#ركام_قلبي
الحلقة 77. #بقلم_لينا
كيخرجنا من عندو رحنا لدار غير شافو حالتي فهمو دخلت لبيتي وخليت بابا يحكيلهم شوي وجات عندي منى قاتلي نبصملك بالعشرة غير روميسة ليسحرتكم _وعلاه تجمعي ادا سحرت سحرتني أنا _لا حتا فايز مسحور راهو باين كيفاه كان حابك نتي ومبعد بطل وراح ليها باين اصلا من تصرفاتو ماش طبيعي وهيا ليبيكم _ادا هيا ربي وكيلها وفايز ماتزديش تهدريلي عليه _حطيت راسي على لمخدة وخليتها رقدت مافطنت غير لغدوا شفت مع روحي قلت لازم نروح للخدمة ونحارب ليحاب يدمرني لبست وخرجت فطرت وصلني بابا وراح دخلت عندهم شافني ربيع قالي سندس خدمت فليل غير انا معاك مسكين بقا يعاون فيا وفي كل مرة نغلط نلقاه زرب دخل روحو ويسلكني حتا عاد يقولي روحي ريحي وانا نخدم في بلاصتك البيرو كلما ندخلو يضيق عليا حالي نحب نخرج لبرا خير لتم نحس روحي مليحة وغير رجعت تحكمني نفس الحالة وهادي المرة عدت نبكي وحدي جاء ربيع قالي منار روحي لدار ماكيش تاع خدمة بركاي ماتحتمي على روحك روحي برك وانا نتكفل في بلاصتك _يعطيك الصحة _نضت رحت لبست وخرجت حسيت رجليا تقال ونمشي برك شفت مع طريق ورحت جيهتها ونمشي جيهة الحافة وطونوبيلات يصونيو عليا وانا راسي ضايع ماش عارفا نخمم ماعنديش حاجة باينا ماحسيت غير بيد على كتفي دورت لقيتو مالك غير شفتو تبسمت معاه _منار علاه ماشيا هنا اطلعي لفوق _طلعت قتلو مانعرف راني ماش مليحة علابالي مالازمش نمشي تم بصح رحت _ايه باينا ماكيش مليحة تحبي نوصلك _لالا ماكالاه نروح وحدي _منار هاد المرة ماتخافيش واش رايك نروحو لبلاصة نريحو راسنا ومبعد نوصلك _لا نخافك مانقدرش نروح معاك _ماتخافيش والله وعد رجال هاد المرة _اوك هيا _رحت وراه ركبنا وديمارا بقينا ساكتين مدة شفت مع طريق لقيتو خرج من الولاية درت ليه نتا وين مديني _ماتخافيش رايحين لبلاصة مليحة برك نبدلو جو ونرجعو _وين هادي لبلاصة _بقا غير شوي اصبري عليا وتعرفي _والله كون هاد المرة تلعب بيا مانسامحك ونشكي بيك _تبسم وقالي مادام راح تشكي بيا خلي نديك وين يهوالي راسي _ماااالك رجعني _لقيتو قارا وعاقد حواجبو قالي عاودي _واش نعاود _كلملة لخرا إسمي _ضحكت قتلو علاه جاتك بيزار _ايه اول مرة تنطقي اسمي دايما تقوليلي اسمع ولا كلمة المسعور قتلتيني بيهم _خلاص من ليوم نعيطلك بإسمك_يعني نتي ماش طالقتني وزيدي تعيطلي بإسمي كيفاه نعود _ياك ماعيطتلك ماحوست عليك نتا جيت عندي برجليك وراك وركبتني فطونبيل تاعك _لقيتو قرب ليا كتر وقالي ايه انا الله غالب عدت مانتحكمش في روحي صح نشوفك ننسى كلشي بقا غايس فيا غير يشوف وليت حشمت منو دورت وجهي وهو ديمارا سمعتو يسعل قتلو نتا علاه ماتخافش على روحك حط الكمامة تزيد تمرض _منين نخاف منك نتي _صايي راكي نقلتيلي الفيروس وحكم فيا وراح _ضحكت يعني راك متأكد بلي أنا _نضحك معاك برك بصح ممكن _الحمدلله سلكناها على خير _ايه _ شوي ووصلنا لولاية قدامنا وداخل للبارك وهادا البارك كبير ومعروف دخلنا وهبطنا قالي نجوزو ساعتين هنا ونرجعو ياك ماعندكش مشكل _خطفتني وخلصت علاه راك تسقسي درك _ايه مالا هيا ندورو شوي مع بعض وننساو شوي الهم _هنا تفكرت حاجا قتلو نتا ياك خاطب واش راك دير معايا _تبسم وهبط راسو للأرض وطلعو قالي حبست معاها ماش من مكتوبي _علاه حتا حبست _انا وهيا تربينا كيلخاوا جامي نهار سخايلت روحي معاها كراجل ومرتو بصح كيحطوني تحت الامر الاواقع قبلت نخطبها ومبعد ماقدرتش تزيد نكمل معاها فحبست كلشي لانو هادي حياتي واحد مانسمحلو يتحكم فيا _وهيا كانت معتبراتك كأخ ولا حاجة خلاف _هيا بواش تخمم مايهمنيش المهم انا شرحتلها وفهمت عليا _انشاءالله فيها خير ليكم لزوج _شاف معايا وقرب ليا قالي الخير جاء عندي بصح بقا محصور مع الشر وقد ماقاومت نفسي بصح قلبي غالبني وماش قادر يزيد يحقد كتر _هادي المرة كلامو فهمتو بوضوح بصح بعدت عليه وقتلو هيا ندورو ولا جينا نبقاو فلبلاصة هنا.
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
