ركام قلبي

الجزء 119

الحلقة 119
بقلم_لينا
مانعرف شحال رقدت مافطنت غير بيدو يمسح على شعري وريحتو كانت قريبة ليا فتحت عينيا لقيتو قاعد على ركايبو ويشوف معايا بهاديك النضرة ليتدوبني في هادي لحظة تمنيت نحضنو ونشبع نفسي منو بصح كرامتي ماتسمحليش _منار حبيبي نوضي خلينا نحكيو شوي _تقعدت وقتلو اتفضل أهدر _ناض قعد قدامي منار نتي علاه ماش حابا تفهميني _ليفهمتو انو نتا جامي حبيتني كنت تكدب عليا وتمثل برك _علاه حكمتي عليا هكدا _الحب يامالك جامي يكون فيه تهديد كنت راح نروح ونرجع بصح نتا راك خايف من حاجة وبابا نفس شيئ كل واحد خايف من خوه وانا بقيت بيناتكم ضحية برك _منار شيئ ليراح تعرفيه صعيب ماش غير عليك علينا كامل _كون من الأول صارحتني بلي كاينا حاجة مخبية عليا _صارحتك قتلك حاربي معايا نتي ليماقدرتيش تفهمي معنى هاد الكلمة _حابني نحارب والديك ليماش قابليني بيناتهم ؟_هوما ماش راح نخليك توصليهم ودرتلك دارك وحدك باه مايصراوش مشاكل _مالك ياتحكيلي واش كاين يا تخليني نروح في سبيلي وبدون تهديد _ناض وقف وهزز براسو خدمة تاعك أنا لينقرر وقتاه ترجعيلها وإدا حابا تروحي فالباب مفتوح ليك ماش راح نمنعك بصح راح نخليك تخمي بقلبك شوي ماش غير عقلك حاولي تفهمي واش درت علاجالك واش ضحيت وحاربت لتم تفهمي قصدي و لعياط معاك وزعاف ماش راح يجيب نتيجة بصح قبل ماتعرفي واش هو لمخبي راح نبقى حاكمك بأي طريقة كانت لأنو حبي ليك صادق وعمري ماخممت في حاجة خلاف من غير نكونو أنا ونتي عايلا درك نخليك براحتك زيدي خمي في كلامي مليح وديري فيا ثقة نوعدك ماش راح تندمي بصح _هبط راسو ليا وطلعلي وجهي بيدو منار ماتخليش روحك بعيدة عليا باسكو أنا صبري معاك مابقاش بزاف  عطيتك وقت كفاية تقعدي وحدك فيه خلاص درك بزاف عليا وعليك لقيتو قرب باسني من خدي وقرب خدو لخدي حسيت بسخانة في وجهو  وهمسلي في ودني بهاداك نفس السخون منار نحبك حني عليا شوي _في هاديك ثانية كون مازربش بعد عليا كون استسلمت ليه لمزية ناض خرج ترنيك صح القلب لحمة وأنا ضعيفة بزااف قدامو بصح كلامو هادا لخر خلاني نزيد نتخلط لازم نلقا حل بأسرع وقت _كيجعت نضت للكوزينة شفت مع لغدا مازال كما راح يعني ماتعشاش بالاك كلا برا ولا ماعجبتوش الماكلا خليني منو كما يحب _سخنت تعشيت ورحت لاشومبر باه نشوفو باسكو حسو ماكانش لقيتو راقد بقشو وبسباطو وشبيه هادا ماش موالف بالاك يكون من تعب ماحسش بروحو _جيت خارجا سمعتو شغل يهترف رجعت قربت ليه شفتو يعرق مسيتو لقيتو يلهب بسخانة _اخااا هادا راهو مريض عليها قبيل حسيت بسخانة في وجهو _مالك مااالك نوض بدل قشك واشرب دواء راك بسخانة وعرقان _ماش قادر نوض خليني برك _لالا نوض لازم تشرب دواء وبدل عليك راك تقطر هكدا راح تزيد تمرض _ماكانش بخلافك ليمرضني _عوجت راسي ليه مالك حتا درك انا مرضتك هيا برك بركاك دلال ونوض وانشاءالله برك ماتكونش كورونا _علاه خايفا نعديك _مالك تعيش هيا نوض خليني نروح نرقد _لقيتو بعدني بيدو روحي ترقدي شكون حاكمك اصلا مافيكش لامان ليوم ولا غدوا كيترجعي تخدمي تخليني وتروحي _استغفرت وزدت قربت ليه مالك نوض ماش راح نخليك هيا عاوني نحيلك قشك _لقيتو تبسم وتقعد ويشوف معايا بطرف عين هيا عاونيني انا مانقدرش نهز يديا حاس بيهم مكسرين _شفت شفت معاه ونحيتلو تريكو يقطر بالعرق زدت صباط وتقاشر  هيا درك نحي سروالك _ لقيتو تكسل على ضهرو ماقدرش مناار حني عليا _استغفر الله عارف دير فيها بالعاني _راجلك مريض ساعفيه _وليت فتحتلو سانتورة ونحيتلو سروال _وديتو معايا لدوش غسلتلو بالفوطة بماء بارد هو مستحليها ويدلل مرة يتبسم مرة نحسو صح ماش قادر _كيكملت رجعنا لاشومبر لبستلو قش نظيف ورحت جبتلو يتعشا ماحبش ياكل وليت مديتلو دواء تاع سخانة وزنك شرب ورقد بقيت معاه طول ليل وانا نعسلو فسخانة ونعس فالاعراض ليعندو تبانلي ماش كورونا سور من لمطر تاع ليوم برك بقيت عاسا فيه حتا غفات بيا عيني مافطنت غير بصوت آدان الفجر شفت معاه مازال راقد حطيت يدي على راسو لقيت سخانة ماكانش شهاني وغلبتني نفسي قربت ليه بستو غير بشوي وبعدت لقيتو هز يدو حطها على كرشي تخلعت تما حس بيا كيبستو وكان فاطن ندمت كيقربتلو حبيت نوض بصح بقا حاكمني مافهمتوش ادا راقد صح ولا يمثل وليت رقدت حتا لصباح فتحت عينيا لقيتو مقابلني ويتفرج فيا حط يدو على خدي صباح الحب _نحيتلو يدو وتقعدت كيفاه حاس روحك مليح _كيتكوني قدامي اكيد نعود مليح _كيعدت مليح مالا نوض نديرلك تفطر وزيد شرب دواك.