ركام قلبي

الجزء 118

#ركام_قلبي
الحلقة 118
بقلمLina_sabrina#
اكيد بعد كل هاد سنين ماش راح نخليه يحطمني في ثانية  هزيت يدي مسحت دموعي  ونحيت خماري وهو هبط راسو وضحك وراح خرج للبالكون وانا فتحت الباب ورحت عند بابا _كيشافني ناض وقف بنتي البسي خمارك وامشي معايا _لالا بابا راح نبقى هنا خير _قدم ليا منار كاش ماقالك وخوفك كنتي تبكي ؟_بابا راني كبيرة ونعرف صلاحي خليني براحتي وكون بيا حاجة راني نقولك _سووور _ايه بصح بابا قولي واش كاين بيناتكم _ادا تروحي معايا فدار ونحكيلك ماش هنا _واش الفرق كيهنا كيلهيه ؟_لا كاين فرق درك نتي خليها لوقتها خير درك ماش وقتها وادا تحبي تروحي نسناك _لالا نبقا هنا _مادام مصرة باه تبقاي في دارك كما تحبي بصح بالي راح يبقى معاك أي وقت حتاجتيني عيطيلي _هززت براسي وباسني من خدي تهلاي في روحك _رحت وراه وغلقت الباب واستسلمت للواقع _مشيت لصالون وقعدت حطيت يديا على راسي ونخمم حسيت بيه كيدخل ماحبيتش نطلع راسي ليه حتا لقيتو حط يدو على شعري نحيتلو يدو و نضت وقفت بقيت نشوف معاه حسيت بالكره والتقزز منو بعدتو بيدي ومشيت رحت هزيت ثلفوني ودخلت لوحدا من شنابر سكرت الباب بالمفتاح ورحت تكسلت على كانابي حطيت وجهي على لمخدة وانفجرت بلكا غاضتني روحي غاضتني عمري وغاضني الحب والثقة ليمديتهالو حسيت بالإنكسار بقيت مدة وأنا نبكي وحدي حتا رقدت كينضت لقيت الظلمة هزيت ثلفوني شفت ساعة لقيتها 9 تاع ليل _تقعدت حسيت روحي مشمخة نضت شعلت الضوء لقيت جبة ليلابستها مطلية دم وحتا لفراش تكون العادة قوات عليا بزاف جبدت هاداك لغطا نحيتو_قدمت عند الباب كاش مانسمع حسو ماسمعت والو وليت فتحت وخرجت حطيت لغطا فالماشينة و رحت لشومبرة مالقيتوش هزيت قشي باه نبدل وزربت دخلت لدوش بدلت خرجت ودخلت للكوزينة هزيت واش ناكل وشوي سقايط وماء ورجعت للبيت  غلقت الباب وبديت ناكل قتلني الجوع شوي وسمعتو كيدخل من برا وجاء طبطب عليا _منااار افتحي _ماحبيتش نرد عليه _مناااار طمنيني ياك راكي مليحة _بقا يهدر ويغلي وحدو وراح وانا مارديتش عليه بكلمة _هزيت ثلفون وعيطت لسندس بصح ماهزتش عليا حتا تبان شريكة معاه في كلشي الله ياخدكم لزوج _انا هكداك بعد جاتني آبال من عند يما هزيت عليها قاتلي صح واش سمعت ليداروه فيك ليوم _ايه يما صح _وعلاه حتا يديرو معاك هكدا ياك كيجاو طلبوك قالو مراض عليها ماحضرو في والو _يما سقسي راجلك هو ليعلابالو انا ماقدرتش عليهم لزوج _ايه درك نزيد نسقسيه ونشوف ونتي تما العرضة تاع غدوا آنولي _ايه خلاص درك تفرت ماكانش _كوبي وغدوا ونحكيو _انشاءالله _فاتو 3 أيام وأنا حابسا روحي في هاديك لبيت مانتحركش غير ادا جعت ولا لتوالات وهو يوميا يجي يحاولني عند الباب باه نفتحلو بصح يلقا مني غير الصد  وساكتا عليه كلمة ماسمعهاش مني من غير كيعيطولي دارنا نهدر معاهم بابا ماحبش يحكي ليما وزيد راح للخدمة تاعو وقبل مايروح جاء عندي وصاني قبل على روحي وثالي اي حاجة تصرا عيطيلي ليا ولا لخوك وغير يامات برك نفري شغل صغير ونرجع _فهمتو راح عند مرتو  _بعد هادوك ليام نضت صباح شفت لطاقة دنيا برا ضلمة جو معيم ولمطر دايرا حالا ربي يجيب لخير رحت قربت للباب وفتحتها بشوي ماسمعتش حسو _رحت للشومبرة لقيتو راقد على سرير ومحضن لمخدة تاعي يوميا نلقاه هكدا نفس بوزيسيو  وشعرو هابط على جبهتو بقيت نشوف معاه يعني هادا البراءة كامل يغدر بيا ويرجع يهدد وحبو كدب في كدب ااااه يادنيا  !!_وليت زربت رحت لخزانة جبدت واش نحتاج ودخلت لدوش بدلت وغسلت ورحت للكوزينة قعدت نفطر لقيتو دخل لابس غير شورط ويشوف معايا _دورت وجهي عليه _قرب ليا وقرصني من خدي صباح الخير حبي _بقيت ساكتا ماجاوبتوش _هز كاس حليب وقعد قدامي وليت نضت _منااار ارجعي كملي فطورك _سكت عليه _منااااار راني نهدر مع جد باباك ارجعي لبلاصتك _كيعيط عليا زربت فالمشيا جيت ندخل للبيت _سمعتو كيكسر الكاس وعيطلي منااار وماعرفتش كيفاه وصل لعندي وحكمني من شعري رجعني لعندو حتا ساح عليا لحليب _قرب وجهو لوجهي _ تبانيلي ماكيش تسمعي فيا مليح ولا وين حابة توصلي بسكاتك وماش معبرتيني _اطلق شعري وبعدني _علاه ماتجاوبيش فيا عندي يامات وانا ننبح وحدي كيلكلب _راك عارف السبب ودرك اطلق يدك عليا ماش حاملا تقربلي _صاااار عدتي ماش حاملا نقرب ليك _ايه كرهتك وماش متحملة نزيد نبقا معاك دقيقة  _شاف شاف وطلق يدو وقالي ازربي ادخلي للبيت قبل ماندير فيك حاجة هياااا _دخلت جيت نغلق الباب طبعو بالقوة تزيدي تغلقي لباب على روحك نكسرو عليك سمعتي  _هو راح وانا حطيت الكاس من يدي اصلا ساح كامل ستنيتو حتا خرج ونضت بدلت قشي و هزيت زجاج وسيقت بقيت نخمم مع روحي لوقتاه نبقا معاه هكدا لازم ندير لعمري حل سكوتي ماش راح يجيب نتيجة معاه بالعكس راح يبقا معاديني ويدير رايو فيا _مور ظهر درت حاجة خفيفة تغديت وبقيت نطلع ونهبط في أفكاري باه نروح عندو ونحكي معاه موحال ولا باه نرجع معاه كما كنت من سابع المستحيلات وادا جبتهالو بالنرفزة نفس شيئ ماش راح نلقى نتيجة مالقيتش حل وليت حطيت راسي على لمخدة رقدت .