ركام قلبي

الجزء 78

#ركام_قلبي
الحلقة 78.      #بقلم_لينا
ايه عندك حق هيا ندورو _رحنا مشينا درنا على الحيوانات كامل هو مايخافش يقرب نورمال ليهم أما أنا نخاف وهو يحكمني بسيف يقربلي ليهم وكيوصلنا لقرودة واحد منهم خبشو من يدو  كيماعطاهش ياكل شفت مع يدو لقيتها مجرحا ودم يسيل راح غسل ورجع قالي راني نشوف فالابتسامة على وجهك عجبتك كيتجرحت _لالا بصح تستاهل باه ماتزيدش تلعب بيهم وتقرب كتر _علاه حاسبني خواف كيفك نورمال هيا درك واش رايك نركبو فالكانيش ولا فلحصان وحدك خير _لالا لحصان نخاف نركبو فالكانيش خير_رحنا ركبنا ودار بينا تقريبا البارك كامل هبطنا منين شلالات صغار صوت ولهواء النقي يرجعلك الروح حتا ركبنا في ألعاب  وفلخر رحنا تغدينا قالي واش رايك تدي كونجي وتحكمي دار وداومي على رقية خير _نتا وين علابالك _طلع راسو ليا منار قتلك خبارك كلهم يوصلوني _ايه نسيت بصح كونجي شحال راح يمدولي علابالي قليل _نتي حطي الطلب وأنا نتكفل _لا ماكالاه دخل روحك_خبط الطابلا بيدو ووسعلي عينيه منار ماتزيديش تقوليلي مادخلش روحك _درك نتي كلك على بعضك ندخل فيك _مالك نتا واش طالب مني _كما قتلك ادي كونجي وروحي تريحي فدار أنا ندبر راسي بمعرفتي _بصح انا والفت نتكل على روحي _هاد المرة أتكلي عليا شوفي صحتك راكي شيانتي سحور هبلك حتا عدتي قريب تقتلي روحك بلا ماتفيقي اسمعيني ادا بقيتي هكدا وبهادي الحالة وتخدمي راح ينحولك شهادة الطب _كيفاه ينحوهالي بعد ماتعبت _هوما مايشوفوش التعب يشوفو النتيجة ادا لقاو في خدمتك كلشي مخلط وزيد مشاكل وتحديرات ليقبل والغلطات راح يفصلوك نهائيا _ونتا تقدر تخليهم يقبلو ندي كونجي طويل _ايه نتي ليعليك قدمي الطلب _اوك غدوا نديرو _صاحيتي هكدا نحبك _شفت معاه وبقيت تايها فيه هادي الكلمة خربطت تفكيري _وشبيكي تشوفي هكدا جامي واحد قالك نحبك _فقت بروحي وهبطت راسي لا نورمال _الأستاد تاعك جامي قالهالك زعما  _جيت نهدر حبسني _اششش منك بصح راح تهدريلي على هادي _نتا سقسيتني _ونتي ماتجاوبينيش على حاجة كما هادي _ايه كما تحب شفتو تقلق قتلو نتا درك مع من عايش مع والديك ليولدوك ولا ليرباوك _معاهم كامل _كيفاه يعني _عندنا فيلا كبيرة وأنا ولدهم الوحيد تاعهم في زوج في وسط 3 بنات زوج مزوجين وبقات سندس _تما ماعندكش خاوتك _طلع راسو شاف معايا نضرة شر نضرة ليتخوف وتخليني نهابو حتا بلعت ريقي من خوفي مافهمتش واش قلت حتا يشوف معايا هكدا _قالي نوضي نروحو .مسحت ونضت راح سلك ومشينا للباركينغ ركبنا وديمارا بساكت حتا وصلنا لبلاصة حبس خرج يتكيف وقارو وراء خوه كيطول خرجت عندو _مالك وشبيك هيا نروحو طولنا _ايه بصح قبل حبيت نقولك انا عندي زوج خاوة بصح ماتو_كيقال هكدا شوك لحمي غاضني وفهمتو علاه دار هكدا _ربي يرحمهم ماتو مع بعض؟_لا كل واحد في ساعتو وانا بقيت طفل الصغير ولكبير فالعايلا _جامي هدرتلي سندس عليها _ايه هيا انسانة كتومة ماتحبش تهدر _ايه انتبهت ليها _هيا درك نوصلك طفا القارو ورحنا ركبا قتلو ياك مازعفتش مني _شاف ليا وتبسم زعفت من قبل وبلا فايدة وحتا زعاف ولا حاجة خلاف _كيفاه مافهمتش _حابا نصارحك درك ونفهمك هادو الألغاز _ايه مادابيا _الحقد والكره رجع حب يعني نتي يامنار بدون أي إندار مسبق سكنتي قلبي وعقلي .
كلامو فاجأني وحتا حسيت بسخانة في وجهي دروت لجيهة الكارو ونتفرج وسكتنا لزوح ديمارا حتا وصلني لاري تاع البيس قالي كون عارف بلي كينصارحك تصرالك هكدا كون سكت خير _ماكنتش نسنا فيها برك _يعني هادو لمعاني كامل مافهمتيش _فهمت ودرت روحي مافهمتش _مالا ليوم فهمتك بطريقة مباشرة _ايه خليني نروح ونستوعب كلامك ماش ساهل عليا _ايه روحي وقلبي راني خليتو معاك ._تبسمت وقتلو أتهلا في روحك وهبطت ركبت لبيس وطول طريق نخمم في كلامو حتا أنا مشاعري مخلطة وماش مفهومة وفي نفس الوقت حبيت كلامو بصح خفت نزيد نتعلق بيه ونفشل كما فشلت فالتجربة الأولى ويكون كلشي غير وهم برك .