديني وخبطتو من يدو حتا لعبت بينا طونوبيل _منااار ريحي عاقلا راح نديرو آكسيدو من تحت راسك _مالا  خليني نهبط  _وين تهبطي خلاص مادامك ركبتي تحملي مسؤوليتك _نتا خاطفني ولا كيفاه _سميها كما تحبي بصح عندي هدرة معاك راح نقولهالك ونرجعك تروحي وين تحبي _خلاص بطلت ماش حابا نهدر معاك ولا نسمع كلامك خاف ربي ورجعني _لقيتو قارا وخرج جاء لجيهتي وفتحلي الباب هيا اهبطي روحي اهملي وحدك هنا شوفي ليوصلك ويرجعك معاه ويخاف ربي _شفت من ومن ماكاين والو من غير طونوبيلات وكاميونات ليرايح وليجاي بلافيتاس كون نهبط  قادرين يستغلوني وحتا يغتصابوني وينحروني واحد مايجيبلي خبر _منار ماعنديش وقت يالله اهبطي عيتيني _ شفت معاه لقيتو في هاد الدقيقة هو الامان على الاقل نعرف عليه حوايج صغار ونعرف باباه نكمل معاه ونشوف نتيجة ياتكون ايجابية ولا سلبية بصح خير مايخليني فريسة في وسط طريقة وديابا مانعرفهمش و ياكلوني وحدي _مناااار اهبطي راني نكره نعاود الهدرة  _لالا نكمل معاك نتا ترجعني _هزز براسو وغلق الباب بالقوة وجاء ركب سمعت ثلفوني يصوني هزيتو لقيتو فايز خطفو من يدي _هات هنا الثلفون _ماحب يرد عليا ماشاف معايا حتا كوبا فايز وشفتو دارو سيلونس وحطو في جيبو ودار ليا بركاي ماتصرعي في راسي واسكتي راح نروحو نحكيو شوي ونرجعك _ماكانش بخلافك مصعور هنا وازرب رجعني لانو ماش طايقا نشوفك  _منار تحبي تهبطي روحي ماش حاكمك درك_ راك عارف بلي مانقدرش نهبط هنا وراك حاكمني من هادي النقطة لهادا كمل طريقك وهنيني _هزز براسو وحط يدو على الفولو ودمارا تولهت بلي حاط في صبعو خاتم تما يكون متزوج مشينا وحد 5 دقايق حبس قارا قريب من وحد لجنان قالي اهبطي الحقيني عارف بلي خايفا ناكلك .