ركام قلبي

الجزء 91

الحلقة 91
#بقلم_لينا
يعني راح ترضاي بزواجو بهادي سهولة وتسامحيه _راح نرضى قتلك ماعنديش حل بصح باه نسامحو نخليه يحلم بيها نخليه يعصر عينيه ندامة على نهار ليراح تزوج عليا وبتخبية _يما وكون يجيبها هنا _ساع نحطلو سعدو في يدو ماش أنا ليدخل عليا ضرة يحب يروح عندها ربي يسهل عليه بصح ماش قدام عيني مانحملش نشوف وحدا تزغد قدامو ياولوكان نتي نغير منك _في وسط دموعنا ضحكت يعني أستعرفتي بلي تغيري مني عليه _الله غالب طبيعة ومشات فيا من صغر حبي ليه كان بلا حدود كون نصيب جنس أنثى ماتقربلوش وحتا كيكبرت وبقيت بنفس طبيعة _حضنتها وقلتلها ماش راح نلومك وممكن عندك الحق حبك البريئ والصادق لبابا خلاكي مهووسة بيه_ايه يابنتي نهار نتي تاني تتزوجي وتحبي راجلك لتم على الأقل تفهميني شوي _هدرت مع روحي قلت لمزية ماسمعتش بلي بابا حتا خالتي وخلط فيها _جبدت روحي عليها قاتلي هاكي شربي الماء مع سكر مع الهدرة نسيت بلي تغاشيتي _شربتو وسمعت الباب تفتح ودخل بابا شاف معانا منار راكي بخير ماحبيناش لزوج نردو عليه _تسمطو عليا نتوما زوج أسمعو باه يكون بعلمكم أنا تزوجت فلحلال مادرتش لحرام فهمتو وواحد فيكم مايدخل روحو فيا وابقاو تسمطو عليا قد ماتقدرو _راح وغلق الباب بالقوة قريب كسرو _نوضي بنتي خليك منو بدلي قشك وهيا تاكلي كاش حاجة وأدوشي باه تصلي راكي مطيشا صلاتك نهائيا _ايه أستهزيت عليها وماعدتش مداومتها _مانزيديش تحبسيها يابنتي اسمعي الهدرة وتقربي لربي ماكانش ليدوملك بخلافو هو الحنين لكريم وحتا راكي مازلتي مريضة كون تبعدي كتر من العبادة ماش راح تبراي من سحورات ليفيك غلبيهم بصلاتك ودعائك برك _انشاءالله يما هيا خرجت وانا نضت درت واش قاتلي وصليت ودعيت وحكمت بلاصتي رقدت لغدوا نضت لقيت يما فالكوزينة صبحت عليها وقعدت نفطر معاها شفت مع عينيها منفوخين باينا كانت تبكي قلتلها منى مارجعتش لبارح _ايه ماكانش حتا خوك ليل كامل نستنا فيه والو ماجاش _وين يكون راح تاني حتا آسيا لبارح طلبت طلاق كلشي دخل بعضو _ايه مانعرف كيفاه راح تفرا بصح غاضتني منها كيعرفت بزواجو وماجاتش خبرتني _ياك سمعتي بابا كان مخوفها _ايه ويادرا يماها واش حوالها كيسمعت بوليدها دخل للحبس _حقا تعرفي علاه _ماش عارفا حتا انا ليعرفتو أنو باباك ماعندوش دخل ماش هو ليشكى بيه _ايه لمزية _دخل بابا قعد وليت نضت حطيتلو يفطر ورحت لبست وديراكت للخدمة لقيت المخبر شبه فارغ وينهم هادو _جاء ربيع قتلو وينهم ليخدمو علاه لابو فارغ _خليك منهم راهم دايرين اضراب برا على سلاك باه يزيدولهم _ممم صار خلي من حقهم _بقينا نخدمو حتا دخلت سندس وعمتها جات هدرت معايا قلتلها ماتخافيش سيرتك ماجبدتهاش وحتا صراو بزاف مشاكل فدار _غير لخير واش صرا _ومبعد ماش درك بصح منبعد حكيتلها سطحيا برك وماجبدش سيرة أحمد نهاييا خفت تتحسس_حتا لعشية رجعت لدار مدقدقة من الخدمة طاح كلش علينا دخلت لدار لقيت يما في شومبرتها وبابا في بيت لقعاد كل واحد وحدو دخلت بدلت قشي ورحت توضيت وصليت خممت في مالك ماعيطليش ومانعرف ادا هدر مع بابا ولا مازال بقيت متحيرة نضت و قلت نشوف واش ندير لعشا دخلت للكوزينة درت سباقيتي فليل يما ماحبتش تتعشا غير انا وبابا بصح بقينا ساكتين حتا كملنا بصح كان مرة يشوف ليا حتا شكيت  بلي مالك هدر  معاه _فرزت الكوزينة وسيقتها وصليت العيشاء وحكمت بلاصتي عيطتلو بصح مايهزش خليتو في يدي ورقدت _لغدوا خدمت فنهار ووخليت يما وبابا متقلقين على اسحاق مازال ماظهر مابان حتا منى تعيط وتعاود قلتلها ماعلاباليش وين راه حبت تعرف واش صرا ماحبيتش نحكي حتا لعشية جات وحكينالها من جيهة تصدمت ومن جيهة خافت على راجلها قاتلي راح نقولك خبر على فايز _ماكالاه ماش حابا نسمع خبارو ولات سكتت .هاديك ليلة جاء بابا عندي لبيتي غير شفتو دخل وقعد قدامي فهمت حسيت بقلبي راح يخرج من الخلعة قالي بنتي انا صح متزوج بصح درتها فلحلال اي راجل يبقى بعيد على عايلتو يحس بالفراغ مانقدرش نفهمك مليح بصح حاولي تتفهميني وماتبقايش منايفتيني هكدا يماك تكفيني _بصح يما عندها الحق ماتهدرش معاك راك طعنتها في ظهرها على الاقل كيحبيت تتزوج كون صارحتها _ماقدرتش نقولها خفت كيتسمع تروح تجري عند باباها ربي يرحمو _مادام تحبها وخايف عليها علاه تزوجت عليها _منار فهميني ماش راح نقدر نشرحلك بصح بنتي ماتزيديش علينا كتر حاولي نتي تهدني الأمور بيناتنا وماتخلياش تكبر _انشاءالله ربي يجيب لخير بصح إسحاق مقلقين عليه _يكون زعاف برك ليبيه غدوا تلقايه هنا ونتي كما وصيتك درك فات الفوت نشوفو للقدام خير مانرجعو للور ومصلحتكم أنا لينعرفها خير منكم  _هو خرج وانا تعجبت كنت حاسبا راح يقولي جاء واحد خطبك بصح ماقال والو هزيت ثلفون عيطتلو كيف كيف عيطت لسندس سقسيتها عليه قاتلي مابانش هادو ليومين قال عندي خدمة _وهدر معاكم_لا ماهدرش _ اوك تصبحي بخير _كوبيت وبقيت غير نعيطلو ونعاود بصح مابان حتا رد منو وشبيه هادا .